Isiyaasi 60:5 - Kafa Linguistics Project

⁵ Ebin beegiree emiroona wucwuccemmi neene; ne mulloo oogichi emiremmone; ebiyoo bahareexi gaanno ne waan wottemmo bi tunetoyich, aageteenaꞌo gaanno ne waan woyemmo bi tunetoyichiye.

Isiyaasi 60:5 ပူးပေါင်းရင်းမြစ်များ

Shoddo 119:32

Wodde shalligoon taach ne immaa beetoyich, ne geteenaꞌon tuniyoyich shittemmo taane.

Shoddo 34:5

Bi waan ciinnii beetinaꞌo aafo biremmone; boonoshi aafo yeelleyaachemmone.

Isiyaasi 23:18

Giixoochee bi danemmi gijjoo bulli Doono Yeerich kechemmone; ebiyoo koteyaachemmone; bi shimo Doono Yeeri aafooch maddee beetinaꞌoyich, beshaa beshe maayoonaa gaawe tahoonooch heechemmone.

Isiyaasi 54:2

“Ne duukkaanee xaaꞌoon gamichibe; ne maccillaateenaꞌonoo yaggibe. Ciroona quucciyaahine; ne wodereenaꞌon genjiibe; xogeenaꞌonoo manjiibe.

Isiyaasi 60:11

Asheenaꞌo aageteenaꞌochi gaannoon, yixiibeeti boonoshi taateenaꞌona tookki deebemminaꞌo boonoshi tunetoyich, ne kelleenaꞌo xumoonaa areddoonon, bulli aabooch hicheyaachemminaꞌone.

Isiyaasi 61:6

Ittoshiyoo, Doono Yeerichi qeesheenaꞌonaa no Nuggishoochi maddechinaꞌona getaa ceekkemmo ittoshine; aageteenaꞌo gaannoon maayemmo ittoshine; boonoshi yaaphoona geecemmo ittoshine.

Isiyaasi 66:12

Doono Yeeri ishichiye: “Diggoon woce aacochoommon biich woddiyemmo taane; aageteenaꞌo gaannoonoo ceeni aacochoommon bi waan wochemmo taane; aroochee xammemmo ittoshine; bi sheenooch tiqqeyemmo ittoshine; bi doshee toommoochaa capphemmo ittoshine.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Hosee'i 3:5

Ebiyee gubb, Israꞌeeleenaꞌo wotteree boonoshi Nuggishoo Doono Yeerinaa boonoshi taatoo Daawitinon qaawemminaꞌone. Gubbi yemeenooch Doono Yeerin shatiree bi waan wottemminaꞌone; bi diiroonoo deqqemminaꞌone.

Maatiyoosi 25:16

Uuche makilitoon deqqito daammii giixeꞌi bare uuche makilitoon shiijjiye.

Mishiraachechinaꞌo 10:45

Pheexiroosina tookkii waati, boonoshi mulloon Yesuusi toommooch tooꞌiiti Ayihudeenaꞌo, Yeerichi wojjoo tuneti Yaafe Ayaano Aageteenaꞌo toommooch bi kindoon beeggiꞌi worganeheete.

Mishiraachechinaꞌo 11:17

Illa Doono Yeeri no mulloon Yesuus Kiristoosi toommooch tooꞌiiti nooch bi immitoommon are wojjoon boonoshich wotta bi imigaata, Yeerin ‘Aakkiya boonoshich immenne?’ getoyich ta koni taane?” iye.

Mishiraachechinaꞌo 24:17

“Yerusaalemee kechaꞌa meeti nato beshetoyee gubb, ta asheenaꞌoyich tunemmi degee gijjoon imonaa Yeerich ichemmi deejjoon giddiyoonoyich Yerusaalem wottaꞌa hammoye.

Roomi 11:25

Ta maneenaꞌote! Ebi maacee mooyon ittoshi tuushemmon shunaache. “Mullecho noone” getiree naadeyahote. Yeer waan wottemmi Aageteenaꞌo bulli Yeerichi taatittineech boonoshi giyimmi wottoon ikkikke Israꞌeeleenaꞌo mullo muumetone.

Roomi 15:26

Makidooninaa Akaayee showoonooch beeti kittinneenaꞌo Yerusaalem beeti, yaafeenaꞌochi daggooch beeti girechinaꞌon degoyich shunnitinaꞌone.

2 Qorontoosi 10:15

Ebich nooch icheti daaroyee beshaꞌa bareenaꞌo aajjitona beshaa beshoon geecaachone; ebiyee Kiristoosi toommooch ittoshich beeti mullee tooꞌiyoo diccimmona, ittoshi daggooch beeti no shuunee daaro beshoon gabini hammemmo bi tunoon gibenehone.

Yibbaatoo 33:19

Bare yoodee asheenaꞌon boonoshi geppooch ceeggemminaꞌone; ebi aroochaa tate deejjoon deejjemminaꞌone. Boonoshi gaannoon baharoochee, baharee gashooch beeti qacoochee daneheete” iye.

Yaaꞌoo 21:24

Aageteenaꞌo bi bekkoona shaꞌemminaꞌone; showee toommeexi taateenaꞌo boonoshi oogoon bi waan deebemminaꞌone.

Yaaꞌoo 21:26

Aageteenaꞌoo boonoshi oogoonaa oogee yiiroonon bi waan giijjemminaꞌone.

1 Saameeli 2:1

Haanni ishichaꞌa corootiyan: “Ta mullo Doono Yeerina oogichii emiritone; Doono Yeerina kaama ciixeti taane. Taan bi wodiyoona oogichaa ta emiritoyich, ta etteenaꞌo toommooch miicceti taane.