Isiyaasi 60:4 - Kafa Linguistics Project

⁴ “Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Isiyaasi 60:4 ပူးပေါင်းရင်းမြစ်များ

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 14:2

Meeti aageteenaꞌo Israꞌeeleenaꞌon boonoshi showooch deeni daammemminaꞌone; Israꞌeelee yareenaꞌo aageteenaꞌon Doono Yeerichi showoochaa guunonaa gonneenon tuniiree hajjemminaꞌone; boonoshin keccitinaꞌon keccemminaꞌone; neexxii hajjitinaꞌon hajjemminaꞌone.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 43:6

Ta anaami bushiishoonaa ta maache bushiishoona wohi showoochee, showee toommo bulliichee boonoshi woyemmoyich, dambi-waani showee asheenaꞌon, gawukkibote, deshi-waani showee asheenaꞌonoo bajjaahote, gettemmo taane.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 49:17

Ne bushiisheenaꞌo kaateree wottemminaꞌone; neen happitinaꞌo ne waanee woce aallemminaꞌone.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Erimiyaasi 30:10

“Ebich ta maddechi Yaaqobo, shattaahine; Israꞌeelo, keqqiyaahine, iye Doono Yeeri. Neen wohi showoochee, ne yareenaꞌonoo boonoshi kecceti showoochee, wodiyemmo taane; Yaaqobi wotteree diggoona tooꞌi kotemmone; koniyoona biin shatiyaachemmone.

Amootsi 9:14

Ta asheenaꞌo tuneti Israꞌeeleenaꞌon boonoshi showooch wochiree deebemmo taane; boonoshiyoo tiisheti katemeenaꞌon wochinnoon hagiree arooch kotemminaꞌone; woyinoon bechiree woyinee uyoon uchemminaꞌone; maayoon bechiree bi aafoon maayemminaꞌone.

Mikiyaasi 7:12

Ittoshi asheenaꞌoo Asooree showoochee, Gibitsee, Efiraaxisee aachi guudoona beeti showoochee, wohi showooch beeti bahareenaꞌonaa guudinaꞌonoochee ittoshi waan woyemminaꞌone.

Haagi 2:7

Aageteenaꞌo bullin ta shuurikkaa, boonoshi gaanno hiniich woyemmone. Hini kexonoo oogee yiiroona ceechemmo taane.

Maatiyoosi 8:11

Ellebote, meetinaꞌo aabi-keyonaa aabi-gimonoochee woyemminaꞌone; Abrahami, Yisaaqinaa Yaaqobina tookki gifiree maayoon maaya shimaajji taatittineech kotemminaꞌone.

Yowannisi 4:35

Ittoshi ‘Batt maayi qecoyich awudde ageno echete’ ii beetaachote? Ittoshich gettoye: Gocheti maayoon manjii ciinote; maayo qecceya bedditone.

Mishiraachechinaꞌo 13:44

Guttinnee Ayihudee shambetooba giisheche asho baach echeechaa, katemeexi asheenaꞌo bulli Yeerichi qaaroon waayeya kiceeheete.