Isiyaasi 60:3 - Kafa Linguistics Project

³ Aageteenaꞌo ne bekkooch, taateenaꞌo ne haree gaargaarooch woyemminaꞌone.

Isiyaasi 60:3 ပူးပေါင်းရင်းမြစ်များ

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

Shoddo 102:16

Ebiyoo Doono Yeeri Tsiyoonin wochi shuunemmo, bi oogoonoo bekkemmo bi tunetoyichiye.

Shoddo 102:22

Ebiyoo macceenaꞌonaa taatee showeenaꞌona Doono Yeerich goyinneya kiceehoobane.

Shoddo 138:4

Doono Yeero, ne qaaroon boonoshi waayetoyich, showee toommooch beeti taateenaꞌo bulli neen galletebeete.

Shoddo 2:10

And ebich taateenaꞌote, mullechon tunebote; showee iraasheenaꞌote, ittoshi qelloon ariibote!

Shoddo 22:27

Showee tuggooch beddaahaa beeti asheenaꞌo bulli Doono Yeerin gabemminaꞌone; bi waanoo wottemminaꞌone; aageteenaꞌochi shiijjereenaꞌo bulli bi aafooch goyinnemminaꞌone.

Shoddo 68:29

Yerusaalem beeti ne yaafee kexoyicha getiree, taateenaꞌo wojjoon neech deebemminaꞌone.

Shoddo 72:11

Taateenaꞌo bulli biich goyinnebeete; aagetoo bulli biich maddebe.

Isiyaasi 11:10

Arooba Iseyichi yaroo aageteenaꞌoyich malletoon tuneree neexemmone; aageteenaꞌo biin qaawemminaꞌone; bi beeyemmi xaaꞌoo oogechi xaaꞌoo tunemmone.

Isiyaasi 42:6

“Doono Yeeri ta, neen cadiqoona ceeggeto taane; ne kishoonoo yechemmo taane; neen quyemmo taane; ta asheenaꞌoyich wogoon, aageteenaꞌoyichoo bekkoon, neen tuniyemmo taane.

Isiyaasi 45:14

Doono Yeeri ishichiye: “Gibitsee gaanno, Topphiyee giixee qiicoo ittoshicho tunemmone; neexi genje Saabee asheenaꞌo ne waan waaree, neech hajjeyemminaꞌone; sansalatoona cuyaa waaree neen dabbemminaꞌone; neen qollebee neech goyinneree: ‘Yeeri beeto neenna tookkiiniye; biyee bare nuggishoo aalloone’ gettemminaꞌone” iye.

Isiyaasi 45:22

“Nuggishoo ta baachalli baroo aallo bi tunetoyich, showee tuggo bulliich beetinaꞌote, ta waan wotteree wodibote.

Isiyaasi 49:12

Ta asheenaꞌo wohi showoochee, eboshiyoo dambi-waaninaa aabi-gimonoochee, wotta eboshiyoo Aswaanee woyemminaꞌone” iye.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Isiyaasi 60:10

“Dallaaweenaꞌo ne uxeroon wochi uxeremminaꞌone; boonoshi taateenaꞌo neech maddemminaꞌone. Ta kaaroona neen yexxeto taane; tunebaani and neech ariqqemmo taane.

Isiyaasi 60:16

Bushiishoo xanon xamoommon, aageteenaꞌonaa taateenaꞌonochi gaannoon xammemmi neene; Doono Yeeri ta, Yaaqobi goyinneebeeti Giidechi Nuggishoo, neen Wodiyechonaa neen Biishechona ta tunoon ariyemmi neene.

Isiyaasi 62:2

Aageteenaꞌo ne cadiqoon, taateenaꞌo bulli ne oogoon, beeggemminaꞌone; Doono Yeeri neen shigiyemmi, andire shigoona ceekkemmi neene.

Isiyaasi 66:12

Doono Yeeri ishichiye: “Diggoon woce aacochoommon biich woddiyemmo taane; aageteenaꞌo gaannoonoo ceeni aacochoommon bi waan wochemmo taane; aroochee xammemmo ittoshine; bi sheenooch tiqqeyemmo ittoshine; bi doshee toommoochaa capphemmo ittoshine.

Amootsi 9:12

Ebina, echeti Edoomee showoonaa ebiyee aaf taacho tuneti bare showoo bullinon koyi yechemminaꞌone” iye ebin tuniyemmi Doono Yeeri.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Maatiyoosi 28:19

Illa tiyiree hambote; aageteenaꞌo bulliich beetinaꞌon Nihoo Yeeri, Bushoo Yeerinaa Yaafe Ayaanoonochi shigoona aacona afaalloonaa tuniibote iyaꞌa ittoshich ta getteto bullin boonoshich dojjoona ta dabbeenaꞌon tuniibote. Illa yemeenee ciirooch beddaahaa bulli aaboon ta ittoshina tookkaa beeto taane” iye.

Luqaasi 24:47

Yerusaalemee tiijjiree aageteenaꞌo bulliich beddaahaa axaaxoochee Yeer waan wottoonaa maaroon danoonochi wochoo bi shigoona getteyemmone’ getaa kooreetone.

Yowannisi 12:32

Tawoo showoochee ta tiijjeehooba, asho bullin ta waan yeepphemmo taane” iye.

Mishiraachechinaꞌo 13:47

No hammaabeeti naboo, Doono, ‘Showee toommo bulliich beddaahaa beeti asheenaꞌo neenna wodemmoyich, Aageteenaꞌoyich neen ceechoo tuniito taane’ iꞌi nooch bi gettitoyichiye” iyeete.

Yaaꞌoo 11:15

Shabaattinnee maraakoo tiroon huggiye; shimaayoochaa “Showee toommeexi taatittino bulli no Doono Yeericho, bi kaacciti Kiristoosicho tunetone; bulli yemeenoon taatemmone” ii beeti ogooge qaareenaꞌon waayeho.

Yaaꞌoo 21:24

Aageteenaꞌo bi bekkoona shaꞌemminaꞌone; showee toommeexi taateenaꞌo boonoshi oogoon bi waan deebemminaꞌone.