Isiyaasi 60:21 - Kafa Linguistics Project

²¹ Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 60:21 ပူးပေါင်းရင်းမြစ်များ

2 Saameeli 7:10

Ta asheenaꞌo tuneti Israꞌeeleenaꞌoyich xaaꞌoon immemmo taane; boonoshinoo arooch manjiyemmo taane. Keqqaalloon boonoshi hajjee xaaꞌooch kotemminaꞌone. Ebiyee aafichoommon, ta asheenaꞌo tuneti Israꞌeeleenaꞌo toommooch woraaferasheenaꞌon ta ukkiriiti yemeenoochoommon gonde asheenaꞌo boonoshin neexi hajjaachemminaꞌone. Ne etteenaꞌo bulli waanee neen kashiyemmo taane. Andoo daakkaꞌa Doono Yeeri ta, taatoo tunemmi shiijjeroon neech immemmo taane.

Shoddo 37:11

Boonoshi qelloon giishii beetinaꞌo showoon woraashemminaꞌone; beemi gaawoonaa diggoona beemona emiremminaꞌone.

Shoddo 37:18

Doono Yeeri oonaalli asheenaꞌochi yemeenoon ariihe; boonoshi iristo bulli yemeeneechone.

Shoddo 37:22

Doono Yeeri diiritinaꞌo showoon woraashemminaꞌone; tunebaani bi uppitinaꞌo aallemminaꞌone.

Shoddo 37:29

Cadiqeenaꞌo showoon woraashemminaꞌone; bulli yemeenoon arooch kotemminaꞌone.

Shoddo 92:13

Doono Yeerichi kexooch becheetinaꞌone; no Nuggishoochi addibaabooch waarwaariyemminaꞌone.

Isiyaasi 19:25

Beshe Mawe Doono Yeeriyoo “Ta asheenaꞌo tuneti Gibitseenaꞌo, ta kishee shuuneenaꞌo tuneti Asooreenaꞌo, ta iristeenaꞌo tuneti Israꞌeeleenaꞌo diireebeete” geti diiremmone.

Isiyaasi 24:16

“Cadiqo tuneti biich oogo tunebe” immi shoddo showee tuggoochee waayeyemmone. Tunebaani ta, “Dallito taane; dallaa muujjeto taane; taach woowo! Dawushechinaꞌo dawushitinaꞌone; boonoshi dawushoonoo beshii beshii hammitinaꞌone” iyo.

Isiyaasi 26:2

Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 29:23

Ta kishee shuunoo tuneti boonoshi bushiishoon boonoshi daggooch boonoshi beegiyooba, ta shigoon yaafoo tuniyemminaꞌone; Israꞌeelee Yaafoon oogiyemminaꞌone; Israꞌeelee Nuggishoon shattemminaꞌone.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 45:11

Israꞌeelee Yaafoo tuneti, biinoo halliti Doono Yeeri ishichiye: “Ta bushiisheenaꞌochon taan echehote? Ta kishee shuuneechon ciinnii beetona echoon hakkehote?

Isiyaasi 45:24

“Asheenaꞌo ‘Cadiqoonaa giidoona danemmo Doono Yeer waanaa baachiye’ getiree taachon yibbaatemminaꞌone; ta toommooch tiyitinaꞌo bulli, ta waan waaree yeellemminaꞌone.

Isiyaasi 45:25

Israꞌeelee yareenaꞌo bulli, Doono Yeeri taanna cadiqemminaꞌone; oogoon danemminaꞌone” iye.

Isiyaasi 45:8

“Shimaayeenaꞌote, cadiqoon dambee kindiibote; gumeenaꞌo amiyochoommon dichibeete; showoo qecheebe; wodoonaa cadiqoona collebe; Doono Yeeri ta ebin hallito taane.

Isiyaasi 49:3

Biyoo taach “Israꞌeelo, ne ta guuno neene; neenna oogemmo taane” iye.

Isiyaasi 51:2

Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 54:17

Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Isiyaasi 57:13

Ne cookiyooba ne kiciti, shahalleenaꞌo neen wodiibeete; yongo boonoshin daammemmone; kashee hiinno boonoshin aalliyemmone. Ta shoobooch giyito showoon hajjemmone; yaafeeti ta guudonoo woraashemmone” iye.

Isiyaasi 61:11

Showee maayoon bi colliyoommon, bechee budo arooch shookkeeton bi kophiiyoommon, Nuggishoo Doono Yeeri cadiqoonaa galletoonon, aageteenaꞌo bulli aafooch colliyemmone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 61:7

Ittoshi yeellee qoodoon gutte kishoon danemmo ittoshine; ittoshi cooneyee qoodoon ittoshi qoodoona emiremmo ittoshine; ittoshi showoochaa gutte kishoon woraashemmo ittoshine; bulli aabee emiroo ittoshich tunemmone.

Isiyaasi 62:4

Illa ebiyee bekk Duppeti getaa ceekkeyaachemmi neene; ne showoo Shokkaachoo Echeto getteyaachemmone; tunebaani Ta Emiroo Arooch Beeti getteyemmi neene; ne showee kenechi tunemmine; Doono Yeeri neenna bi emiritoyich, ne showeyoo Kenechi getteyemmine.

Isiyaasi 64:8

Tunetaa Doono Yeero, ne, no Nihoo neene; no, nuuqqoo noone; newoo noon hacheto neene; no bulli ne kishee shuunoo noone.

Isiyaasi 65:9

Yaaqob waanee shiijjeroon, Yihudi waanee ta guudinaꞌon woraashemminaꞌon deebemmo taane. Ta kaaccetinaꞌo showoon woraashemminaꞌone. Ta guuninaꞌoo arooch beeyemminaꞌone.

Erimiyaasi 24:6

Deꞌe mooyoyich ta aafoon boonoshi waan wochemmo taane; hini showooch boonoshin wochi deebemmo taane; boonoshin hagishalli ta gettemmo happaachemmo taane; boonoshin bechishalli ta gettemmo waaxaachemmo taane.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Hiziqeeli 11:17

“ ‘Ebichoo Nuggishoo Doono Yeeri ishichitone: Aageteenaꞌo daggoochee, shaceꞌi ittoshi beeti showoo bulliichee ittoshin kicemmo taane; Israꞌeelee showoonoo ittoshich immemmo taane itone’ gete.

Hiziqeeli 34:29

Qeemi showoon boonoshich qanniyemmo taane; ebiyee bekk showee toommoochaa shaacoona ciireyaachemminaꞌone; ebiyee bekk aageteenaꞌona naakkeyaachemminaꞌone.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Hiziqeeli 47:7

Ta wottehaa ebiyoche aachi gaagemooch, okkinaa hachinooch wodde mixinaꞌo beeteete.

Amootsi 9:15

Boonoshi hajjee showooch daamiree, mixo bechoommon boonoshin bechemmo taane; boonoshich ta immeti showoochee, boonoshin waaxxemmo koniyoona aalloone” iye ittoshi Nuggishoo Doono Yeeri.

Abidiyi 1:17

“Tunebaani Tsiyooni guudi toommooch, aalloochee muriccitinaꞌo danemminaꞌone; ebi xaaꞌoo yaafe xaaꞌoo tunemmone; boonoshi hajjoo tuneti showoon Yaaqobichi asheenaꞌo wochinnoon woraashemminaꞌone.

Sofoniyaasi 3:13

Curo tuneꞌi echeti Israꞌeeleenaꞌo gonde mooyon shuuneyaachemminaꞌone; kootoonoo kootaachemminaꞌone; ashoon dachee yibbaatoo boonoshi heciyoochee keyaachemmone. Cikkii mocoon yaapphiibeeti bagoochoommon keqqaalleenaꞌo tunemminaꞌone; kashe qeyemminaꞌone; amoyichona shataachemminaꞌone” iye.

Maatiyoosi 15:13

Tunetaa bi wochiꞌi, “Shimaajji ta Nihoo Yeeri bechaano bulli waaxemmone.

Maatiyoosi 5:5

Gaꞌi deꞌeenaꞌo diireetinaꞌone; showoon woraashemminaꞌne.

Yowannisi 15:2

Ta toommooch beechii aafeyaani ato bullin kuxi wokkiyemmone; aafoon aafeebeeto bullinoo woddiiree bi aafemmoyich qephemmone.

Efesooni 1:12

Ebin bi tuniito, Kiristoosin gibenoona shiichoo tuneti noonna bi oogee yiiroyich bi galleteyemmoyichiye.

Efesooni 1:6

Ebin gabii bi maaccito, aaxxe bi Bushoo waanaa nooch bi immiti, worganikkiti wojjoyich bi galleteyemmoyichiye.

Efesooni 2:10

Yeeri halliti halloo noone; Kiristoos Yesuusina and noon bi hallito, shiichiꞌi bi qanniiti gaawe shuunoon shuunebee no beeyemmoyichiye.

2 Tasaloonqi 1:10

Ebi arooba bi yaafeenaꞌo, eboshiyoo boonoshi mulloon bi toommooch tooꞌiiti asheenaꞌo bulli, biin oogiyemminaꞌone; bi oogee yiiroona worganemminaꞌone. Ittoshi wotta ittoshich no miixeton ittoshi iberiitoyich, ebi are yaafeenaꞌona tookki tunemmo ittoshine.

2 Pheexiroosi 3:13

Tunebaani bi gibenikkiti gibenoommon, cadiqittino beeyemmi andire shimaayoonaa andire showoonon quyaabeeto noone.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.

Yaaꞌoo 21:7

Gondoochi giidoon kochii wochito ebin woraashemmone; biich Nuggishoon tunemmo taane; biyoo ta bushoon tunemmone.

Yaaꞌoo 5:10

boonoshinoo no Nuggishoyich maddeebeeti qeesheenaꞌonaa bi taatee asheenaꞌonon tuniito neene; showee toommoochoo taatemminaꞌone” iyeete.