Isiyaasi 60:2 - Kafa Linguistics Project

² Ebiyoche, manderoo showoon, dunne manderoo asheenaꞌon guuppemmone; tunebaani Doono Yeeri ne toommooch bekkemmone; bi oogee yiiroo ne toommoochaa bekkemmone.

Isiyaasi 60:2 ပူးပေါင်းရင်းမြစ်များ

1 Taateenaꞌo 8:11

Doono Yeerichi oogo yaafee kexooch bi ceennitoyich, qeesheenaꞌo qubee naboona, neexeꞌi maddoon hakkaaneenaꞌone.

Shoddo 102:16

Ebiyoo Doono Yeeri Tsiyoonin wochi shuunemmo, bi oogoonoo bekkemmo bi tunetoyichiye.

Shoddo 80:1

Israꞌeelee Qiddoocho, Yooseefi shiijjeroon bagoochoommon yaabaa beetocho, no qolloon waayebe. Kiruubeenaꞌochi toommooch kotaabeetocho, aaxxe bekkebe!

Isiyaasi 2:5

Yaaqobichi yareenaꞌote, ittoshi waataa, Doono Yeerichi bekkoona shaꞌebone.

Isiyaasi 4:5

Aroochee Doono Yeeri Tsiyooni guudi toommonaa arooch kicee beetinaꞌo bulli toommonooch areddoon quboon, xumoonoo cufoonaa cobcobbiibeeti qaaqqee aaxxoonon deejjemmone. Yeerichi oogee yiiroo are katemee toommooch ooge duukkaanoochoommon yiiremmone.

Isiyaasi 58:10

shaacetinaꞌoyich ittoshi maayoochee ittoshi qoodigaata, duꞌetinaꞌochi qaatoon ittoshi ceechigaata, ittoshi bekko manderoochaa aaxxemmone; ittoshi manderoo areddee aaboommon tunemmone.

Isiyaasi 58:8

“Ebin ittoshi tuniigaata, ittoshi bekko haree aaboochoommon kechemmone; ittoshi wodoo kaate shaggemmone; ittoshi cadiqo ittoshi aafooch shiichemmone; Doono Yeerichi oogo ittoshi gubbaa tuneree ittoshin quyemmone.

Isiyaasi 62:1

Bi cadiqittino haree bekkoochoommon, bi wodoo gippee aaxxoochoommon, bi bekkammi wottoon, Tsiyoonichon cikkaache; Yerusaalemichonoo kasheyaache.

Isiyaasi 66:11

Ebiyoo goggiibeeti bi xanoochee xamiree ittoshi michemmoyich, beshaa beshe bi gaannoochee gaawichi uyiree, ittoshi emiremmoyichiye.

Isiyaasi 8:22

Aroochee showooch ciiniree xuuxoon, manderoonaa ciitoonon beeggemminaꞌone; dunne manderooch duppeyemminaꞌone.

Erimiyaasi 13:16

Manderoon bi deebaan beetaa, mandereti guudinaꞌo toommoochaa ittoshi baateenaꞌo tepheyaan beetaa, gibenoona ittoshi quyeebeeti bekkoon, manderooch, dunne manderoochoo shaddaani bi beetaa, ittoshi Nuggishoo Doono Yeerin oogiibote.

Hiziqeeli 10:4

Aroochee Doono Yeerichi oogee yiiroo kiruubeenaꞌochi toommoochee yaafee kechi kellooch hammiye; qubo kexooch ceenniye; addibaaboo Doono Yeerichi oogee yiiree phaqqoona ceenniye.

Leweenaꞌo 9:23

Aroyee gubb, Muusinaa Haroonina danee duukkaanooch giyiyeete. Ebi aroochee kechiꞌi asheenaꞌon diiriyeete. Doono Yeerichi oogee yiiroo asheenaꞌo bullich bekkehe.

Milikiyaasi 4:2

Tunebaani taach shattiibeeti ittoshich cadiqee aabo kechemmone; bi kooyo ittoshin wodiyemmone. Xogoochee kechiibeeti maamochoommon keyiree bahemmo ittoshine.

Haddoo 16:19

Aroochee Qoraahi iiteenaꞌo bullin boonoshi toommooch tiijjoyich, danee duukkaanee kellooch kiciye. Doono Yeerichi oogee yiiroo iiteenaꞌo bullich bekkehe.

Maatiyoosi 15:14

Boonoshin qayote; aaf doogoon yaabiibeeti aaf doogeenaꞌone; aaf doogo aaf doogoon bi yaabigaata, gutteenaꞌo yesheree oppooch dihemminaꞌone” iye.

Maatiyoosi 23:19

Hini aaf doogeenaꞌote! Deejjoonaa deejjoon yaafiibeeti deejjee gudoonoochee aabine besho?

Maatiyoosi 23:24

Hini ashoon yaabiibeeti aaf doogeenaꞌote, ‘Noon eeꞌiyemmone’ iꞌi ittoshi uyoochee shunneen teegiyote; tunebaani gaaleen qooxxiyote.

Yowannisi 1:1

Shiichiꞌi Qaaro beehe; hini Qaaro Yeer waan beehe; biyoo bi qelloona Yeerine.

Yowannisi 1:14

Are Qaaro ashoon tunehe; Yeerichi wojjoonaa iberoona bi toommooch meettiꞌi bekketaa noonna tookkii beehe; bi Nihoyich ikke mixxe Bushoo bi tunetoyich, bi waanee bi deqqiti oogee yiiroon beeggehone.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 8:55

Biin ariyaano ittoshine; tunetaa ta ariibeeto taane. ‘Biin ariyaano taane’ ta getigaata, ittoshichoommon kootecho tunesho taane; tunebaani biin ariibeeto taane; bi gettitonoo ceechaabeeto taane.

Mishiraachechinaꞌo 14:16

Besheti yemeenooba aageteenaꞌo bulli boonoshi shunniti gommona boonoshi hammemmoyich Yeeri boonoshin qajjiye.

Mishiraachechinaꞌo 17:23

Ishichaa ta gettaabeeto, ittoshi goyinneebeeti xaaꞌeenaꞌon guuddaa beeggaꞌa, ‘Aricheyaani nuggishoo’ getaa kooreeti deejjee xaaꞌoon ta danetoyichiye. Illa and ittoshich ta gettaabeeto, ‘Aricheyaani nuggishoone’ iꞌi ittoshi goyinneebeeto, koni bi tunooniye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

2 Qorontoosi 3:18

Ebich no bulli kaappeyaani baroona Doonochi oogee yiiroon heeraawoochoommon wacciibeeto noone; hini oogee yiiroo Ayaano tuneti Doono waanee bi waa beetoyich, Doonochi malletoon no shaahemmoyich, oogee yiiroochee beshe oogee yiirooch noon shaddii beetone.

Qolaasiyaasi 1:13

Biyoo manderee taatoo kishoochee noon kichiye; bi shuni Bushoochi taatittineech noon giijjiye.

1 Pheexiroosi 2:9

Tunetaa manderoochee keyiree worganikkiti bi bekkooch ittoshi giyemmoyich, ittoshin ceeggiti Yeerichi deꞌittinoon ittoshi gettemmoyich, kaacheti shiijjeroo, taatoo Yeerich maddeebeeti qeeshoo, yaafeeti aagetoo, bi hajjoo tuneti yoodo ittoshine.