Isiyaasi 60:11 - Kafa Linguistics Project

¹¹ Asheenaꞌo aageteenaꞌochi gaannoon, yixiibeeti boonoshi taateenaꞌona tookki deebemminaꞌo boonoshi tunetoyich, ne kelleenaꞌo xumoonaa areddoonon, bulli aabooch hicheyaachemminaꞌone.

Isiyaasi 60:11 ပူးပေါင်းရင်းမြစ်များ

Nehimi 13:19

Ebiyee gubb, shambetoo giyaan beetaa, showee shimmishimmooch, Yerusaalemi kelleenaꞌo hichemmoyich, wotta shambetoo kechimmi wottoon, boonoshi qecheyaachemmoyich getteho. Shambetee aaboon qiico shaagaa giyeyaachemmoyich, ta shuunechinaꞌoochee ikkikkeenaꞌona kelloon quyiiho.

Shoddo 149:8

Boonoshi taateenaꞌon sansalatoona, boonoshi iraasheenaꞌon baatee qoqqaannoona cuyona,

Isiyaasi 24:21

Arooba Doono Yeeri shimaajji halleenaꞌon, showeexi iraasheenaꞌonoo naxemmone.

Isiyaasi 26:2

Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 49:23

Taateenaꞌo neech dichinihoon, taateenaꞌochi mecheenaꞌo dichindeen, tunemminaꞌone; baroona guuferee neech goyinnemminaꞌone; ne baateexi buttoon baaxxemminaꞌone; ebina Doono Yeeri ta tunoon ariyemmi neene; boonoshin ta gaachemmoyich quyee beetinaꞌo ciroona yeelleyaacheete” iye.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 60:5

Ebin beegiree emiroona wucwuccemmi neene; ne mulloo oogichi emiremmone; ebiyoo bahareexi gaanno ne waan wottemmo bi tunetoyich, aageteenaꞌo gaanno ne waan woyemmo bi tunetoyichiye.

Isiyaasi 61:6

Ittoshiyoo, Doono Yeerichi qeesheenaꞌonaa no Nuggishoochi maddechinaꞌona getaa ceekkemmo ittoshine; aageteenaꞌo gaannoon maayemmo ittoshine; boonoshi yaaphoona geecemmo ittoshine.

Isiyaasi 62:10

Beshebote; kelloo waan beshebote; asheenaꞌoyich gommon qanniibote; shuunebote; gamini gommon shuunebote; xaqqeenaꞌon bayote; asheenaꞌo beeggemmoyich malletoon kaama tiijjibote.