Isiyaasi 6:5 - Kafa Linguistics Project

⁵ Tawoo, “Ta noonoo eeꞌeti asho taane; ta beetoo, boonoshi noonoo eeꞌeti asheenaꞌo daggoochiye. Taatoo, Beshe Mawe Doono Yeerin ta aafoona ta beeggetoyich, aalleto taane; taach woowo!” iyo.

Isiyaasi 6:5 ပူးပေါင်းရင်းမြစ်များ

Halloo 32:31

Phiniꞌeelin beshee bi hammaahaa, showoo harii aabe kechahan. Biyoo bi gallo hollitoyich, hekkelleebee hammiye.

Shoddo 24:10

Ebi oogechi Taatoo konine? Beshe Mawe Doono Yeerine; aroo oogechi Taatoone.

Keyo 24:10

Israꞌeelee Nuggishoon beeggiyeete. Bi baatee dechiich birooba shimaayoo xalloommon xalleti, sapiiree aaxxe xaqqoochee shuuneeti, godoommi mooyo beetone.

Keyo 3:6

Daakkiꞌi, “Ne nihoo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo taane” iye. Arooba Muusi Yeerina tookkii baroona danoon bi shattitoyich, bi aafoon oppehe.

Keyo 33:20

Tunebaani koniyoona taan beegiree kashoona beemon hakkaachemmo bi tunetoyich, taan aafoona ciinon hakkaachine” iye.

Keyo 4:10

Muusiyoo Doono Yeerich ishichiye: “Ta Doonocho, aaf tuneba ne guuno taanna tookkaa ne yibbaatetoyee gubb, andoo yibbaatoon hakkechi asho toono taane. Eciya tippo, yibbaatoonoo hakkaani asho taane” iye.

Keyo 6:12

Tunebaani Muusi wochiꞌi Doono Yeerich, “Israꞌeeleenaꞌo ta getaa waayoon qajjiton, Farooni ta getaa aabichiree waayehe? Tawoo yibbaatoon hakkaani eciya tippo taane” iye.

Keyo 6:30

Tunebaani Muusi Doono Yeerich “Ta, eciya tippo taane; ta getaa Farooni aabichiree waayehe?” iye.

Isiyaasi 24:16

“Cadiqo tuneti biich oogo tunebe” immi shoddo showee tuggoochee waayeyemmone. Tunebaani ta, “Dallito taane; dallaa muujjeto taane; taach woowo! Dawushechinaꞌo dawushitinaꞌone; boonoshi dawushoonoo beshii beshii hammitinaꞌone” iyo.

Isiyaasi 29:13

Doono ishichii beetone: “Hini asheenaꞌo ‘Neecho noone’ iibee boonoshi noonoona taan oogii beetinaꞌone; tunebaani boonoshi mullo ta waanee oogeton wohone; taach boonoshi shattiibeeto asho dojjiti duube doyoommonane.

Isiyaasi 33:17

Ne aafeenaꞌo taatoon bi oogoona beeggemminaꞌone; wohooch yaggeeti showoon beeggemminaꞌone.

Isiyaasi 59:3

Ittoshi kisheenaꞌo damoona, ittoshi yaphereenaꞌoo axaaxoona wooretinaꞌone; ittoshi noonoo kootoon, ittoshi heciyoo gonde mooyon yibbaatetone.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Erimiyaasi 1:6

Tawoo “Ta Nuggishoo Doono Yeero, batt bushoo ta tunetoyich aabichi ta yibbaatemmo gaata ariyaano taane” iyo.

Erimiyaasi 51:57

“Bi woraaferasheenaꞌonaa ariyechi bi asheenaꞌonon, bi ukkireenaꞌonaa bi iraasheenaꞌonon, bi ginee iraasheenaꞌonoo mashiyemmo taane; bulli aabee tokketoon tokketemminaꞌone; ciroonoo tiyaachemminaꞌone” iye bi shigo Beshe Mawe Doono Yeeri getteebeeti Taatoo.

Hiziqeeli 12:2

“Ashi bushoocho, hukkechi macceenaꞌo daggooch koteto neene; ciinoyich aafoo beetaa ciinaacheete; waayoyich waamo beetaa waayeyaacheete; ebiyoo hukkechi yareenaꞌo boonoshi tunetoyichiye.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Daaneeli 9:20

Tawoo corootii ta beetaa, ta axaaxoonaa ta asheenaꞌo tuneti Israꞌeeleenaꞌo axaaxoonon aannii ta beetaa, bi yaafe geppoochon ta Nuggishoo Doono Yeerin qollaabee

Imbaaqoomi 3:16

Tawoo ebi bullin waayaꞌa qewehoye; shatona ta noonoo tippehe. Ta shaawusho shekirehe; ta tingoo qewehe. No etteenaꞌon Doono Yeeri naxemmi aaboon, cikki quye beeyemmo taane.

Haddoo 17:12

Aroochee Israꞌeeleenaꞌo Muusich ishichiyeete: “Ebiyoche qitaaniye no beeto; aallaaniye no beeto; no bulliyona aallaaniye no beeto.

Woraaferasheenaꞌo 13:22

Manuuhiyoo bi mechech “Doono Yeerin no beeggetoyich, no qitoo xiisheeti mooyone” iye.

Woraaferasheenaꞌo 6:22

Geediyooniyoo bi beeggito Doono Yeerichi maraakoo bi tunoon ariiꞌi, “Nuggishoo Doono Yeero, baroona danaꞌa Doono Yeerichi maraakoon beeggeto taane; illa taach woowo!” iye.