Isiyaasi 6:2 - Kafa Linguistics Project

² Surafeeleenaꞌoo biyee tookk neexetinaꞌone; boonoshi ikkikkoyich shiritti shiritte qoshoo beetone. Gutte qoshoona boonoshi aafoon qerii beeheete; gutte qoshoona boonoshi baatoon qerii beeheete; gutte qoshoonoo yoobbii beeheete.

Isiyaasi 6:2 ပူးပေါင်းရင်းမြစ်များ

Halloo 17:3

Abraamiyoo bi baroona showooch guufehe. Yeeriyoo biich ishichiye:

1 Taateenaꞌo 19:13

Eliyaasiyoo ebin waayeꞌi, bi aafoon bi tahoona oppeechii, kechii xaqqee gofee kellooch neexehe. Aroochee, “Eliyaaso, hiniich amooniye ne hallaa beeto?” ii beeti qaaroon waayehe.

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

1 Taateenaꞌo 6:24

Kiruubee ikke qoshoo uuche hiroo, baroo wotta uuche hiroone; ikkoochi cilloochee baroochi cillooch beddaahaa, aashire hiroone.

1 Taateenaꞌo 6:27

Kiruubeenaꞌon daammii, Yaafe Xaaꞌeexi Yaafooch, gubb waanaa kotiihe; kiruubeenaꞌochi qoshoo yaggeetone; ikke kiruubee qoshoo ikke baddi daabbooch tuggee beehe; bare kiruubee qoshoo bare baddi daabbooch tuggee beehe; gutte kiruubeenaꞌochi qoshoo Yaafe Xaaꞌeexi Yaafee daggoochaa biinnaa biinna danee beehe.

1 Taateenaꞌo 8:7

Kiruubeenaꞌoo taabootee toommooch boonoshi qoshoon yaggiꞌi, taabootoonaa bi yareenaꞌonon qerii beeheete.

Nehimi 9:6

Ne ikkeeto baach Doono Yeeri neene; shimaayoon, shimaayeexi shimaayoon, boonoshi daggoochoo beeto bullin, showoonaa bi toommooch beeto bullinon, baharoonaa bi daggooch beeto bullinonoo hallito neene; bullichona kashoon immaabeeto neene. Shimaayeexi halleenaꞌo bulliyoo neech goyinnee beetinaꞌone.

Iyoobi 1:6

Ikke areddoon maraakeenaꞌo Doono Yeeri aafooch giddehooba, Sheexaanoo boonoshina tookkii giddehe.

Iyoobi 15:15

Yeeri bi maraakeenaꞌonolla gibeneyaanoone; shimaayeenaꞌolla bi aafoochaa xalleenaꞌo tooneenaꞌone;

Iyoobi 4:18

Yeeri shimaayooch beeti bi naayinaꞌon gibeneyaache; bi maraakeenaꞌon boonoshi muricoyich ittibatee beetone.

Shoddo 103:20

Bi qaaroonoo ceechiibeeti, bi gettii beeton waayaabeeti, hakkechi maraakeenaꞌote, Doono Yeerin diiribote.

Shoddo 104:4

Yongoon ne wocheeyechon, conjiibeeti qaaqqoon ne maddechon tuniihine.

Shoddo 18:10

Kiruubee toommooch tuneꞌi yoobbiye; yongoochi qoshoona tuneꞌi yoobbiye.

Shoddo 89:7

Shimaajji iitee daggoochaa Yeeri shattiitone; bi guudoona beetinaꞌo bulliyee beshoon oogoonaa shattiitonane.

Keyo 25:20

Kiruubeenaꞌo boonoshinaa boonoshina ciinee beetinaꞌo tuneechi, boonoshi aafoon axaaxoon maariyee guufo waan tuniibeete; boonoshi qoshoon yaggiree axaaxoon maariyee guufoon yiiribeete.

Keyo 3:6

Daakkiꞌi, “Ne nihoo Nuggishoo, Abrahami Nuggishoo, Yisaaqi Nuggishoo, Yaaqobi Nuggishoo taane” iye. Arooba Muusi Yeerina tookkii baroona danoon bi shattitoyich, bi aafoon oppehe.

Keyo 37:9

Kiruubeenaꞌo boonoshinaa boonoshina ciinee beetinaꞌo tuneechii, boonoshi aafoon axaaxoon maariyee guufo waan tuniiheete; boonoshi qoshoon yaggiꞌi, axaaxoon maariyee guufoon yiiriheete.

Isiyaasi 6:6

Aroochee surafeeleenaꞌoochee ikkoo, deejjee gudooch beeti qaaqqee bunoochee gucetoona yechiꞌi yoobbiibee ta waan waahe.

Hiziqeeli 1:11

Boonoshi shaahoo ebiyoommone. Ebi halleenaꞌochi gutti gutte qoshoo damba yaggeechii ikkoo baroochona danee beetone; bare gutti gutte qoshoo boonoshi achoon qerii beetone.

Hiziqeeli 1:24

Boonoshi hammii beegaata boonoshi qoshee qaaro ooge aachi qaaroommo, Beshe Hakkechi Yeerichi qaaroommo, meeti ginee naayinaꞌochi qaaroommo bi tunoon waayeho. Boonoshi neexee beegaata boonoshi qosheenaꞌon qoddii beeheete.

Hiziqeeli 1:4

Ciinnaa ta iyaa, ebiyoche dambi-waanee yubee yongo waa beete; ooge quboochee phaqqoo phaqqiye; bi guudoona beeti shimaayoo aaxxehe; bi gutte daggoochaa gooshoommi mooyo waccii aaxxehe.

Hiziqeeli 1:6

Boonoshi ikkikkoyich awudd awudde aafeenaꞌonaa awudd awudde qosheenaꞌona beetinaꞌone.

Hiziqeeli 1:9

Boonoshi qosheenaꞌo ikkoo baroochona danee beetone; okk hach guudaanoon boonoshi ikkikkoona kaamooch aafi qaxirii beeheete.

Hiziqeeli 10:16

Kiruubeenaꞌo hammimmona, gengeenaꞌoo boonoshi gaꞌoona hammiyeete; kiruubeenaꞌo showoochee kaama tiya boonoshi qoshoon boonoshi yaggimmona, gengeenaꞌoo boonoshi gaꞌoochee badd wotteyaaneenaꞌone.

Hiziqeeli 10:21

Boonoshi ikkikkoyich awudde shaahoonaa awudde qoshoona beetone; boonoshi qoshee dechiich ashi kishoommi kishoo beetone.

Daaneeli 7:10

Qaaqqoo woce aacochoommon, bi aafoochee kechiꞌi ufee beehe. Hume kaallee humeenaꞌo biich maddee beeheete; aashire hume kaallee aashire humeenaꞌoo bi aafooch neexee beeheete. Nallechinaꞌo nalliya koteꞌi, macaafeenaꞌon gaxxiyeete.

Daaneeli 9:21

corootii ta beetaa, yaaꞌoona shiichaꞌa ta beeggeti, Gabreeli, womikkee deejjoo giddeebeeti saatooch afaafinee yoobbiibee ta waan waahe.

Zakaariyaasi 3:4

Maraakoo bi aafooch neexee beetinaꞌon “Ebi uro taheti wooreti tahoon shootote” iye. Yaasinoo “Ne axaaxoon ne waanee wokkiito taane; gaawe tahoonoo neech tajjemmo taane” iye.

Luqaasi 1:10

Ixaano shookkeebeeti saatooch dofee asheenaꞌo bulli maaxooch neexeꞌi corootii beeheete.

Hibireena'o 1:7

Yeeri maraakeenaꞌochon gettiibee, “Bi maraakeenaꞌon yongoomminaꞌon, bi wocheyechinaꞌonoo conjiibeeti qaaqqoomminaꞌon, tuniyemmone” iye.

Yaaꞌoo 14:6

Ebiyee gubb, showee toommooch beetinaꞌoyich, aagetoo bullich, ashi yoodo bullich, baribare noonoona yibbaateebeeti asheenaꞌo bullich, ashi yaroo bullich bi gettemmi, bulli yemeenooch beddaahaa tunemmi mishiraachee qaaroon yechiti bare maraakoo shimaayoona yoobbii bi beetaa beeggeho.

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.

Yaaꞌoo 7:11

Maraakeenaꞌo bulliyoo taatee qeechi guudoona, geeneenaꞌonaa kashechi awudde halleenaꞌonochi guudoona neexee beeheete; taatee qeechi aafooch baroona guufeheete; Yeerichoo goyinneebee,

Yaaꞌoo 8:13

Aroyee gubb ikke booyo shimaayee daggoona yoobbii bi beetaa beeggeho. Oogeti qaaroona “Bare keejje maraakeenaꞌo tiroon huggemminaꞌo boonoshi tunetoyich, showee toommooch beeti asheenaꞌoyich woowo, woowo, woowo!” bi ii beetaa waayeho.