Isiyaasi 6:11 - Kafa Linguistics Project

¹¹ Tawoo “Ta Doonocho, ebi tunemmo aati wottooniye?” iyo. Biyoo taach wochiꞌi ishichiye; “Katemeenaꞌo beeyemmon mucceꞌi happeemmi wottoon, kexinaꞌo ashaalli onoon tunemmi wottoon, showee ciroona shokko echemmi wottooniye.

Isiyaasi 6:11 ပူးပေါင်းရင်းမြစ်များ

Shoddo 74:10

Yeero, etteenaꞌo cooqqiremmo aati wottooniye? Bulli yemeenoon ne shigoon naagi beebeeta?

Shoddo 79:5

Doono Yeero, ebi aati wottooniye? Bulli yemeenoon kaare beeyemmo neene? Ne qanaato qaaqqee aaxxoommon aaxxeshiye bi beeyemmo?

Shoddo 90:13

Doono Yeero, noon ne kaare beeyemmo aati wottooniye? Ne guuno no waan wotteree, nooch ariqqebe.

Shoddo 94:3

Doono Yeero, aati wottooniye? Gonde asheenaꞌo coondere beeyemmo, aati wottooniye?

Isiyaasi 1:7

Ittoshi showoo ashaallo tunetone; ittoshi katemeenaꞌo qaaqqoona miccitinaꞌone; ittoshi ciini beetaa maachi asheenaꞌo ittoshi showoon boggemminaꞌone; bulli mooyon aalliiree shokko echiyemminaꞌone.

Isiyaasi 13:12

Ashoon aalliiree, gaawe aachoyee, Ofiiree aachoyenoo beshe aaxxoon tuniyemmo taane.

Isiyaasi 3:26

Yerusaalemi kelleenaꞌo muushenemminaꞌone; eeppemminaꞌone; katemeyoo shokko echaꞌa showooch koteti ureen shaahemmine.

Isiyaasi 3:8

Yerusaalemi tattellaa beetine; Yihudee showoo tiishee beetone; ebiyoo asheenaꞌochi yibbaatoo tuneba boonoshi shuunoo Doono Yeerin ippiibeeto bi tunetoyichiye; bi oogoonoo qallayitinaꞌone.

Isiyaasi 32:14

Taatee kexo onoo tunemmone; asho ceenniti katemoo aqqemmone; geppoonaa dilaaloona happaa bulli yemeenooch aallemmone; kubbi kureenaꞌonaa gijjeenaꞌona bahemmi gaddoon tunemmone.

Isiyaasi 35:1

Barahoonaa shuuꞌi showoona emiremminaꞌone; barahoo emiriree, aadillee bungoommon bungemmone.

Isiyaasi 5:9

Beshe Mawe Doono Yeeri, ta waamo waayee beetaa ishichiꞌi wogetone: “Iberoochaa meeti kexinaꞌo onoo tunemminaꞌone; macecikkiti ogooge kexinaꞌo ashaalleenaꞌo tunemminaꞌone.

Isiyaasi 60:15

“Ebiyee aaf duppeti, shicheti, koniyoona aroona besheyaane, ne tunetaanoona, ta bulli yemeenoon yebeneeti, bushaa bushich emiree, neen tuniyemmo taane.

Isiyaasi 64:10

Ne yaafe katemeenaꞌo barahoon tunetinaꞌone; Tsiyooniyoo barahoo tunetine; Yerusaalemi tiishaa aalletine.

Erimiyaasi 22:6

Yihudee taatee yareechon Doono Yeeri ishichiye: “Ne, taach Gilaadee showoommi, wottoo Libanoosi guudoommi gaaweto neene; tunebaani shuuꞌi showoommon, koniyoona koteyaani katemoommon neen tuniyemmo taane.

Erimiyaasi 4:7

Daaheroo dunne shaaroochee kechitone; aageteenaꞌon aalliyemmo tiyitone; Yihudee showoon shokko echiyoyich bi xaaꞌoochee kechitone; ne katemeenaꞌoo tiisheree ashaalleenaꞌo tunemminaꞌone.

Erimiyaasi 44:2

“Israꞌeelee Nuggishoo, Beshe Mawe Doono Yeeri ishichiye: Yerusaaleminaa Yihudee katemeenaꞌonochi toommooch ta deebeti gonde mooyo bullin beeggito ittoshine; hanaach beddaahaa eboshi happeeꞌi echetinaꞌone; arooch kotemmo ikkolla aalloone.

Erimiyaasi 52:27

Baabloonee taatoo Hamaatee showooch beeti Ribili katemoochaa boonoshin wuxiye. Ebiyoommon Yihudee asheenaꞌo boonoshi showoochee kecaa hammiyeete.

Hiziqeeli 6:6

Ittoshi beeti katemeenaꞌo bulli happeyemminaꞌone; ittoshi goyinnee xaaꞌeenaꞌo aallemminaꞌone; ittoshi deejjee gudeenaꞌo happeeree aallemminaꞌone; ittoshi shahalleenaꞌo tiishaa aallemminaꞌone; ittoshi ixaanee deejjee gudo buricemmone; ittoshi shuuneenaꞌo hidaa aallemminaꞌone.

Daaneeli 8:13

Aroochee gutte maraakeenaꞌo yibbaatee beetaa waayeho. Ikkoo ishichiꞌi echehe: “Ebi yaaꞌoona bekketi mooyo tune bi beeyemmo, aati wottooniye? Ebi ciigiiti axaaxoo qemi qemona micciibeeti deejjoon keriree bi beeyemmo, aati wottooniye? Yaafee kexonaa Yeerichi asheenaꞌona neeche beeyemmo, aati wottooniye?” iye.

Leweenaꞌo 26:31

Ittoshi katemeenaꞌon happemmo taane; ittoshi goyinnee xaaꞌoonoo happi bajjemmo taane; gaawe cinnechi ittoshi deejjoonoo deꞌaachemmo taane.

Leweenaꞌo 26:33

Ginoon ittoshi toommooch deebiree, aagetee showooch ittoshin shaccemmo taane; ittoshi showoo ashaalli xafo tunemmone; ittoshi katemoo happaa aallemmone.

Mikiyaasi 2:4

Ebiyooba asheenaꞌo ittoshin coonemminaꞌone; cooqqiribee ishichi shoosheminaꞌone: ‘Ciroona aalleto noone; no asheenaꞌo showoo qoodeetone; Doono Yeeri no showoon no kishoochee deqqiꞌi, noon keccitinaꞌoyich beshii immitone’ gettemminaꞌone” iye.

Mikiyaasi 5:11

Ittoshi showooch beeti katemeenaꞌo bullin aalliyemmo taane; ittoshi mishigoonoo happemmo taane;

Mikiyaasi 6:13

Illa ebi ittoshi axaaxee naboona ittoshin naxoonaa aalliyonoyich tiyeto taane.

Mikiyaasi 7:13

Tunebaani arooch beeti asheenaꞌochi gonde shuunoochee tiyitona showoo ashaalli xafo tunemmone.

Yibbaatoo 28:62

Ittoshi Nuggishoo Doono Yeerichi qaaroon waayoon ittoshi qajjitoyich, shimaajji xojjenoochoommon ittoshi meettitaanona, giisheche asho baach echemmone.

Yibbaatoo 28:63

Doono Yeeri gaawe mooyon ittoshich bi tuniyoona, wotta shiijje shiijjere ittoshi meettemmoyich bi tuniyoona bi emiroommon, ebiyoommon ittoshin bi aalliyoonaa billimoon ittoshi toommooch bi deebona emiremmone. Giyiree ittoshi woraashemmi showoochee waaxemmo ittoshine.