Isiyaasi 6:1 - Kafa Linguistics Project

¹ Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.

Isiyaasi 6:1 ပူးပေါင်းရင်းမြစ်များ

1 Taateenaꞌo 22:19

Aroochee Mikiyaasi ishichiye: “And illa Doono Yeerichi qaaroon waayebe! Doono Yeeri bi taatee qeenooch koteꞌi, shimaajji maraakoo bulliyoo bi gaꞌooch, bi qanninaa bi yoochinooch neexeꞌi beeton beeggoye.

2 Taateenaꞌo 15:7

Azariyaasi qitiꞌi bi qaabbechinaꞌo waan xaꞌeehe. Daawiti Katemooch beeti, bi qaabbechinaꞌochi maashooch biin duukkiyeete. Bi bushoo Yotaami bi xaaꞌooch kereeꞌi taatehe.

2 Kiinoo 18:18

Aroochee Mikiyaasi ishichiye: “And illa Doono Yeerichi qaaroon waayebe. Doono Yeeri bi qeenooch koteꞌi, shimaajji maraakoo bulliyoo bi qanninaa bi yoochinooch neexeꞌi beeton beeggoye.

Iyoobi 42:5

Neen ta ariyaabeeto, ashi waanee ta waayetona baachiye; tunebaani and ta aafoona neen beeggeto taane.

Shoddo 108:5

Yeero, shimaayeenaꞌoyee damba oogebe! Ne oogo showee toommo bulliich bede.

Shoddo 113:5

Damba koteto, showoonaa shimaayoonon ciinoyich yittiibeeto, no Nuggishoo Doono Yeeriyoommo koni beete?

Shoddo 46:10

Kashebote; Yeeri ta tunoon ariibote; aageteenaꞌo daggooch oogemmo taane; showee toommooch oogemmo taane.

Keyo 24:9

Muusi, Harooni, Nadaabi, Abiihinaa shabe Israꞌeelee ukkireenaꞌona guudi toommooch kechiyeete;

Isiyaasi 1:1

Yihudee taateenaꞌo, Uziyaahi, Yotaami, Akaazinaa Hiziqiyaasinochi taatee yemeenooba, Yihudinaa Yerusaaleminochon Amootsi bushoo Isiyaasi beeggiti yaaꞌoo.

Isiyaasi 12:4

Arooba ishichemmo ittoshine: “Doono Yeerin galletebote; bi shigoonoo ceegote; bi tuniitonoo aageteenaꞌo daggooch arichiibote; bi shigo oogeto bi tunoon awaajjibote.

Isiyaasi 57:15

Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 66:1

Doono Yeeri ishichiye: “Shimaayoo ta taatee qeenone; showoo ta baatoo neexxemmi xaaꞌoone; ishigaata taach ittoshi haggemmi kexo am shaahoone? Ta kashemmi xaaꞌochi amoommone?

Hiziqeeli 1:1

Shaashinnee natooba, awuddinnee agenee uuchinnee qemooba Kebaari aachi gashooch, keccetinaꞌo daggooch ta beetaa shimaayoo qecheetaa Yeerichi yaaꞌoon beeggeho.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Hiziqeeli 10:4

Aroochee Doono Yeerichi oogee yiiroo kiruubeenaꞌochi toommoochee yaafee kechi kellooch hammiye; qubo kexooch ceenniye; addibaaboo Doono Yeerichi oogee yiiree phaqqoona ceenniye.

Daaneeli 10:17

Ta doonocho, ne aafooch neexaꞌa yibbaatoyich beddeti asho toono taane; ta giidoo qajjitone; kachemmonoo mawiito taane” iyo.

Daaneeli 7:9

Andoo ta ciinnaa beetaa, nallechinaꞌo kotemmi qeeninaꞌon geddiyeete; areexi ikkooch Wonnee Wonneecho kotehe. Bi taho nacce kechoommone; bi qelli eexoo haatteeti huuttoommi naccoone. Bi qeeno qaaqqee conjoommo, bi qeeno koteti gengoommi mooyo aaxxeebeeti qaaqqoommone.

Haddoo 12:8

Biinna tookkaa ta yibbaateebeeto baroon baroona danaꞌa, xallalli aashoona toonoone. Doono Yeeri ta shaahoonoo beeggii beetone. Ishigaata, aabichaa aafoon kupphaꞌa ta guuno Muusi toommooch yibbaatehote?” iye.

Maatiyoosi 25:31

“Ashi Bushoo bi oogee yiiroona maraakeenaꞌo bullina tookki waaree oogee yiiroo beeti bi taatee qeenooch kotemmone.

Yowannisi 1:18

Yeerin bi aafoona beeggito koniyoona aalloone; tunebaani bi Nihoochi sheenooch beeti ikke bi Bushoo kindiꞌi bekkiitone.

Yowannisi 12:41

Isiyaasi ishichiꞌi bi gettito, Yesuusichi oogee yiiroon shiichiꞌi bi beeggitoyichiye; wotta Yesuusichon gettiye.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Yaaꞌoo 15:8

Yeerichi oogee yiiroonaa bi giidoonoochee tiyitona cufoo yaafe kexooch ceenniye; shabaatte maraakeenaꞌo boonoshi ukkemmi shabaatte naxeenaꞌo ciyimmi wottoon koniyoona yaafee kexooch gimon hakkaanoone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.

Yaaꞌoo 3:21

“Ta wotta gondoochi giidoon kochaa ta wochoommon, ta Nihoona tookkiinoo bi taatee qeenooch ta kotoommon, ebiyoommon gondoochi giidoon kochii wochiton taanna tookki ta taatee qeenooch kotiyemmo taane.

Yaaꞌoo 4:10

hiyaa awudde geeneenaꞌo taatee qeenooch koteto aafooch baroona guufeꞌi bulli yemeenoon beeyechoyich goyinneebee, “No Doono, no Nuggishoocho! Bulli mooyon hallitine; ne daaggoonoo tunetone, halleetone. Ebich ‘Oogee yiirecho neene; oogoo neene; giidecho neene’ getteya beddehine” iibee boonoshi uketi gubbichoon kindii taatee qeenooch koteto aafooch kotiiheete.

Yaaꞌoo 4:2

Bekkech Yeerichi Ayaanee giidoo ta toommooch tunehe; arooba shimaajji taatee xaaꞌooch taatee qeenon, are qeechi toommoochoo koteton beeggeho.

Yaaꞌoo 4:3

Are taatee qeenooch koteꞌi beeto, bi shaahoo yasphiidoochoommon, saridiyoonoochoommonoo waccii beetone; maarigidoochoommon oogichii wacciibeeti ximbittoo taatee qeechi guudoona beehe.

Yaaꞌoo 4:9

Ebi kashechi awudde halleenaꞌo taatee qeenooch koteti, bulli yemeenoon beeyechoyich “Oogee yiirecho neene; oogoo neene; ne tuniito bullichoo galleteeto neene” boonoshi immona,

Yaaꞌoo 5:1

Aroyee gubb taatee qeechi toommooch kotetochi qanne kishooch maacinaa maachina kooreeti, qoddeti macaafoon beeggeho; aroo shabaatte maatemoona nashaa dooggitone.

Yaaꞌoo 5:7

Giddeꞌinoo taatee qeenooch kotetochi qanne kishoochee macaafoon daammiye.

Yaaꞌoo 6:16

Geppeenaꞌonaa xaqqee guudinaꞌonon “No toommooch dihibote! Taatee qeenooch koteto aafoochee, Bagoochi kaaree shiixxoocheenoo noon aachibote!