Isiyaasi 59:6 - Kafa Linguistics Project

⁶ Dooyidabbee woshiqoo tahoyich gaacaache; ebi are tahoona koniyoona bi qeddoon qeraache; boonoshi shuunoo gonde shuunoone; boonoshi kishoochoo hukkee shuunoo ceennitone.

Isiyaasi 59:6 ပူးပေါင်းရင်းမြစ်များ

Halloo 6:11

Tunebaani showee toommooch beeti asheenaꞌo bulli Yeeri aafooch duubeheete; showoo xuꞌoona ceenniye.

Iyoobi 16:17

Tunebaani ta kishoo xalloone; Yeer waan ta corootaabeeto xalle mulloonane.

Shoddo 55:11

Bi daggooch aallo beetone; xuꞌoonaa dawushoona bi addibaaboochee kuxeyaanoone.

Shoddo 58:2

Ariyaachote; ittoshi mulloona gonde mooyon gabiyote; ittoshi kishoona xuꞌoon showee toommooch tuniihote.

Isiyaasi 30:1

Doono Yeeri ishichiye: “Hukkechi bushiisheenaꞌoyich woowo! Ta waanee tuneyaani gaboona hammiyeete; axaaxee toommooch axaaxoon daakkoyich, ta ayaanoochee tuneyaani wogoon giyiyeete.

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 57:12

Cadiqe ne shuunoo gettee beeton gaxxi bekkiyemmo taane; tunebaani neech gaacaachemminaꞌone.

Isiyaasi 58:4

Ittoshi coomiibeeto kaaroyich, koyoonaa hakka guutoon guriphonoyichiye. And ebi ittoshi coomii beetoommon coomibee, ittoshi qaaro damba bi waayeyemmoyich quyeyaahote.

Isiyaasi 64:6

No bulliyona axaaxoona eeꞌeto noone; no deꞌittino dupphoona wooreti qoreddoommone; mocee waamochoommon shoollito noone; no axaaxoo yongoochoommon noon hidii daammitone.

Erimiyaasi 6:7

Oppo aacon bi xuuphiyoommon gondoon xuuphiihane; xuꞌoonaa aallee cookoona bi waanee waayeehe; biiyoonaa mayona bulli aabooch ta aafoochiye.

Hiziqeeli 18:12

girechonaa iritechonon neexxii bi hajjigaata, bi bogigaata, yechiyoon wochoo bi qayigaata, shahalleenaꞌoch bi goyinnegaata, ciigiiti mooyon bi tuniigaata,

Hiziqeeli 7:11

Hukkoo dicciꞌi gondeechi gumbo tunetone; asheenaꞌo beshaa beshe boonoshi hajjoonaa gaannoona muricaachemminaꞌone.

Hiziqeeli 7:23

“Showoo damoon ukkoona, katemoo hukkoona bi ceennitoyich, sansalatoon qanniibe!

Hiziqeeli 9:9

Aroochee taach ishichiye: “Israꞌeelee macceenaꞌonaa Yihudee macceenaꞌonochi xuꞌo oogichii woddetone; showoo damoona wooretone; katemoochoo hukkoo woddetone; ‘Doono Yeeri showoon duppitone; biyoo wottee ciinaanoone’ itinaꞌone.

Amootsi 3:10

Doono Yeeri ishichiye: “Ebi asheenaꞌo ashoon xuqqii, boggiꞌi boonoshi deebiti qiicoona boonoshi taatee kexinaꞌooch ceechitinaꞌone; deꞌe mooyon tuniyoon ciroona ariyaaneenaꞌone.

Amootsi 6:3

Duꞌo shaggemmi aaboon wokkiiꞌi ciinniibeeti, gonde mooyo showee toommooch taatemmoyich tuniibeeti ittoshich woowo!

Mikiyaasi 2:8

Doono Yeeri boonoshich ishichiye: “Ta asheenaꞌo toommooch etto tuneꞌi tiyito ittoshine. Ginoochee wotteꞌi, keqqaalloon boonoshi kexooch hammiibeeti asheenaꞌochi tahoon boonoshi toommoochee shoottito ittoshine.

Mikiyaasi 6:12

Ittoshi daggooch beeti gaannechinaꞌo girechinaꞌon xuqqii beetinaꞌone; ittoshi bulliyona kootee kexo ittoshine.

Sofoniyaasi 1:9

Ebi arooba, yaafee kechi kelletoochaa caphee beetinaꞌon, ashoon wuxoonaa bogona daneebeeti mooyona boonoshi doono kexon ceechii beetinaꞌonoo naxemmo taane” itone.

Sofoniyaasi 3:1

Hukkechi, eeꞌeti, boonoshi hajjee asheenaꞌon xuqqiibeeti Yerusaalemi asheenaꞌoyich woowo!

Milikiyaasi 2:16

Israꞌeelee Nuggishoo Doono Yeeri ishichiye: “Gawukkeyoon shixxehoye; bi mecheen gawukkoona biin xuqqiibeeti ashi shuunoon shixxehoye” iye Beshe Mawe Doono Yeeri. Gibeneyaano ittoshi tuneyaachemmoyich ittoshi qelloon ariibote!