Isiyaasi 59:4 - Kafa Linguistics Project

⁴ Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Isiyaasi 59:4 ပူးပေါင်းရင်းမြစ်များ

Iyoobi 15:31

Bi qelloon dawushibee gaacaalli mooyon gibenaaye; ebi gaacaalli mooyoochee bi danemmo amolla aalloone.

Iyoobi 15:35

Ebiyoommi asheenaꞌo gondoon gabii, duꞌoon deebiibeeti asheenaꞌone; boonoshi mullooch maroo ceennitone” iye.

Shoddo 12:3

Maanjoona yibbaateebeeti noonoonaa yebeneebeeti heciyoonon Doono Yeeri kuxe.

Shoddo 62:10

Bogoona woyee xuꞌoona gaannoon danemmo noone getiree gibeneyaahote; ittoshi gaanno woddegaata, aroon gibeneyaahote.

Shoddo 62:4

Boonoshi gaboo biin bi oogee xaaꞌoochee kindiyoyichiye; kootee kootona emiriyeete. Boonoshi noonoona diiriyeete; tunebaani boonoshi mulloona uppiyeete.

Shoddo 7:15

Ashich oppoon iijjiibeeto, bi iijjiti are oppooch dihemmone.

Shaahiyoo 4:16

Ebi asheenaꞌo, gondoon boonoshi shuuno qayigaata, tokketoo boonoshin daamaanoone; ashoon tephii boonoshi dichoo qayigaata, geepphiroo boonoshin yeshaanoone.

Isiyaasi 10:1

Girechon aalloo (gooroo) mucciyoyich, iritechi ta asheenaꞌochi nalloon shappayoyich, xuumeenaꞌonaa nihaalleenaꞌonon bogoyich, dabe dayinnetee sheeroon kichii beetinaꞌoyich, xuꞌoona ceenniti qociyoon kichii beetinaꞌoyich woowo!

Isiyaasi 26:18

Yeqqefechi maachechoommon maaxoo manjeto noone; yongoon shiyeto noone; showee toommooch wodoon deebaano noone; showee toommooch shiijjaa shiijjereyaanoo noone.

Isiyaasi 28:15

Ittoshiyoo, “Qitoona tookkaa wogoon giyeto noone; maashoona tookkaa shuneto noone; kootoon no shoobo, no aashee xaaꞌoonoo tuniito noone; kupphe naxo hidii bi daammii beegaata, no waan shagaachemmone” ito ittoshine.

Isiyaasi 29:20

Maacmanjeenaꞌonaa cooqqirechinaꞌona aallemminaꞌone; gonde shuunechinaꞌo bulli hidaa aallemminaꞌone.

Isiyaasi 30:12

Ebich Israꞌeelee Yaafoo ishichiye: “Ebi qaaroon ittoshi hoxetoyich, xuꞌoonaa xummittinoonon ittoshi gibenetoyich, aroona ittoshi degeetoyich,

Isiyaasi 30:9

Ebiyoo hukkechi asheenaꞌo, koote bushiisheenaꞌo, Doono Yeerichi qociyoon waayo qaawaaneenaꞌo boonoshi tunetoyichiye.

Isiyaasi 33:11

Maayi maaxxoon xifeꞌi tulloon shimoommon, ittoshi gabiibeeto bulli gaacaallo tunemmone; ebich ittoshi kachiibeeti hiinno qaaqqoochoommon ittoshin michemmone.

Isiyaasi 44:20

Tulloon baaxxiye; muricechi bi mullo biin muriciitone; bi qelloon wodiyoon woyee “Ebi ta qanne kishooch beeto koote mooyo toone?” geton hakkaache.

Isiyaasi 47:10

Ne gonde shuunoon gibeneti neene; ‘Koniyoona taan beegaanoone’ iti neene; ne aconaa ne ariyoona neen muriciitone; ne mulloonoo ‘Tayee besho koniyoona aalloone’ iti neene.

Isiyaasi 5:18

Axaaxoon dachee woderoona, xuꞌoonoo gaari woderoona geechii beetinaꞌoyich woowo!

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 59:15

Iberoo aalletone; gondoochee wokkimmo, bareenaꞌochi kuppee budo tunemmone” iyeete. Doono Yeeri ebin beeggiye; dayinneto aalletoyich ayiniye.

Isiyaasi 59:16

Ebi xukketinaꞌon gaachemmi asho ikkolla aallo tunoon beeggiꞌi worganehe; bi hajjee mochoo wudoon deebiye; bi cadiqoo biin deggii yechiye.

Isiyaasi 59:3

Ittoshi kisheenaꞌo damoona, ittoshi yaphereenaꞌoo axaaxoona wooretinaꞌone; ittoshi noonoo kootoon, ittoshi heciyoo gonde mooyon yibbaatetone.

Isiyaasi 64:7

Ne aafoon no waanee ne wochitoyich, no axaaxee daggooch noon ne qajjetoyich, ne waan corootiibeeto aalloone; neenna yesheya qaawiibeeto aalloone.

Isiyaasi 9:15

Qelleenaꞌo geeneenaꞌonaa moogeeti asheenaꞌona tunemmona ceereenaꞌo kootoon dojjiibeeti keemechinaꞌone.

Erimiyaasi 48:7

Ittoshi hakkoonaa ittoshi gaannoonon ittoshi gibenetoyich, ittoshiyoo kecceyemmo ittoshine; Kemooshiyoo bi qeesheenaꞌonaa bi iraasheenaꞌona tookki kecaa hammemmone.

Erimiyaasi 5:1

“Dayinnetoona nalliibeeti, ibere mooyonoo qaawiibeeti ashoon, danemmo ittoshi tunegaata, Yerusaalemi gommona okk hach shaꞌebote; xiishi ciinote; bi addibaaboochoo qaawibote; ittoshi danegaata, Yerusaalemin maaremmo taane.

Erimiyaasi 7:4

“Hini Doono Yeerichi yaafee kexone; Doono Yeerichi yaafee kexone; Doono Yeerichi yaafee kexone” getibee koote qaaree toommooch gibeno geddaahote.

Erimiyaasi 7:8

“ ‘Ebiyoche gaacaalli duube qaaroon gibeneto ittoshine.

Hosee'i 4:1

Israꞌeeleenaꞌote, gibeneyoo, shoodeyoonaa Doono Yeerin ariyoona showee toommoochee bi aalletoyich, showee toommooch beetinaꞌon Doono Yeeri ittibatee beetone. Ebich Doono Yeerichi qaaroon waayebote!

Mikiyaasi 2:1

Gondoon shuunoyich kichii kindiibee, tokketaalli aafoona qeyii beetinaꞌoyich woowo! Hakkoo boonoshich bi beetoyich, ebi aroon showoo harimmona tuniiheete.

Mishiraachechinaꞌo 24:9

Ayihudeenaꞌo wotta “Hini mooyo iberoone” iꞌi ceechiyeete.

Yaaqobi 1:15

Aroyee gubb ebi uroochi gonde qaatoo yeqqefeꞌi axaaxoon shiyihe; axaaxoo diccii oogeꞌi qitoon shiyihe.