Isiyaasi 59:18 - Kafa Linguistics Project

¹⁸ Boonoshi shuuni shuunoommon boonoshich qoccemmone; bi etteenaꞌo toommooch naxoon, bi shixechinaꞌo toommoochoo kaaroon kindiyemmone; baharee gasheexi buure showeexinaꞌoyichoo boonoshi shuunetoommon shuunemmone.

Isiyaasi 59:18 ပူးပေါင်းရင်းမြစ်များ

Iyoobi 34:11

Ashi toommooch bi shuuneebeeto bi shuunetoommoniye; bi toommooch bi tuniibeeto, tun bedooniye.

Shoddo 62:12

Ta Doonocho, shoodo neechone; newoo ashich bi shuuni shuunoommon qoccehine.

Isiyaasi 1:24

Ebich Doono, Beshe Mawe Doono Yeeri, Israꞌeeleenaꞌo goyinneebeeti Giidechi Nuggishoo ishichiye: “Ta etto tuneti ittoshi toommooch kupphe ta kaaroon kindiiree ta shixechi ittoshi toommooch nichoon kichemmo taane.

Isiyaasi 35:4

Boonoshi mullo shattii beetinaꞌon “Kupphebote; shattaahote; ittoshi Nuggishoo nichoon kichiya, boonoshi shuuneton boonoshich shuuneree, ittoshin wodiiya, woyemmone” getote.

Isiyaasi 40:10

Nuggishoo Doono Yeeri ooge bi giidoona waa beetone; kupphe bi mochoona hajjemmone. Bi waabeeto, bi gaaccemmi gaacoon, bi immemmi shuunee gatiyoon, yechiꞌiniye.

Isiyaasi 49:4

Tunebaani ta “Duuboon aajjoye; gaacaalli duuboyich ta giidoon ciichiyoye; tunetaa, ta mooyo Doono Yeer waaniye; ta aayi gatiyoo ta Nuggishoo waaniye” iyoye.

Isiyaasi 63:3

“Ta ikkeeto baach oppoochaa woyinoon neexxoye; ashoochee koniyoona taanna tookkii aalloone; ta kaaroona boonoshin neexxoye; ta naxoona boonoshin yiikkehoye; boonoshi damoo ta tahooch wuceehe; ta taho bullinoo wooriihoye.

Isiyaasi 63:6

Ta kaaroona asheenaꞌon neexxoye; ta naxoonoo mashiihoye; boonoshi damoonoo showooch ukkiyoye” iye.

Isiyaasi 65:6

Ebiyoche, ta aafooch kooreetone; cikki qayaachemmo taane; boonoshich qoccemmo taane; boonoshi shuunoommon boonoshich shuunemmo taane” iye.

Isiyaasi 65:7

Doono Yeeri ishichiye: “Guudinaꞌoochaa ixaanoon boonoshi shookkitoyich, geppeenaꞌoochaa ta shigoon boonoshi giishiitoyich, ebiyee aaf boonoshi shuuneti shuunoyich, boonoshinaa boonoshi qaabbechinaꞌonochi axaaxoyich, boonoshi shuunoommon boonoshich shuunemmo taane” iye.

Isiyaasi 66:14

Ebin ittoshi beegiyooba ittoshi mullo emiremmone; ittoshi shaawusho mocoochoommon nollemmone; Doono Yeerichi kishoo bi guuninaꞌona tookkii tuno arichemmone; bi kaaro bi etteenaꞌo toommooch tunemmone.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Isiyaasi 66:6

Katemoochaa cookee beeton waayebote. Yaafee kexoochaa cookee beeton waayebote. Ebiyoo Doono Yeeri boonoshi shuunetoommon bi etteenaꞌo toommooch bi shuunetoyich waayeebeeti qaaroone.

Erimiyaasi 17:10

Asho bullich bi gommi gommoommona, bi shuuni shuunee aafoommona imoyich, Doono Yeeri ta, gaboon huushii, mulloonoo boshaabeeto taane” iye.

Erimiyaasi 32:19

Gaboona oogoo, shuunoonoo hakkecho neene; asho bullich bi gommoommonaa bi shuunee aafoommonon qocoyich, ne aafo asho bullichi gommon ciinnii beetone.

Erimiyaasi 50:15

Doono Yeerichi nichee kichoo bi tunetoyich bi guudoochaa cookibote; kishoon immitone; bi mishigo shekiretone; bi uxeroo dihitone; bi toommooch nichoon kichibote; bi shuunetoommon bi toommooch shuunebote.

Erimiyaasi 50:29

“Maꞌoon ciixxiibeeti shangechinaꞌon Baablooni katemooch ceegote; bi guudoona kotebeete; ikkolla muriccaaye. Israꞌeelee Yaafoo tuneti Doono Yeeri ta toommooch bi geecitoyich, bi shuunoommon biich shuunebote; bi tuniitoommon bi toommooch tuniibote.

Shoosho 4:11

Doono Yeeri bi kaaree shiixxoon kindiihe; ooge bi kaaroon woniihe; Tsiyooni toommooch qaaqqoon geddiye; dechi bi hecoonoo michiye.

Hiziqeeli 23:49

Ebi manaamaneenaꞌo ittoshi guttiyoo qocee gondee gatiyoon danemmo ittoshine; shahalloyich ittoshi goyinnetoyich naxeyemmo ittoshine; ebina Nuggishoo Doono Yeeri ta tunoon ariyemmo ittoshine” iye.

Hiziqeeli 38:18

Nuggishoo Doono Yeeri ishichiye: “Googi Israꞌeelee showoon bi koyiyooba, ta kaaro cufemmone;

Hiziqeeli 5:13

“Ta kaaroon, ta neboonoo boonoshi toommooch kindiichi tooꞌi digaayemmo taane; ta kaaroon boonoshi toommooch ta kindiihooba Doono Yeeri ta, ta qanaatoona getteto ta tunoon ariyemminaꞌone.

Hiziqeeli 6:12

Wohooch beeto biiyoona qitemmone; katinooch beeto ginoona dihemmone; aroochee muriccii wodito shaacoona ciiremmone; ta kaaroona ebiyoommi mooyon boonoshi toommooch tuniyemmo taane.

Yoꞌeeli 3:4

“Xiroos, Sidoon, wotta Filsixeemee woraafeenaꞌooch beeti asheenaꞌote, aabichiiniye ittoshi beeto? Ta toommooch nichoon kichiya qaawii beetote? Ebi tunegaata, kaateree afaafinoona ittoshi shuuneton ittoshi toommooch shuunemmo taane.

Leweenaꞌo 26:28

tawoo ittoshin kaareree shixxemmo taane; ittoshi axaaxoyich shabaatte kishoon maggiiree ittoshin naxemmo taane.

Naahoomi 1:2

Doono Yeeri qanaatechonaa nichoon kichechonane; Doono Yeeri nichoon kichechonaa naxechonane; Doono Yeeri bi etteenaꞌo toommooch nichoon kichii beetone; bi etteenaꞌo toommooch naxoon kindii beetone.

Maatiyoosi 16:27

Ashi Bushoo bi Nihoochi oogee yiiroona bi maraakeenaꞌona tookki katinoon woyemmone; arooba bullich bi shuuni shuunoommon immemmone.

Luqaasi 19:27

Wotta boonoshi toommooch ta taatemmoyich shunaani ta shixechinaꞌon yeshiree taach hach deebote. Ta aafoochaanoo boonoshin guuribote’ iye” iꞌi gettiye.

Roomi 2:6

Biyoo asho bi ikkikkoyich bi shuuni shuunoommon qoccemmone.

Yibbaatoo 32:41

Aaxxeebeeti ta goraadoon gayiremmo taane; nalloon kindiyoyich yechemmo taane. Ta etteenaꞌo toommooch nichoon kichemmo taane; taan shixxii beetinaꞌon sheeremmo taane.

Yibbaatoo 7:10

Tunebaani biin shixxii beetinaꞌon aalliyoona boonoshi toommooch nichoon kichemmone; biin shixxii beetinaꞌo toommooch nichoon kichaanoon yagaachemmone.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.

Yaaꞌoo 19:15

Aageteenaꞌon koyi bi wochemmi aci goraado bi kookkoochee kechiye; biyoo xuuree gumboona boonoshin hajjemmone; woyinee aafoon oppoochaa asho kotoommon, ebiyoommon Beshe Hakkechi Yeerichi kaaree shiixxee naxeechi oppoochaa boonoshin kotemmone.