Isiyaasi 59:14 - Kafa Linguistics Project

¹⁴ Dayinneto gubb wottetone; cadiqoo wokkii neexetone; iberoo addibaaboochaa tepheetone; kaamoo gimon hakkaanoone.

Isiyaasi 59:14 ပူးပေါင်းရင်းမြစ်များ

1 Taateenaꞌo 21:10

Gutte gaacaalli asheenaꞌon bi ciinooch ittoshi kotiitaa, ‘Yeerinaa taatoonon naaggitone’ geti bi toommooch miixebeete. Ebiyee gubb, biin katemoyee maach kichiree, xaqqoona yexi wuxibote” iyan.

1 Taateenaꞌo 21:11

Ebina Yezireeli katemee asheenaꞌo, eboshiyoo geeneenaꞌonaa ogoogeenaꞌona, Elizabeeli koorichoon kooraꞌa boonoshich bi gettetoommon tuniiheete.

Shoddo 119:150

Gondoon gabiꞌi taan yookkii beetinaꞌo katinnitinaꞌone; boonoshi ne sheeroochee wokkitinaꞌone.

Dojjecho 3:16

Wottoo hini showee toommooch dayinneto beeyi bede xaaꞌooch axaaxoo beemon, cadiqee shuunoo beeyi bede xaaꞌooch axaaxoo beemon beeggeho.

Isiyaasi 1:21

Gibeneeti katemee aabichaꞌa yahechiyoommi tunehane! Ebiyee aaf dayinneto ceenniti, cadiqoo beeti katemeene; tunebaani and ashoon wuxechinaꞌochi katemee tunehan.

Isiyaasi 46:12

“Iberoochee wokkiti babbereenaꞌote, ta waanee waayebote.

Isiyaasi 5:23

Xuccoyicha iꞌi xuꞌecho nalleyemmoyich, xuꞌaalloo xoobbemmoyich tunii beetinaꞌoyich woowo!

Isiyaasi 5:7

Beshe Mawe Doono Yeerichi woyinee goyo, Israꞌeelee asheenaꞌone; Yihudee asheenaꞌo, bi emiriibeeti becheenaꞌone. Dayinnetoon boonoshi waanee qaawiye; tunebaani damee ukkoo tunehe. Cadiqee shuunoon qaawiye; tunebaani xuꞌee naboona cookoo tunehe.

Isiyaasi 59:11

Diiboochoommon cookiyone; eeppaabeeti uggechoommon qaaddehone; dayinnetoon qaawiyone; tunebaani daneyaano noone; wodoon qaawiyone; tunebaani no waanee wokkiye.

Isiyaasi 59:4

Dayinnetoon qaawiibeeto, nallee gabberooch iberittinoona hammiibeeto aalloone; gaacaalli mooyon gibenetinaꞌone; kootoon yibbaateheete; gondoon yeqqefeꞌi axaaxoon shiyiheete.

Isiyaasi 59:9

Asheenaꞌo ishichiyeete: “Dayinneto no waanee wokkitone; cadiqee shuunoo no waan shagaache; bekkoon qaawiyone; tunebaani manderoo tunehe; aabee kooyon quyehone; tunebaani manderoona shaꞌehone.

Erimiyaasi 5:31

Keemechinaꞌo kootoon keemmiyeete; qeesheenaꞌoo keemechinaꞌo kocoona qeejjiyeete; ta asheenaꞌoo ebiyoommi mooyon shunniyeete; tunebaani ebi moochi ciirooba amooniye boonoshi tunemmo?” iye.

Erimiyaasi 7:28

Newoo boonoshich: ‘Boonoshi Nuggishoo Doono Yeerich deꞌa getaani, sheerenoo deꞌaani asheenaꞌo hinoshine; iberoo aalletone; boonoshi noonoocheenoo kuxetone.

Daaneeli 8:12

Xuꞌee naboona, Yeerichi asheenaꞌo, qemi qemona micciibeeti deejjoona tookkii biich beshiitaa icheheete. Iberee showooch duppahan. Ebi qaro bi tuniibeeto bulli biich kaamehe.

Hosee'i 7:1

“Ta asheenaꞌon kecoochee wochiya ta iyooba, Israꞌeeleenaꞌon wodiiya ta iyooba, Efreemichi axaaxoo, Shamaari katemee asheenaꞌochi gonde shuunoo bekkehe. Boonoshinaa boonoshina kootoon yibbaateheete; kexon tiichii giyiꞌi gaajjiyeete; bokkoo tuneꞌinoo gommoochaa boggiyeete.

Amootsi 5:11

Girechinaꞌon neexxii hajjiyote; boonoshi maayoon giidoona boggiyote. Ebich, xaqqoon xarii kexinaꞌon ittoshi haggitaa, arooch beetaachemmo ittoshine; woyinoon gaawe xaaꞌooch bechito ittoshine; tunebaani aroochee woyinee uyoon uyaachemmo ittoshine.

Amootsi 5:7

Dayinnetoon dabiibeeti, cadiqoon showooch duppiibeeti ittoshich woowo!

Amootsi 6:12

Hareshoo xaqqee guudi toommona wocon hakkehe? Asho baharoon gattoona goyon hakkehe? Tunebaani ittoshi dayinnetoon xuppattoon, cadiqee shuunoonoo caammeroon, tuniihote.

Imbaaqoomi 1:4

Ebich sheeroo niretone; dayinnetoo dabitone. Gonde asheenaꞌo kaamoo tuneti asheenaꞌon giichitinaꞌone; ebich dayinneto xummetone.