Isiyaasi 58:9 - Kafa Linguistics Project

⁹ Aroochee ittoshi ceegaa, Doono Yeeri ta eekkemmo taane; cookemmo ittoshine; tawoo ‘Hini tawoche’ gettemmo taane. Ittoshiyoo xuꞌee waanjoon ittoshi wokkiigaata, ashoon kishoona koyonaa gonde yibbaatoonon ittoshi qayigaata,

Isiyaasi 58:9 ပူးပေါင်းရင်းမြစ်များ

Halloo 27:18

Yaaqobiyoo bi nihoo waan yechii hammiꞌi, “Taabbo!” iye. Yisaaqiyoo eekkeꞌi, “Ta bushoocho, ne koni neene?” iye.

Iyoobi 22:27

Bi waan corootemmo neene; biyoo ne qolloon waayemmone; ebich ne mookketon ceechemmo neene.

Shoddo 118:5

Ta duꞌehooba Doono Yeer waan cookiyo; Doono Yeeri ta cookoon waayeꞌi duꞌoochee taan kichiye.

Shoddo 12:2

Asho biinnaa biinna kootoon yibbaatehe; maanjoonaa mullee guttiyoona yibbaateheete.

Shoddo 145:18

Doono Yeeri, biin ceeggiibeeto bullich, iberoona biin ceeggii beetoyich, katinoone.

Shoddo 20:6

Doono Yeeri bi huuttiton wodiyemmo bi tunoon and ariitoye; ooge wudechi bi qanne kishoona yaafeeti bi shimaayoochaa biich wochemmone.

Shoddo 37:4

Doono Yeerina emiribe; biyoo ne mullee qaatoon neech immemmone.

Shoddo 50:15

Ne xuuxee aabooba taan ceege; ta neen wodiyemmo taane; newoo taach oogoon immemmo neene” iye.

Shoddo 91:15

Taan bi ceegiyooba waayemmo taane; bi xuuxee aabooba biinna tookki tunemmo taane; biin wodiyemmo taane; biin oogiyemmo taane.

Shaahiyoo 6:13

Bi aafoona xayishiye; bi baatoonoo malletehe; bi kishoonoo kochii bekkiihe.

Isiyaasi 1:15

“Corootiya ittoshi kishoon ittoshi yaggigaata, ta aafoon ittoshi waanee badd wochemmo taane; woddiiꞌi ittoshi corootitaanona waayeyaachemmo taane; ittoshi kishoo damoona wooretone.

Isiyaasi 30:19

Yerusaalem beeti Tsiyooni asheenaꞌote, ebiyee bekk eefaachemmo ittoshine; Doono Yeeri ittoshin bi gaachemmoyich ittoshi qollegaata, ittoshich ariqqemmone; ittoshi cookee qaaroonoo waayeree ittoshi qolloon wochemmone.

Isiyaasi 55:6

Bi danee beehooba Doono Yeerin qaawibote; bi katinnii beehooboo biin ceegote.

Isiyaasi 57:4

Halla ittoshi cooqqiriibeeto koni toommoochiye? Noonoon wochii, heciyoonoo kaaccii ittoshi beeto koni toommoochiye? Ittoshi, hukkechinaꞌonaa dachechinaꞌonochi bushiishoo toono ittoshine?

Isiyaasi 58:6

“Ta qaawaabeeti coomoo, xuꞌoona cuchetinaꞌon ittoshi biichemmoyich, waanjeexi shachoon ittoshi kuxxemmoyich, neexaa hajjeetinaꞌon biishi ittoshi gawukkemmoyich, waanjoo bullin ittoshi tiichemmoyich toone?

Isiyaasi 59:1

Doono Yeerichi mochoo wodiyoon mawiyaanoone; bi waamo waayoyich ulleyaanoone.

Isiyaasi 59:13

Doono Yeeri toommooch hukkoon tiijjito noone; biin nookketo noone; no Nuggishoon dabboochee gubb wotteto noone; xuꞌoonaa gondoonon yibbaateto noone; no mullooch koteti kootoon yibbaateto noone.

Isiyaasi 65:24

Taan boonoshi ceegoyee shiichi wochemmo taane; batt yibbaate boonoshi beetaa waayemmo taane.

Shoosho 3:57

Neen ta ceegiyooba katinnehine; taanoo “Shattaahine” iyine.

Hiziqeeli 13:8

“ ‘Ebich Nuggishoo Doono Yeeri ishichiye: Duube mooyon ittoshi yibbaatetonaa koote yaaꞌoon ittoshi beeggitonoyich, ittoshi toommooch tiyeto taane, iye Nuggishoo Doono Yeeri.

Daaneeli 9:20

Tawoo corootii ta beetaa, ta axaaxoonaa ta asheenaꞌo tuneti Israꞌeeleenaꞌo axaaxoonon aannii ta beetaa, bi yaafe geppoochon ta Nuggishoo Doono Yeerin qollaabee

Leweenaꞌo 6:5

woyee kootoon wogeꞌi bi deqqiti qiico aabinona wochibe. Xuꞌee deejjoon bi giddiihooba, ebi qiico bullin, wotta bi toommooch qiicee uuche kishoochee ikkoon daakkiree, qiicee doonoyich wochibe.

Zakaariyaasi 10:2

Terafimo gaacaalloone; qaaxechinaꞌoo beeggiibeeto koote yaaꞌoone; gummechinaꞌo koote gumon maaccii beetinaꞌone; duube goggiyoonoo goggii beetinaꞌone. Ebina asheenaꞌo bagoochoommon yallyallimiyeete; qiddoonoo mucceꞌi xuuxeheete.

Zakaariyaasi 13:9

Ebi ikke beeroon qaaqqooch deebemmo taane; birewoon ukkoommon ukkiree boonoshin xalliyemmo taane; aachoon ukkoommonoo ukkiree boonoshin haattemmo taane. Boonoshiyoo ta waan corootemminaꞌone; tawoo boonoshi corootoon waayemmo taane. Boonoshin, ‘Ta asheenaꞌone’ gettemmo taane; boonoshiyoo ‘Doono Yeeri, no Nuggishoone’ gettemminaꞌone” iye.