Isiyaasi 58:7 - Kafa Linguistics Project

⁷ Ittoshi maayoon shaacetinaꞌona tookki ittoshi qoodeyemmoyich, kechaalli girechinaꞌon ittoshi kexooch ittoshi deebemmoyich, tubbeton ittoshi beegiyooba ittoshi tajjemmoyich, ittoshi meechi xibeenaꞌoyich ittoshi aasheyaachemmoyich toone?

Isiyaasi 58:7 ပူးပေါင်းရင်းမြစ်များ

Halloo 19:14

Looxiyoo kexoochee kechii hammiye. Bi maache bushiisheenaꞌon shaaggemmi bi naacheenaꞌoyich ishichiꞌi gettiye: “Kaate tiyi hini xaaꞌoochee keyote. Doono Yeeri hini katemoon hidi aalliiya ii beetone” iye. Tunebaani ebi boonoshich cooqqirii beeton shaahiye.

Halloo 19:2

ishichiinoo iye: “Ta dooninaꞌote, doogena ittoshi guuno ta kexooch shagote. Ittoshi baatoonoo macheree qeyemmo ittoshine; aroochee yaach maaddoona ittoshi gommon hammemmo ittoshine” iye. Boonoshiyoo “Tuneyaache. Hini addibaaboochiye no qeyemmo” iyeete.

2 Kiinoo 28:15

Ebi boonoshi shigo kooreeti asheenaꞌo kecceti asheenaꞌo kishoon deqqiꞌi, boonoshi daggoochee shokkaacheenaꞌoyich, kecceti qiicoochee tajjiyeete; caammoon boonoshi baatooch geddiyeete; maayoonaa uyoonon immiyeete; boonoshi mayochoo zayitoon huuttiyeete; baatoona hamon mawiitinaꞌon kureenaꞌooch yebbiiheete. Yeebbee mixo beeti Yaariki katemooch, boonoshi xibeenaꞌo waan wochii daammiyeete. Aroochee Shamaara wotteheete.

Nehimi 5:5

Andoo no maneenaꞌonaa noonna ikke meenonaa damoonon no tunetaa, no bushiisheenaꞌo boonoshi bushiishoomminaꞌo boonoshi tunetaanoona, ebiyoche no bushiisheenaꞌon guunonaa gonneena boonoshi tunemmoyich immaabeeto noone; no maache bushiisheenaꞌoocheenoo gonnee tunetinaꞌo beetinaꞌone. Bare asheenaꞌo no showoonaa no woyinee goyoonon boonoshi yechitoyich, hakka guutoon tuneto noone” ii beeheete.

Iyoobi 22:7

Shachewetoyich aacon, shaacetoyichoo koshon, bajjeto neene.

Shoddo 112:9

Mulloochee tiijjiꞌi girechinaꞌoyich immiye; bi cadiqoo bulli yemeenoon beeyemmone; biyoo giidechonaa moogeetona tunemmone.

Shaahiyoo 11:17

Ariqqechi asho biich gaawichiye; tunebaani maaci manjoo biich gondiihe.

Shaahiyoo 22:9

Bi maayoochee girechoyich bi qooditoyich, wojjechi asho diireyemmone.

Shaahiyoo 24:11

Qitooch gashee beetinaꞌon shiwebe; guureyooch xukkee beetinaꞌon wodiibe.

Shaahiyoo 25:21

Ne etto shaacegaata, koshon maanjibe; bi shachewegaata aacon uchibe!

Shaahiyoo 28:27

Girechoyich immiibeeto mucceyaachemmone; tunebaani bi aafoon badd wochiibeeto, uppeyemmone.

Isiyaasi 58:10

shaacetinaꞌoyich ittoshi maayoochee ittoshi qoodigaata, duꞌetinaꞌochi qaatoon ittoshi ceechigaata, ittoshi bekko manderoochaa aaxxemmone; ittoshi manderoo areddee aaboommon tunemmone.

Erimiyaasi 22:3

Doono Yeeri ishichiye: Kaachi dayinnetoona nallibote; xukketon xuqqiibeeto kishoochee wodiibote; dallaawoon, nihaalloonaa xuumeenon xuqqaahote; wottoo duꞌiyaahote; hini xaaꞌoochoo xalle damoon ukkiyaahote.

Hiziqeeli 18:16

asho koninolla neexxii hajjoo bi qayigaata, yechiyoon deqqiꞌi echiyoo bi qayigaata, bogo bi qayigaata, bi maayoochee shaacetoyich bi maanjigaata, tubbetoyich bi tajjigaata,

Hiziqeeli 18:7

koninolla neexxii hajjoo bi qayigaata, hiishecho yechiyoo immiton wochi bi imigaata, bogo bi qayigaata, shaacetoyich bi maanjigaata, tubbetoyich bi tajjigaata,

Daaneeli 4:27

Illa ebich taatoocho, ta ciicoon waayebe: Axaaxee shuunoon qayiree kaamoo tuneti mooyon tuniibe; gondee shuunoon qayiree xukketinaꞌoyich ariqqebe. Ebin ne tuniitaa, diggoona ne beeyemmi yemeeno diqqich neech daakkeyemmone” iye.

Luqaasi 11:41

Ittoshi xoofoonaa shaatoonooch beeton amolla aalloyich wojjibote; arooba bulli mooyo ittoshich xallemmone.

Luqaasi 19:8

Tunebaani Zakiyoosi bulli aafooch neexeꞌi Doono Yesuusin “Ta Doonocho, taach beeto bulliichee qaton girechoyich wojjemmo taane; koninolla kootoon taggaꞌa ta deqqeto beegaata, awudde kishoon tuniiree wochemmo taane” iye.

Luqaasi 3:11

Yowannisi wochiꞌi, “Gutte tahecho tubbetoyich ikkoon imbe. Maayecho maayaalloyich imbe” ii beehe.

Mishiraachechinaꞌo 16:15

Biinnaa bi kechi asheenaꞌona aacona boonoshi afaalleetoyee gubb, “Doono Yesuusi toommooch ta mulloon ta tooꞌiyoo iberoo bi tuno ittoshich bekkegaata, ta kexooch giyiree noonna tookki beebote” iyaꞌa noon manjii qollahan.

Mishiraachechinaꞌo 16:34

Ebiyee gubb, Phawuloosinaa Sillaasinon bi kexooch daammiꞌi, maayoon boonoshich giddiihe. Biinnaa bi kechi asheenaꞌo bullina boonoshi mulloon Yesuusi toommooch boonoshi tooꞌitoyich, emiroona wucwucciyeete.

Roomi 12:13

Muccee iriteeti kittinnee maneenaꞌoyich ittoshich beetoochee qoodibote; iibbeenaꞌon iibbiyoyich kupphebote.

Yibbaatoo 22:1

Muusi Israꞌeeleenaꞌoyich ishichiye: “Israꞌeelee asho tuneti ne manoochi miimo woyee bago woyee emmisho aallee hammii beeton ne danegaata, bi waan wochi deebani, ciinibee qayi hammaahine.

1 Ximootiyoosi 5:10

Gaaweti shuunoon shuunoona miixeeti tunebuye. Ebiyoo, bushiishoon gaawichiꞌi dichoo, iibbee iibbiyoo, kittinneenaꞌochi baatee machiyoo, iriteetinaꞌon degonaa gaaweti shuunoo bullin shuunoona miixeeti tunebuye.

Filimooni 1:7

Ta manoocho, yaafeenaꞌo mulloon ne kashiitoyich, ebi ne shunoona oogichaa emirito taane; oogetonoo goggeto taane.

Woraaferasheenaꞌo 9:2

“Shekeemi asheenaꞌo bullich ishichi getote: ‘Yerubaꞌalichi shabe bushiisheenaꞌo bulli ittoshin hajjoo gaawiye woyee ikke asho ittoshin hajjoo gaawiye?’ getote. Ebiyeenoo wotta ta, ittoshi meenonaa ittoshi damoona ta tunoon batteyaahote” iye.