Isiyaasi 57:5 - Kafa Linguistics Project

⁵ Meellee mixinaꞌo daggoochaa, waajjechi michi baatoo bullinoochaa shunee mami qaatoona shallaaneebeeto ittoshine. Bamboochaa, xaqqee goggini daggoochaa ittoshi bushiishoon deejjiibeeto ittoshine.

Isiyaasi 57:5 ပူးပေါင်းရင်းမြစ်များ

1 Taateenaꞌo 14:23

Boonoshiyoo guudi toommo bullinaa waajjechi michi baatoo bullinooch goyinnee xaaꞌeenaꞌon, goyinnee xaqqee giimbeenaꞌonaa Asheeri misileenaꞌonon shuuneheete.

2 Taateenaꞌo 17:10

Geppoo bulli toommonaa waajjechi michi baatoo bullinooch, boonoshi qellich goyinnee xaqqee giimbeenaꞌonaa Asheeri misileenaꞌonon neechiyeete.

2 Taateenaꞌo 17:7

Ebi bulli Israꞌeeleenaꞌo toommooch bi tuneto, Gibitsee showoochee, Gibitsee taatoo Faroonichi kishoochee boonoshin kichiti boonoshi Nuggishoo Doono Yeerin boonoshi xuqqitoyichiye; bare nuggisheenaꞌoyichoo boonoshi goyinnee maddetoyichiye;

2 Taateenaꞌo 23:10

Hinoomi bushoochi bambooch beeti, Tofeeti goyinnee xaaꞌoon eeꞌiihe; ebiyoo koniyoona Molookich bi bushoon woyee bi busheen bi deejjaachemmoyichiye.

2 Kiinoo 28:3

Hinoomi bushoo bamboochaa ixaanoon shookkiye. Doono Yeeri Israꞌeeleenaꞌo aafoochee yookkii kichiti aageteenaꞌochi ciigiiti doyoon dabboona bi anaami bushiisheenaꞌon qaaqqooch goggiꞌi deejjiye.

Keyo 32:6

Asheenaꞌo dechara maaddoona tiyiꞌi, micciibeeti deejjoon deejjiyeete; ikkittinee deejjoonoo deejjiyeete; aroyee gubb, mamonaa uyonoyich koteheete; tekki kaayibee duubba tiyiyeete.

Isiyaasi 1:29

Ittoshi shunniibee echeti goree naboona, ittoshi kaacciti bechee mixinaꞌochi naboonoo yeellemmo ittoshine.

Erimiyaasi 17:2

Boonoshiyoo waajjechi michi baatoonaa genje geppeenaꞌochi toommonooch beeti boonoshi deejjee gudeenaꞌonaa Asheeri misiloona beetoochaa goyinnemminaꞌone.

Erimiyaasi 2:20

Beshe Mawe Doono Yeeri ishichiye: “Meeti yemeenoyee aafi ne waanjoon tiichehoye; ne cuyoonoo kuxxehoye; tunebaani ne, taach maddoon qajjehine. Yahechichoommon, geppe xaaꞌoo bulliich, waajjechi michi baatoo bulliich qeyehine.

Erimiyaasi 3:13

‘Ne Nuggishoo Doono Yeeri toommooch hukkoon tiijjoona ne gondeti gondoon, waajjechi michi baatoo bulliichaa dallaawe nuggisheenaꞌoyich goyinnoona shunee ne mamon, ta qaaroonoo waayee ne qayon, ebi ne gondoon baach ariibe’ iye Doono Yeeri.

Erimiyaasi 3:6

Taatoo Yosiyaasichi taatee yemeenooch Doono Yeeri taach ishichiye: “Gibeneyaani Israꞌeeli tuniiton beeggetine? Ooge geppoo bullinaa waajjechi michi baatoo bullinooch hammaꞌa aroochaa shunoo maahane.

Erimiyaasi 32:35

Yihudee asheenaꞌo axaaxoon shuunemmoyich, ebi eeꞌe mooyon tuniyoyich, ta getaanoon, wottoo ta mulloona ta gabaanoon, boonoshi anaami bushiisheenaꞌonaa maache bushiisheenaꞌonon qaaqqooch goggii Molookich deejjoyich, Hinoomi bushoo bambooch beeti geppeexi goyinnee xaaꞌoon Baꞌaaloyich shuunetinaꞌone” iye.

Erimiyaasi 50:38

Baablooni shahallee showoo bi tunetoyich, shattiiti shahalleenaꞌona ceennito bi tunetoyich, bi aacinaꞌo bulli shuuqqemminaꞌone!

Erimiyaasi 51:7

Baablooni showoo bulli mashemmoyich tuniiti, Doono Yeeri ta kishooch beeti aachee xoofoone; aageteenaꞌo bi uyoochee uchitinaꞌone; ebich geyetinaꞌone.

Erimiyaasi 7:31

Ta getaanoon, ta mulloonoo ta gabaanoon, boonoshi anaami bushiisheenaꞌonaa maache bushiisheenaꞌonon qaaqqoona michoyich, Hinoomi bushoo bambooch beeti Tofeeti goyinnee xaaꞌoon shuunetinaꞌone.

Hiziqeeli 16:20

“ ‘Taach ne shiyeti anaami bushiisheenaꞌonaa maache bushiisheenaꞌonon, maayo boonoshi tunemmoyich, boonoshich deejjihine. Ebi ne yahiti yahoo kette mooyone?

Hiziqeeli 20:26

Boonoshi gutenee bushiishoon qaaqqee toommooch giddii deejjoona boonoshi eeꞌee beetaa cikkii qajjoye; ta eechito, boonoshin keqqichoyich, Doono Yeeri ta tunoonoo boonoshi ariyemmoyich tuniyoyichiye’ itone gete.

Hiziqeeli 20:28

Boonoshich imma ta wogeti showooch boonoshin deebeto taane; tunebaani boonoshi geppeenaꞌonaa waajjechi mixinaꞌonon beeggiꞌi aroochaa deejjooch giyiyeete; buuroon giddiyoona, gaawe cinnechi ixaanoon shoohona, uyee deejjoonoo taan ippiiheete.

Hiziqeeli 20:31

And beddaahaa deejjoon deejjoona, ittoshi bushiishoon micciibeeti deejjoo tuniiꞌi giddiyoona ebi ittoshi shahalleenaꞌona ittoshi qelloon eeꞌiiniye ittoshi beeto. Israꞌeeleenaꞌote, ishigaata ta waanee echii ittoshi waayemmoyich ittoshich daaggibote? Beeyecho ta tunoona wogehoye: Ta waanee amoonolla echii ittoshi waayemmoyich daaggaache, iye Nuggishoo Doono Yeeri.

Hiziqeeli 6:13

Wuxeeti boonoshi asheenaꞌo deejjee gudee guudooch beeti boonoshi shahallee daggooch, genje geppoo bullinaa guudo bullinochi toommooch, waajjechi mixo bullinaa wodde waajjechi meello bullinochi baatooch, shahalloyich shaawi cinnechi deejjoon boonoshi giddiiti xaaꞌoo bulliichoo boonoshi dihoon boonoshi beegiyooba, Doono Yeeri ta tunoon ariyemminaꞌone.

Leweenaꞌo 18:21

“ ‘Ne bushiishoochee ikkoonolla Molookich bi deejjeyemmoyich beshii imona ne Nuggishoo ta shigoon naakkiyaahine. Ta, Doono Yeeri taane.

Haddoo 25:6

Aroochee Israꞌeeleenaꞌo daggoochee ikkoo, Muusinaa Israꞌeeleenaꞌo bullinochi aafooch ikke Miidiyamee asheen yechii bi xibeenaꞌo waan waahe. Areegaata, Muusinaa Israꞌeeleenaꞌo bullina danee duukkaanee kellooch eeppii beetinaꞌone.

Yibbaatoo 12:2

Ittoshi yookkii kichiibeeti aageteenaꞌo boonoshi nuggisheenaꞌoyich boonoshi goyinneebeeti ogooge guudinaꞌo toommooch, geppeenaꞌo toommonaa wodde waajjechi mixinaꞌo bulli baatoonooch beeti goyinnee xaaꞌeenaꞌo bullin happi ciroona aalliibote.

Yaaꞌoo 18:3

Aageteenaꞌo bulli mashiibeeti bi shunee mami woyinee uyoon uchitinaꞌone; showeexi taateenaꞌo biinna tookkii shunoon maatinaꞌone; showeexi giixechinaꞌo mashaamiti bi beemoochee tiyitona gaanneheete” iye.