Isiyaasi 57:19 - Kafa Linguistics Project

¹⁹ Boonoshi noonoochee galletoon aafiyemmo taane; wohonaa katinoonooch beetinaꞌoyich diggoo tunebe; boonoshin wodiyemmo taane” iye Doono Yeeri.

Isiyaasi 57:19 ပူးပေါင်းရင်းမြစ်များ

Isiyaasi 26:12

Doono Yeero, diggoon nooch immeto neene; no shuunoo bullin nooch kaachito neene.

Isiyaasi 26:3

Neen bi gibenetoyich, neenna degeyaabeeti kasheen, diggoona quyemmo neene.

Isiyaasi 32:17

Ebi cadiqee aafo diggoon deebemmone; tooqqii kashoonaa gibenoona bulli yemeenoon showee toommooch tunemmone.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Isiyaasi 51:16

Ne noonooch ta qaaroon kotiito taane; ta kishee yiirooch neen aachemmo taane; shimaayoon yaggito showoon kotteto taane; Tsiyoonee asheenaꞌonoo ‘Ittoshi, ta asho ittoshine’ gettemmo taane” iye.

Isiyaasi 59:21

Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.

Isiyaasi 6:7

Ta noonoon ebi qaaqqoona tuppheꞌi, “Ebiyoche, ebi ne noonoon bi tupphetoyich, ne xuꞌo ne waanee wokkitone; ne axaaxoo maareetone” iye.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Erimiyaasi 33:6

“Tunebaani hini katemeech iiwittinoonaa wodoonon wochinnoon deebemmo taane; boonoshin wodiyemmo taane; beshaa beshe diggoonaa keqqaalli beemonon boonoshich bekkiyemmo taane.

Hosee'i 14:2

Biich ittoshi gettemmi qaaroon yeshiree Doono Yeer waan wottebote; biichoo ishichibote: “No axaaxoo bullin maaribe; no qolloon waayebe; no noonoochee kechiibeeti galletoon neech giddiyemmo noone.

Hosee'i 14:5

Israꞌeeleenaꞌoyich doshoon (caagibanoon) tunemmo taane; gaawe mocee bungoochoommon bungemminaꞌone; Libanoosee yigoochoommon cammon awuremminaꞌone.

Sofoniyaasi 3:9

“Aroochee boonoshi bulli ta shigoon ceegiree ta waan boonoshi corootemmonaa ikkotteree taach boonoshi goyinne maddemmonoyich, aagetee asheenaꞌochi heciyoon xalloo tuniyemmo taane.

Zakaariyaasi 9:10

Doono Yeeri ishichiye: “Gaarinaꞌon Efreemee showoochee, ginee haresheenaꞌon Yerusaalemee, aalliyemmo taane. Ginee koyee maꞌoonoo tiichemmo taane. Ittoshi taatoo diggoon aageteenaꞌoyich awaajjemmone. Bi taatittino, baharoochee baharooch bedo, Efiraaxisi aacoochee showee tuggooch bedo, tunemmone” iye.

Maatiyoosi 10:13

Kechi doono ittoshin bi iibbiigaata, ittoshi diggiyoo biich shage; iibbiyoo bi qayigaata, ittoshi diggiyoo biich shaggaaye.

Maariqoosi 16:15

Daakkiꞌi ishichiye: “Showee toommo bulliich hambote; ta mishiraachoon halleeto bullich getote.

Luqaasi 2:14

“Shimaajji shimaayooch beeti Yeerich oogee yiiroo tunebe! Showoochoo Yeeri boonoshina emiriti asheenaꞌoyich diggoo tunebe” iyeete.

Mishiraachechinaꞌo 10:36

Yeeri ‘Yesuus Kiristoosinane ittoshina tookki ta shunemmo’ iꞌi Israꞌeeleenaꞌoyich mishiraachee qaaroon deejjitone; hini Yesuus Kiristoosi bullichi Doonone.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Efesooni 2:13

Tunebaani ebiyee aaf wokkiꞌi beeti ittoshi, Kiristoos Yesuusina tuneꞌi, Kiristoosichi damoona and katinnito ittoshine.

Efesooni 6:19

Wotta mishiraachee qaaree maacee mooyon aafee kupphoona getoyich ta noonoon ta qechaa qaaroon taach Yeeri immemmoyich qollebote.

Hibireena'o 13:15

[Illa] bulli aaboon Yesuus waanaa Yeerich galletoon deejjoommon tuniiree giddiibone; ebiyoo Yeeri no Doono bi tunoon no miixee deejjoone.