Isiyaasi 57:17 - Kafa Linguistics Project

¹⁷ Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Isiyaasi 57:17 ပူးပေါင်းရင်းမြစ်များ

Dojjecho 6:9

Qaatoona qaawillii beemoyee nooch beetona emiroo gaawiye; ebiyoo duubo, yongoon yookkii dabboommone.

Isiyaasi 1:4

Hini axaaxoona ceenniti aageteenaꞌote, xuꞌoon miꞌeti asheenaꞌote, gonde asheenaꞌochi shiijjereenaꞌote, xummoo tuneti bushiisheenaꞌote, ittoshich woowo! Doono Yeerin qajjito ittoshine; Israꞌeelee Yaafoon qallayito ittoshine; biich gubboon wochito ittoshine.

Isiyaasi 2:7

Boonoshi showoo birewoonaa aachoona ceennitone; boonoshi gaanno haddoyee beshitone; boonoshi showooch hareshoo ceennitone; boonoshi gaariyoo haddoyee damboone.

Isiyaasi 42:24

Yaaqobin boggoyich, Israꞌeelin bokkoyich beshii immito konine? Ebin tuniito Doono Yeeri toone? Ebiyoo, axaaxoon no shuunetoyich, bi daaggoona hamon no qajjetoyich, bi sheeroyichoo deꞌa geto no qajjetoyichiye.

Isiyaasi 45:15

Wodiyechi Israꞌeelee Nuggishoocho, ne, ne qelloon aachaabeeti Nuggishoo neene.

Isiyaasi 56:11

Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Isiyaasi 64:9

Doono Yeero, shineree noon kaareyaahine; no axaaxoonoo bulli yemeenooch gabiyaahine; no bulliyona ne asho no tunoon gabibe.

Isiyaasi 66:3

“Taach gattoon guuriibeeto ashoon guurii beetoommone; bagee baaddoon deejjiibeeto kunaanee qettoon qimii beetoommone; maayi buuroon giddiibeeto gudichi damoon giddii beetoommone; shalligichee ixaanoon shookkiibeeto shahalloon galletee beetoommone. Eboshi boonoshi hajjee gommon kaacona boonoshi eeꞌe mooyona emiriyeete.

Isiyaasi 8:17

Bi aafoon Yaaqobichi yareenaꞌo waanee bi wochitaanona, Doono Yeerin quyemmo taane; biinoo gibenemmo taane.

Isiyaasi 9:13

Tunebaani asheenaꞌo boonoshin sheerito waan boonoshi aafoon wochaaneenaꞌone; Beshe Mawe Doono Yeerinoo qaawaaneenaꞌone.

Erimiyaasi 2:30

“Ittoshin ta sheerito duubooniye; ta sheeroon deꞌaano ittoshine. Ittoshi goraado shaaceti daaheroochoommon, ittoshi keemechinaꞌon maatone.

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Erimiyaasi 3:14

“ ‘Hini gibeneyaani bushiisheenaꞌote, ta ittoshi Doono ta tunetoyich ta waan wottebote; ikke katemoochee ikkoon, ikke yaroochee guttoon Tsiyooni guudooch deebemmo taane’ iye Doono Yeeri.

Erimiyaasi 3:22

“Gibeneyaani bushiisheenaꞌote, ta waan wottebote; gibeneyaano tunoochee ittoshin shiwemmo taane” iye. Ebiyoche ne, no Nuggishoo Doono Yeeri ne tunetoyich, ne waan waato noone.

Erimiyaasi 5:3

Doono Yeero, ibere mooyon qaawiibeeto neene; boonoshin naxehine; tunebaani aaxxiyaaneenaꞌone; boonoshin yiikkehine; tunebaani ne waan wottemmon qajjiyeete. Boonoshi baroon shiishee xaqqoyee beshoon kupphiiheete; gondoochee wottemmonoo qajjiyeete.

Erimiyaasi 51:13

Meeti aachi gashooch kotetocho! Gaannoon ciqqinnetocho! Ne aallemmi aaboo, ne ciiro shaggitone.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Erimiyaasi 8:6

Tawoo manjii ellehoye; ibere mooyon yibbaateyaaneenaꞌone; koniyoona ‘Ebi ta tuniito amooniye?’ iꞌi gondoochee wotteto aalloone. Koyee xaaꞌooch wocciibeeti hareshoochoommon bi ikkikkoona bi gommi gommona hammiye.

Hiziqeeli 33:31

Bulli aaboon boonoshi tunii beetoommon ta macceenaꞌo waaree ne aafooch kotemminaꞌone; ne gettaa beeton waayemminaꞌone; tunebaani tuniyaachemminaꞌone; boonoshi noonoona wodde shunoon bekkiiheete; tunebaani boono mulloona boono gaacoon dabbiyeete.

Luqaasi 12:15

Wotta Yesuusi daakkiꞌi ishichiye: “Ashich kasho geto bi gaannee woddo tuno bi qajjitoyich, ittoshi qelloon ariibote! Hiriggoo bulliicheenoo ittoshi qelloon quyebote” iye.

Qolaasiyaasi 3:5

Illa ittoshi meechi qaatoon wuxibote. Eboshiyoo: yahoo, eeꞌe shuunoo, bushittinee cakkoo, gonde qaatoonaa hiriggoonane. (Hiriggoo, bi hiriggiti mooyon nuggishoommon tuniiꞌi goyinnoone.)

1 Ximootiyoosi 6:9

Tunebaani “Gaannechon tunebone” iꞌi gabii beetinaꞌo gondoochi nihoona dacheeree, bi shaachiti ollooch yeche dihemminaꞌone; yeche boonoshi dihemmi ollo, mulloon muccii beetonaa qaakkiibeeti meeti qaatoonane; ebi qaatoo keyo hakkeyaani aalloochiye bi shakkiyemmo.

2 Pheexiroosi 2:14

Maacheen beeggii beshiiyaaneenaꞌone; beddiye iꞌi axaaxee shuunoochee wotteyaaneenaꞌone. Ikke gaboona manjaani asheenaꞌon dawushii beetinaꞌone; hiriggoon doyiti mullo boonoshich beetone; uppeti shiijjereenaꞌone.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.