Isiyaasi 57:15 - Kafa Linguistics Project

¹⁵ Beshoo, beshaa beshe oogoo, bulli yemeenoon beeyecho, bi shigo Yaafoo tuneto ishichii beetone: “Damba wohonaa yaafoona tuneti xaaꞌooch beehoye; tunebaani wotta boonoshi qelloon giishiitinaꞌonaa boonoshi mullo tiishetinaꞌona tookkaa beehoye. Ebiyoo boonoshi qelloon giishiitinaꞌon, boonoshi mullo tiishetinaꞌonoo kupphiyoyichiye.

Isiyaasi 57:15 ပူးပေါင်းရင်းမြစ်များ

Halloo 21:33

Abrahamiyoo Beershaab tamariskee mixon bechiye. Aroochaanoo Bulli Yemeenee Nuggishoo, Doono Yeerich goyinnehe.

1 Taateenaꞌo 8:27

“Tunebaani Yeero, iberoon hini showee toommooch beeyenne? Ebiyoche, shimaayoo, shimaayoyee dambee shimaayolla, neen yeshon hakkaache. Ishigaata, ta haggeti hini kexo am beddehe?

2 Kiinoo 34:27

hini xaaꞌoonaa arooch beetinaꞌonon naxemmo ta tunoon ta getaa waayaꞌa, ne mullo tiishetoyich, Yeeri ta aafooch ne qelloon ne giishiitoyich, ne tahoon ne keexxetoyich, ta aafooch ne eeppetoyich, ne corootoon waayeto taane.

Iyoobi 22:29

Asheenaꞌo giishetaa, ‘Boonoshin oogiibe’ ne getaa, Yeeri giishetinaꞌon wodiyemmone.

Iyoobi 6:10

ebina goggesho taane. Kupphe biiyee toommooch beechi emiresho taane. Ebiyoo Yaafe Nuggishoo qaaroon waayeyaache getaano ta tunetoyichiye.

Shoddo 111:9

Bi wodiyoon bi asheenaꞌoyich deejjiye; bi wogoonoo bulli yemeenooch manjiihe; bi shigoo yaafoonaa shattiitonane.

Shoddo 115:3

No Nuggishoo shimaayoochiye; biin emirikkimmon tuniyemmone.

Shoddo 123:1

Shimaayooch ne taatee qeenooch kotetocho, kaama qaallaꞌa ne waan ciinneho.

Shoddo 138:6

Doono Yeeri oogoona beshoo bi tunetaanoona hoxeeton dufaache; tunebaani geecechinaꞌon wohoochaa ariihe.

Shoddo 138:7

Xuuxo taan giishi gaatoona, ne ta kasheen wodiihine. Ta etteenaꞌochi kaaree toommooch ne mochoon tiijjihine; ne hakkoona taan wodiihine.

Shoddo 147:3

Boonoshi mullo tiishetinaꞌon goggiihe; boonoshi mayon kaappii wodiihe.

Shoddo 34:18

Boonoshi mullo tiishetinaꞌoyich Doono Yeeri katinoone; gibeno kuxxitinaꞌon wodiyemmone.

Shoddo 34:19

Cadiqoyich iritoo woddoone; tunebaani Doono Yeeri ebi bulliichee biin wodiyemmone.

Shoddo 51:17

Yeeri deqqemmi deejjoo tiisheti ayaanoone; Yeero, ne, tiishee giisheti mulloon hoxeyaachine.

Shoddo 51:19

Ebiyooba, tate deejjoo, micciibeeti deejjoo, amolla echeyaanoon micciibeeti deejjoo, neen emirikkemmone; ebiyooba gubbeneenaꞌo ne deejjee gudooch deejjeyemminaꞌone.

Shoddo 83:18

Ne shigo Doono Yeeri tuneti ne baach, showoo bulli toommooch Beshoo Yeeri ne tunoon ariibeete.

Shoddo 90:2

Guudinaꞌo shuuneyaan beetaa, showoonaa alemoona halleyaan beetaa, bulli aaboochee bulli aabooch ne, Nuggishoo neene.

Shoddo 93:2

Ne taatee qeeno wonnee tiijjiꞌi manjoone; newoo bulli aabooch beeto neene.

Shoddo 97:9

Doono Yeero, ne, showee toommo bulliich Beshoo Yeeri neene; nuggisheenaꞌo bulliyee oogeti beshoo neene.

Shoddo 99:3

Oogoonaa shattiitona tuneti ne shigoon galletebeete. Bi yaafoone!

Keyo 15:11

“Doono Yeero, nuggisheenaꞌo daggoochee neenoommo, konine? Yaafittinoona oogeto, oogee yiiroona shattiibeeto, gaakkechi shuunoon shuuneebeeto, neenoommo, konine?

Keyo 15:13

“Ne shoodoona ne biisheti ne asheenaꞌon, yaabito neene; ne hakkoona ne biishetinaꞌon yaafe ne beeyi xaaꞌooch yaabito neene.

Keyo 15:18

Doono Yeeri bulli yemeenoon taatemmone” iyeete.

Keyo 40:34

Aroyee gubb qubo danee duukkaanoon guuppiye; Doono Yeerichi oogee yiiroo ebi yaafee duukkaanooch ceenniye.

Keyo 40:35

Qubo danee duukkaanee toommooch bi tunetoyich, wotta Doono Yeerichi oogee yiiroo yaafee duukkaanooch bi ceennitoyich, Muusi gimon hakkaanoone.

Shaahiyoo 16:19

Geecechinaꞌona tookkii kecoon qoodeyoyee, girechinaꞌona tookkii qelloon giishiiꞌi beemo gaawiye.

Shaahiyoo 8:23

Batti batti showoo halleyoyee shiichaꞌa, wonnee wonna halleehoye.

Isiyaasi 18:4

Doono Yeeri taach ishichitone; “Turaarooch nibboona aaxxaabeeti aabeechoommon, maayi qecci goorooch kindiibeeti doshoochoommon (caagibanoochoommon) shimaajji ta kexoochaa nibboona dugilla ciinnaabeeto taane” itone.

Isiyaasi 33:5

Doono Yeeri bulliyee beshoone; bi beeto damba shimaayoochiye. Biyoo Yerusaalemin dayinnetoona, cadiqoonoo ceechemmone.

Isiyaasi 40:28

Ariyaano neene? Waayeyaano neene? Doono Yeeri bulli yemeenee Nuggishoone; showoo bullin hallito biine; maraateyaache; taahaache; bi gaboon maqqii shagon hakkemmo aalloone.

Isiyaasi 52:13

Doono Yeeri ishichiye: “Ebiyoche, ta guunoyich mooyo kaamemmone; damba oogichiree oogemmone.

Isiyaasi 6:1

Taatoo Uziyaahi qititi natooba, Doono Yeeri genjoonaa kaama hashekkimoona tuneti taatee qeenooch koteꞌi beeton beeggeho; bi qoreddee caappoo yaafee kexon ceennitone.

Isiyaasi 6:3

Boonoshinaa boonoshina ceegeebee, “Beshe Mawe Doono Yeeri yaafoo, yaafoo, yaafoone; bi oogee yiiroo showoo bulliich ceennitone” ii beeheete.

Isiyaasi 63:15

Doono Yeero, yaafoonaa oogee yiirechona tuneti ne beeyi xaaꞌoo, shimaayoochaa dugilla ciine; ne qanaatoonaa ne giidoona aaye? Noon ne sharaatoonaa ne ariqqoona noyee wokkitone.

Erimiyaasi 10:10

Tunebaani Doono Yeeri ibere Nuggishoone; aroo beeyechi Nuggishoonaa bulli aabee Taatoonane; bi kaaroochee tiyitona showoo qewehe; aageteenaꞌoo bi kaaroon haaꞌiyoon hakkaacheete.

Shoosho 3:41

No mulloon no kishoona tookki, shimaayooch beeti Nuggishoo Yeer waan tiijjibone; ishichishoo getone:

Hiziqeeli 16:63

Ne tuniiti mooyo bullin echebe ta iyooba ne xuꞌo neech bi tipphiimmona yeellemmi neene; yeellee naboona wochinnoon noonoo wochaachemmi neene, iye Nuggishoo Doono Yeeri’ gete” iye.

Hiziqeeli 9:4

“Yerusaalemi katemoona hambe; bi daggoochaa tuneti ciigiiti mooyoyich ayinii beetinaꞌonaa eeppii beetinaꞌonochi barooch malletoon gede” iye.

Daaneeli 2:11

Ebi taatoo echeebeeti mooyo oogeton maggoone. Boonoshi beeyi xaaꞌoo ashi daggooch tuneyaani nuggisheenaꞌoyee besh, taatoyich ebin geton hakkemmo aalloone” iyeete.

Daaneeli 4:17

Ebi manjiti mooyonaa bi toommooch shaggemmi nalloona quyecho tuneti, bi yaafe maraakeenaꞌona getteetone. Ebiyoo Beshoo Yeeri asheenaꞌochi taatittineenaꞌo toommooch hajjiibeeto bi tunoonaa ebi taatittineenaꞌon asheenaꞌo daggoochee boonoshi qelloon giishii beetinaꞌoyich, bi shunnito konichona immiibeeto bi tunoonon, showee toommooch beeti asheenaꞌo bulli ariyemmoyichiye’ iye.

Daaneeli 4:34

Shabaatte nato beshetoyee gubb, ta, Nabukadinatsori, ta aafoon kaachaꞌa damba shimaajj ciinnehoye; ta mulloo yechiye. Beshoo Yeerinoo galletehoye; bulli yemeenoon beeyechoyichoo naadoonaa galletoonon bechiyoye. Biyoo bulli yemeenoon taatemmone; bi taatittino shiijjeroochee shiijjerooch beddaahaane.

Yoꞌeeli 2:13

Ittoshi mulloonalli ittoshi tahoon keexxaahote. Ittoshi Nuggishoo Doono Yeer waan wottebote; biyoo maarecho, ariqqecho, kaaroyich nibbecho, wodde shoodecho, sheeroyich nibbechone.

Mikiyaasi 5:2

Doono Yeeri ishichiye: “Beetilehem Efiraati katemeene, Yihudee showooch beeti gishiishi katemeenaꞌoochee ikke ne tunetaanoona, wonnee wonneecho, wohi yemeeneexo tuneti, Israꞌeelee showoon qeejjemmi woraaferashoo ne waanee taach kechemmone” iye.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Zakaariyaasi 2:13

Doono Yeeri yaafeeti bi beeyi xaaꞌoochee tiyitone; ebich meeno taheti asho bulli bi aafooch minnakanna gettaaye.

Zakaariyaasi 9:9

Tsiyooni asheenaꞌote, oogichi emiribote! Yerusaalemi asheenaꞌote, ililibote! Ittoshi taatoo, cadiqoonaa kochii wochechona gaꞌi deꞌo tunee, kuroon yebbee, kureechi bushoon yebbee, ebiyoche, ittoshi waan waa beetone.

Maatiyoosi 6:9

“Illa ittoshi ishichi corootibote: ‘Shimaayooch beeti no Nihoocho, yaafe ne shigo oogebe.

Mishiraachechinaꞌo 3:14

Tunetaa yaafoon, cadiqoonoo nookkeechii, ashoon wuxiton ‘Nooch biishe’ iꞌi Phelaaxoosin qollehote.

Roomi 1:20

Yeeri alemoon bi hallitoochee tiijjiꞌi bekkeyaani bi mooyinaꞌo, eboshiyoo bulli yemeenee bi giidoonaa bi nuggishittinoona, bi halliti mooyinaꞌoochee aricheꞌi asheenaꞌoyich xalla bekkee beetinaꞌone; ebich boonoshi wochemmi noonoo boonoshich aalloone.

2 Qorontoosi 1:4

Biyoo amee iritolla no toommooch shaggimmi aabo bullin noon goggii beetone. Ebich amee iritolla boonoshi toommooch shagaa, asheenaꞌo iriteebeeti aabo bullin, no wotta Yeeri noon goggiitoommi gommona boonoshin goggiyoon hakkiyone.

2 Qorontoosi 2:7

Oogeti ayinooch bi dihaachemmoyich, wochiꞌi maaroonaa biin goggiyoona ittoshich qaawiihe.

2 Qorontoosi 7:6

Tunebaani ayinii beetinaꞌon goggiibeeti Nuggishoo Titoosin no waan bi deejjoona noon goggiitone.

Yibbaatoo 33:27

Bulli yemeenoon beeyechi Yeeri ittoshi beeyi xaaꞌoone; bulli yemeenoon beeyechi bi mocheenaꞌo ittoshi qoyeenaꞌone. Ittoshi etteenaꞌon ittoshi aafoochee yookkii kichiꞌi, ‘Koyi aalliibote’ iye.

1 Ximootiyoosi 1:17

Bulli yemeenee Taatoo, aalleyaano, bekkeyaano, bi ikkeeto baach tuneti Nuggishoyich galletoonaa oogee yiiroona bulli yemeenoon tunebe. Ameena.

1 Ximootiyoosi 6:16

Bi ikkeeto baachiye qitaano; koniyoona shago hakkaani wacciibeeti bekkoochiye bi beeto; aafoona biin beeggito koniyoona aalloone; biin beego ashich hakkeyaache. Oogoonaa giidoona bulli yemeenoon biich tunebe. Ameena.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

1 Pheexiroosi 5:5

Gurimaasheenaꞌote! Ebiyoommon wotta geeneenaꞌoyich deꞌa getote. Yaafe Macaafo “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” iye. Ebich kittinnoo tuneti ittoshi bulli ikkoo baroyich bi qelloon giishiibee qellee giishiyoon tahoochoommon tahebote.

Yaaꞌoo 15:4

Doonocho, neen shataanoonaa ne shigoon oogiyaanoona konine? Ne ikkeeto baach yaafoo neene; cadiqe ne shuunoo bullich bekketone; ebich aageteenaꞌo bulli waaree neech goyinnemminaꞌone” iyeete.

Yaaꞌoo 3:7

“Filaadelifi kittinnee guuphi maraakoyich ishichi kooribe: Yaafoonaa iberoona tuneto, Daawitichi qulfoon yechito, bi qechiton koniyoona hicaano, bi hicciton koniyoona qechaano ishichiye:

Yaaꞌoo 4:8

Ebi kashechi awudde halleenaꞌo boonoshi ikkikkoyich shiritti shiritte qoshoo beetone; boonoshi achee guudoonaa boonoshi qoshee maacinooch aafo ceennitone. Boonoshiyoo “Aafoo beeti, andoo beeti, gubboo beeyemmi, Beshe Mawe Doono Yeeri yaafoo, yaafoo, yaafoone” iibee areddoonaa xumoonon kasheyaaneenaꞌone.

1 Saameeli 2:2

“Doono Yeeriyoommi yaafoo aalloone; biinoommo ciroona aalloone; no Nuggishoommi deebo aalloone.