Isiyaasi 56:7 - Kafa Linguistics Project

⁷ “Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Isiyaasi 56:7 ပူးပေါင်းရင်းမြစ်များ

1 Taateenaꞌo 8:41

“Wotta Israꞌeelo tuneyaani ashi showee asho ne mooyon waayeꞌi, wohi showoochee bi waagaata,

Shoddo 2:6

“Yaafee ta geppoo Tsiyooni toommoochaa ta kaacceti taatoon ukkiriito taane” gettemmone.

Keyo 28:38

Ebinoo Harooni bi barooch gede. Israꞌeeleenaꞌo bariiꞌi boonoshi immiibeeti wojjoon, ebiyoo yaafeeti deejjoon giddiibee boonoshi xuqqiti amee xuꞌoonona shaaggemmone. Doono Yeeri ta, ebi deejjoon gaawe aafoona ta ciinnemmoyich, bulli aaboon Harooni barooch beebe.

Isiyaasi 11:9

Yaafeeti ta guudo bulliichaa qaaꞌi iritoon, woyee aalloon shakkiyaachemminaꞌone; aacoo baharooch ceenoommon, showoo bulli Doono Yeerin ariyoona ceennemmone.

Isiyaasi 19:19

Arooba Gibitsee showee daggooch, Doono Yeerich deejjee gudo shuuneyemmone; bi danoochoo Doono Yeerich malletee giimboo neexemmone.

Isiyaasi 19:21

Doono Yeeri Gibitseenaꞌoyich, koni bi gaata arichiyemmone; boonoshiyoo arooba Doono Yeerin ariyemminaꞌone; deejjoonaa maayi buuroonon giddiyoona biich goyinnemminaꞌone; Doono Yeerich mookkoon mookkemminaꞌone; boonoshi mookketonoo ceechemminaꞌone.

Isiyaasi 25:6

Beshe Mawe Doono Yeeri, hini Tsiyooni guudooch aagetoo bullich oogeti gifiroon qanniyemmone; ebi gifirooch gaaweti, awuyi meenonaa gaawe woyinee uyoonon qanniyemmone.

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 57:13

Ne cookiyooba ne kiciti, shahalleenaꞌo neen wodiibeete; yongo boonoshin daammemmone; kashee hiinno boonoshin aalliyemmone. Ta shoobooch giyito showoon hajjemmone; yaafeeti ta guudonoo woraashemmone” iye.

Isiyaasi 60:11

Asheenaꞌo aageteenaꞌochi gaannoon, yixiibeeti boonoshi taateenaꞌona tookki deebemminaꞌo boonoshi tunetoyich, ne kelleenaꞌo xumoonaa areddoonon, bulli aabooch hicheyaachemminaꞌone.

Isiyaasi 60:7

Qedaaree bageenaꞌo ne waan kiceyemminaꞌone; Nebayootee bagee baaddeenaꞌo deejjoyich neech gaaccemminaꞌone; ta deejjee gudooch giddoyich bedditinaꞌo tunemminaꞌone; oogechi ta yaafee kexon oogiyemmo taane.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 65:11

“Tunebaani Doono Yeeri taan qajjiti ittoshin, yaafeeti ta guudon batteti ittoshin, Gaadi getteeti nuggishoyich madoo qanniiti ittoshin, Meni getteeti nuggishoyich bacceeti woyinee xoofoon qanniiti ittoshin,

Isiyaasi 65:25

Okeroonaa bagee baaddoona ikkooch tookki maayemminaꞌone; daaheroo gattoochoommon maayi tulloon qaachemmone; butto dingeroyich maayoon tunemmone; yaafeeti ta guudo bulliichaa qaakko woyee aallo boonoshi toommooch shagaachemmone” iye Doono Yeeri.

Erimiyaasi 7:11

Ebi ta shigoona ceekketi kexo ittoshi aafoochaa bokkeenaꞌochi gofoon ittoshich shaahii beete? Ittoshi tunii beeton beeggeto taane, iye Doono Yeeri.

Hiziqeeli 20:40

Yaafeeti ta geppoochaa, Israꞌeelee genje guudoochaa Israꞌeelee maccoo bulli, hini showoochaa taach goyinnemminaꞌone; aroochaa boonoshin taacho tuniyemmo taane; aroochaa ittoshi buuroonaa ittoshi cilloonon, ittoshi kichiti yaafeeti mooyo bullinoo ittoshi waanee qaawemmo taane.

Hiziqeeli 47:22

Ittoshinaa ittoshi daggooch koteti, ittoshi daggoochaa bushoon shiyiti ashi showee asheenaꞌona iristoon tuniiree showoon ixoona qoodeyemmo ittoshine; boonoshiyoo showechinaꞌon, Israꞌeelee macceenaꞌonoo tuniitaa ciichebeete; Israꞌeelee yoodeenaꞌochi daggooch ittoshina tookki iristoon qoodeebeete.

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Zakaariyaasi 8:3

Doono Yeeri ishichiye: “Tsiyooni katemooch wottemmo taane; Yerusaalem beeyemmo taane; Yerusaalemiyoo Gibeneeti Katemee, getaa ceekkemmine. Beshe Mawe Doono Yeeri ta guudo Yaafeeti Guudo getaa ceekkemmone” iye.

Milikiyaasi 1:11

“Aabi keyoochee aabi gimooch beddaahaa beeti aageteenaꞌo ta shigoon oogii beetinaꞌone. Bulli xaaꞌoochaa ta shigoyich ixaanoon shookkiibee xalle deejjoon taach giddii beetinaꞌone. Boonoshi bulliyoo ta shigoon oogii beetinaꞌone” iye Beshe Mawe Doono Yeeri.

Maatiyoosi 21:13

Wotta asheenaꞌoyich “Yeeri ‘Ta kexo corootee kexone getteyemmone’ iꞌi bi gettito Yaafe Macaafooch kooreetone; tunebaani ittoshi bokkeenaꞌochi gofoon tuniito ittoshine” iye.

Maariqoosi 11:17

Aree hillooch ishichiꞌi dojjiye: “Yeeri ‘Ta kexo “Aageteenaꞌo bullichi corootee kexo” getteyemmone’ iꞌi bi gettito Yaafe Macaafooch kooreyaanoone? Tunebaani ittoshi bokkeenaꞌochi gofoon tuniito ittoshine” iye.

Luqaasi 19:46

“Yeeri ‘Ta kexo corootee kexo tunemmone’ iꞌi bi gettito Yaafe Macaafooch kooreetone; tunebaani ittoshi bokkeenaꞌochi gofoon tuniito ittoshine” iye.

Roomi 12:1

Illa ta maneenaꞌote! Ittoshi ashittinoon Yeerin emirikkiibeeto, yaafoonaa kashechi deejjoonon tuniiree biich ittoshi giddiyemmoyich Yeerichi ariqqoona ittoshin qollehoye; ebiyoo Yeerich ittoshi goyinnemmi tunibede gommone.

1 Ximootiyoosi 2:8

Illa doonjeenaꞌo bulli xaaꞌoochaa kaaroonaa hayoonon qayiichi, yaafeeti boonoshi kishoon damba tiijjiree boonoshi corootemmoyich daaggiyoye.

Hibireena'o 12:22

Tunebaani ittoshi Tsiyooni guudooch, shimaayooch beeti Yerusaalem, beeyechi Yeerichi katemooch shaggito ittoshine. Humaa xume maraakeenaꞌo waan,

Hibireena'o 13:15

[Illa] bulli aaboon Yesuus waanaa Yeerich galletoon deejjoommon tuniiree giddiibone; ebiyoo Yeeri no Doono bi tunoon no miixee deejjoone.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.