Isiyaasi 56:5 - Kafa Linguistics Project

⁵ ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 56:5 ပူးပေါင်းရင်းမြစ်များ

Isiyaasi 2:2

Ciiree yemeenooba, Doono Yeerichi yaafee kexo beeti guudo, guudinaꞌo bulliyee beshiree bekkemmone; geppeenaꞌo toommooch qaalli bekkemmone; aageteenaꞌo bulli arooch orihe woyemminaꞌone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 26:1

Arooba ebi shoddo Yihudee showoochaa ishichaa shoddeyemmone: “Mishigechi katemoo nooch beetone; Yeerichi wodiyoo, xaqqee uxeroonaa mishigoonon nooch tunetone.

Isiyaasi 43:7

Boonoshi ta shigoona ceekketi, ta oogoyichoo ta halliti, ta asheenaꞌone” iye.

Isiyaasi 48:19

Ne shiijjeroo haddaa ciireyaani, baharee gasheexi qacoommon tuneshone; boonoshi shigo ciroona ta aafoochee, kuxeree aalleyaacheshone” iye.

Isiyaasi 55:13

Angichi keroon ciidee mixo, guccini keroon hadaasee mixo, collemmone; ebiyoo Doono Yeeri ta shalligeyemmo tunemmone; bulli aabooch aalleyaani malletoo tunemmone” iye.

Isiyaasi 56:7

“Yaafeeti ta guudooch boonoshin deebemmo taane; ta corootee kexoochaa boonoshin emirikkemmo taane; ta deejjee gudee toommoochaa boonoshi giddiibeeti micciibeeti deejjoonaa bare deejjoonon deqqemmo taane; ebiyoo ta kexo asheenaꞌo bullich corootee kexo getteyemmo bi tunetoyichiye” iye.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 62:12

Boonoshiyoo, Yaafeeti Asheenaꞌo, Doono Yeeri Biisheti Asheenaꞌo, getaa ceekkemminaꞌone; newoo, Qaaweyaabeeti, Duppeyaani Katemee, getaa ceekkemmi neene.

Isiyaasi 62:2

Aageteenaꞌo ne cadiqoon, taateenaꞌo bulli ne oogoon, beeggemminaꞌone; Doono Yeeri neen shigiyemmi, andire shigoona ceekkemmi neene.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Isiyaasi 66:22

“Ta hallemmi andire showoonaa andire shimaayoona ta aafooch manjiree beeyemmo bi tunoommon, ittoshi yaroonaa ittoshi shigoona manjiree beeyemmone.

Sofoniyaasi 3:20

Arooba, shaceti ittoshi asheenaꞌon, boonoshi showooch wochemmo taane; ittoshin, showee toommooch beeti asheenaꞌo daggooch, galleteeti ashoonaa aricheti ashoonon tuniyemmo taane. Ittoshi aafo ciini beetaa, wochinnoon beemon ittoshich mashaamiyemmo taane” iye Doono Yeeri.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Yowannisi 1:12

Tunebaani Yeer waanee bi womon iberiiꞌi boonoshi mulloon bi toommooch tooꞌiitinaꞌo bullich Yeerichi bushiishoo tunee hakkoon immiye.

Efesooni 2:22

ittoshiyoo wotta biinna Yeeri bi Ayaanoona beeyemmi kexon tunoyich, bareenaꞌo bullina tookkii hakkeebeeto ittoshine.

Hibireena'o 3:6

Tunebaani Kiristoosiyoo Yeerichi kechi asheenaꞌo bulli toommooch bushoochoommon gibeneetone. No wotta noon aafo kupphiibeeti, geeciibeeti gibenoon [ciirooch beddaahaa manjiiꞌa] no yeshigaata, Yeerichi kechi asho noone.

1 Yowannisi 3:1

“Yeerichi bushiishoo” getaa no ceekkemmoyich, Nihoo Yeeri aabichiꞌi noon bi shunnito gaata beegote! Iberoon Yeerichi bushiishoo noone. Ebich hini alemeexi asheenaꞌo Yeerin ariyoon boonoshi qajjitoyich, noon ariyaacheete.

Yaaꞌoo 2:17

“Yaafe Ayaano kittinnee guuphinaꞌoyich gettii beeton waayeebeeti waajjecho waayebe. Gondoochi giidoon kochii wochitoyich aacheeti mannoochee immemmo taane; wotta ebi aroon deqqitoyee damba asho koniyoona ariyaani andire shigo kooreeti nacce xaqqoonoo immemmo taane.

Yaaꞌoo 3:12

Gondoochi giidoon kochii wochiton ta Nuggishoochi yaafee kechi cangiyoommon tuniyemmo taane. Gubbich ciroona aroochee keyaachemmone; ta Nuggishoochi shigoon, ta Nuggishoochi katemee shigoon, ebi getoo shimaayooch beeti ta Nuggishoo Yeer waanee kindemmi andire Yerusaalemi shigoon, wotta andire ta shigoon bi toommooch kooremmo taane.

Yaaꞌoo 3:5

Gondoochi giidoon kochii wochito ebiyoommon nacce tahoon tahemmone. Bi shigoon kashee macaafoochee hidaachemmo taane; ta Nihoonaa bi maraakeenaꞌonochi aafoochaa bi shigoon arichiyemmo taane.

1 Saameeli 1:8

Bi keno Eliqaaniyoo “Haanne, amoyichiye ne eeppaabeeto? Amoyich maataachine? Amoyichiye ne ayinaabeeto? Ta neech aashire anaami bushiishoyee beshaachote?” ii beehe.