Isiyaasi 56:4 - Kafa Linguistics Project

⁴ Doono Yeeri ishichiye: “Ta shambetoon oogiibeeti, taan emirikkiibeeti mooyon tuniibeeti, ta wogoonoo ceechiibeeti guruusheenaꞌoyich,

Isiyaasi 56:4 ပူးပေါင်းရင်းမြစ်များ

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

Shoddo 119:111

Ne qociyoo bulli yemeenoon ta hajjoone; ta mulloo ebina emiriye.

Shoddo 25:10

Bi wogoonaa bi qociyoonon quyee beetinaꞌoyich, Doono Yeerichi gommo bulli shoodoonaa gibeneyoonane.

Isiyaasi 27:5

Ebi tuno qayigaata, taan deebo yesheete; taanna tookki diggoo hallibeete; taanna tookki diggoo hallibeete” iye.

Isiyaasi 55:3

Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 56:2

Ebin tuniibeeto, kupphiiꞌinoo yechiibeeto, shambetoon eeꞌiyaanoon oogiibeeto, gondo amoonolla shuunoochee bi kishoon quyeebeeti asho, diireetone.

Isiyaasi 56:6

Biich maddoyich Doono Yeer waan katinniti, Doono Yeerichi shigoon shunniti, biich maddeebeeti, shambetoon eeꞌiyaanoon oogiibeeti, bi wogoonoo quyeebeeti bare showee asheenaꞌoyich Doono Yeeri ishichiye:

Isiyaasi 58:13

Doono Yeeri ishichiye: “Shambetee doyoon shaaddoochee ittoshi baatoon ittoshi wochigaata, yaafeeti aabooba ittoshin emirikkii beeton tuniyoochee ittoshi wottegaata, shambetoon emirikkito, Doono Yeerich yaafeeti aaboon oogoo ittoshi getigaata, ittoshi kaatta hamon qajjiꞌi ittoshi oogiigaata, ittoshin emirikkii beeton qaawoo ittoshi qayigaata, duube yibbaatoon ittoshi qayigaata,

Erimiyaasi 50:5

Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.

Luqaasi 10:42

Tunebaani qaaweeto ikke mooyo baachiye; Maariyamiyoo are gaaweti mooyon yechetine; biichoo bacheyaache” iye.

Hibireena'o 6:17

Ebich Yeeri gibenikkiti mooyon danemminaꞌoyich, bi gabiti gaboon shaddaachemmo bi tunoon xalla bekkiiya bi qaawitoyich, bi gibenikkiti gibenee toommooch wogoon daakkiye.

Yaasi 24:15

Tunebaani Doono Yeerich goyinnee maddoo ittoshich gaaweto tuneꞌi bekko bi qayigaata, ittoshi qaabbechinaꞌo Efiraaxisee beqach beeti Mesopotaamee showooch boonoshi beehooba, boonoshi goyinnee maddeti nuggisheenaꞌoyich woyee boonoshi showooch ittoshi beeti Amooreenaꞌo goyinnee maddeti nuggisheenaꞌoyich goyinne maddemmo ittoshi tunegaata, ittoshi goyinne maddemmon hanaach goomiree kaacote. Tunebaani taannaa ta kechi asheenaꞌona no goyinne maddemmo Doono Yeerichiye” iye.