Isiyaasi 56:12 - Kafa Linguistics Project

¹² Boonoshiyoo, “Ittoshi waataa woyinee uyoon qaawi uyone; kashi uyoonoo uyi miyone; yaachoo hanaachiyoommon tunemmone; halla beshoonoo tunemmone” iyeete.

Isiyaasi 56:12 ပူးပေါင်းရင်းမြစ်များ

Iyoobi 24:23

Diggoona boonoshi beeyemmoyich bi tuniitaanona, boonoshin hillaa dabbii beetone.

Shoddo 10:6

Bi mulloonoo ishichiꞌi gabiye: “Hiniichee shuuraachemmo taane; shiijjeroochee shiijjerooch beddaahaa, iritoo ta toommooch shagaachemmone” iye.

Shaahiyoo 20:1

Woyinee uyo ashoon cooqqirecho, kashi uyo yexecho tuniihe; eboshina muriccito bulli ariyecho toonoone.

Shaahiyoo 23:35

Newoo, “Yexxiyeete; tunebaani taan biiyaanoone; xoobbiyeete; tunebaani taan sheewaanoone; aatane tokketoochee ta tiyemmo? Bare uyo taan gabiitone” gettemmo neene.

Shaahiyoo 27:1

Deco amoon bi deebemmo gaata ariyaano ne tunetoyich, yaach tunemmi mooyona yebeneyaahine.

Dojjecho 2:24

Ashich mamonaa uyonoyee, bi shuuneti shuunoona emiroonoyee besh, gaawe mooyo aalloone. Ebiyoo Yeer waanee bi ichoon beeggeho.

Isiyaasi 5:11

Mashiibeeti uyoon uyoyich haree yaaꞌooch tiyii beetinaꞌoyich woowo! Boonoshi kashooch bi qeeccimmi wottoon, uchiibee harii beetinaꞌoyich woowo!

Isiyaasi 5:12

Boonoshi gifiree xaaꞌooch ooge ximboonaa giishi ximboona, kamboonaa shumburoona, woyinee uyoo beetone; tunebaani Doono Yeeri tuniiton, bi shuuneti shuunoonoo gabaaneenaꞌone.

Isiyaasi 5:22

Woyinee uyoon uyoyich beelleenaꞌo, mashiibeeti uyoon baccoyichoo kuppho tunetinaꞌoyich woowo!

Erimiyaasi 18:18

Boonoshiyoo “Sheeroo qeeshoo waan, ciico ariyechinaꞌo waan, qaaro keemechinaꞌo waan aalleyaachemmo bi tunetoyich, ittoshi waataa Erimiyaasi toommooch koceebone; ittoshi waataa heciyoona biin yexone; bi qaaroonoo waayaayone” itinaꞌone.

Hosee'i 4:11

Doono Yeeri ishichiye: “Yahoo, yagiti woyinee uyoonaa andire woyinee uyoona shalligoon keccii beetone.

Amootsi 4:1

Bashaani beeti, shiimetaa yecheti miiminaꞌo aangoommon aangiti Shamaari genneenaꞌote, ebin waayebote! Ittoshi, hakka guutoon xuqqiyote; girechonoo giishiihote. Ittoshi keneenaꞌon “Uyoon nooch ittoshi deebaa uyone” iyote.

Naahoomi 1:10

Biinnaa biinna wutireeti angixonaa maayi tulloonochoommon, qaaqqoo ittoshin michi aalliyemmone.

Luqaasi 21:34

“Tunebaani ittoshi mullo miyona, mashoonaa mashaamiti beemi qaatoona dingiraate bi beetaa, Ashi Bushoochi aabo diqqoona shaachoochoommon ittoshin bi yeshaachemmoyich, ittoshi qelloon quyebote.

1 Qorontoosi 15:32

Efesoonaa cooxona ta qiicceto ashi doyoommon baach bi tunegaata, amooniye taach bi gaaccemmo? Qititinaꞌo tiyaachemminaꞌo bi tunegaata, hini showeexi asheenaꞌochi gaboommon, “Yaach qitemmo no tunetoyich, mamone; uyone” getishiye no gettemmo.

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.