Isiyaasi 56:11 - Kafa Linguistics Project

¹¹ Boonoshiyoo bi maataa miyani, woddelle kunaanoomminaꞌone; shalligaalli qiddeenaꞌone; boonoshi kaatti kaatta wottetinaꞌone; bulliyona boonoshi gaacoon qaawiyeete.

Isiyaasi 56:11 ပူးပေါင်းရင်းမြစ်များ

Keyo 23:3

Nalloochaa girechoyich dabiiree nalliyaahine.

Dojjecho 5:10

Gijjoon shunniibeeto, gijjoon miyaachemmone; gaannoon shunniibeeto, shimon danoona digaayeyaachemmone; ebiyoo wotta duuboone.

Isiyaasi 1:3

Gattoo bi doonon arii beetone; kuroo bi doonochi magedoon arii beetone; tunebaani Israꞌeeleenaꞌo ariyaaneenaꞌone; ta asheenaꞌoo shalligaaneenaꞌone” iye.

Isiyaasi 28:7

Qeesheenaꞌonaa keemechinaꞌona mashiibeeti uyoona dadeddeheete; woyinee uyoonoo mullo baalleeheete; mashiibeeti uyoonoo tattelleheete; yaaꞌee beegona muricciyeete; nallee nalloochaa tepheeheete.

Isiyaasi 57:17

Gonde bi woddellittinoyich biin kaarehoye; biin naxaꞌa, kaaroona ta aafoon bi waanee badd wochiyoye; tunebaani gubb wotteꞌi bi gaba hammiye.

Erimiyaasi 22:17

“Tunebaani ne mulloonaa ne aafoona tooqqito, tateyaani gommona gaacoon danoyich, xalle damoon ukkoyich, hukkoonaa xuꞌee shuunoonooch baachiye” iye.

Erimiyaasi 6:13

“Girechoochee tiijjii gaannechooch beddaahaa gijjoyich hiriggii beetinaꞌone; keemechoochee tiijjii qeeshooch beddaahaa bulliyona dawushechinaꞌone.

Erimiyaasi 8:10

Girechoochee tiijjii gaannechooch beddaahaa gijjoyich boonoshi hiriggii beetoyich, keemechoochee tiijjii qeeshooch beddaahaa bulliyona dawushoona boonoshi tunii beetoyich, boonoshi mecheenaꞌon bareenaꞌo shaaggemmonaa boonoshi goyoon bareenaꞌo iristo tuniiree hajjemmonoyich immemmo taane.

Hiziqeeli 13:19

Ittoshi kootoon waayaabeeti ta asheenaꞌoyich koottiibee, qita bedaani kasheen wuxoona, woda bedaani kasheenoo wodiyoona ikke ushi sheqoonaa ikke tiishi koshonoyicha iꞌi ta shigoon eeꞌiito ittoshine.

Hosee'i 4:8

Ta asheenaꞌochi axaaxoo boonoshich maayo bi tunetoyich, axaaxoon meechiree boonoshi shuunemmoyich qaawiyeete.

Mikiyaasi 3:11

Ebi katemee ukkireenaꞌo nalliibeeto xuccoon mamonane; qeesheenaꞌo gijjoon deꞌaanoon dojjaacheete; keemechinaꞌo boonoshi keemmiibeeto gijjoonane. Ebin tuniibee, “Doono Yeeri noonna tookkii beetaache? Gonde mooyo amolla no toommooch shagaachemmone” iibee Doono Yeerin gibeneheete.

Milikiyaasi 1:10

“Ta deejjee gudooch duube qaaqqoon ittoshi shoohaachemmoyich yaafee kechi shaaqqoon hiccemmi asho ittoshi daggoocheenoo daneba! Ittoshina emiraano taane; deejjoonoo ittoshi kishoochee deꞌaachemmo taane” iye Beshe Mawe Doono Yeeri.

Haddoo 22:7

Ebich Moꞌabee showee geeneenaꞌonaa Miidiyamee showee geeneenaꞌona ufoyich qocceyemmi gijjoon boonoshi kishooch yechiꞌi hammiyeete. Balaam waan waaꞌi Balaaqi wocheton gettiyeete.

Yowannisi 8:43

Ta gettaa beeton amoyich shalligaachote? Ta qaaroon waayo ittoshi mawiitoyichiye.

Mishiraachechinaꞌo 20:29

Hiniichee ta hammetoyee gubb, bageenaꞌoyich ariqqeyaachemmi gonde okereenaꞌo ittoshi daggooch boonoshi giyemmon ariibeeto taane.

Mishiraachechinaꞌo 20:33

Ta konichi birewoon woyee aachoon woyee tahoon qaataano taane;

2 Qorontoosi 4:4

Hini alemoon hajjiibeeti gonde nuggishoo Kiristoosi toommooch mulloon tooꞌiyaaneenaꞌo Yeerichi shaahoo tuneti Kiristoosichi oogee yiiree mishiraachee qaaree bekkoon boonoshi beegaachemmoyich, boonoshi gaboon wolliihe.

Filipphisiyoosi 3:19

Boonoshi ciiro aallooch hamone; boonoshi meechi qaatoo boonoshich nuggishoone; yeelliibeeti mooyo boonoshich oogoone; boonoshi gaboo showee toommeexi mooyoyich baachiye.

Filipphisiyoosi 3:2

Kunaaneenaꞌo waanee ittoshi qelloon quyebote; gondoon shuunee beetinaꞌo waanee, dokireebote iꞌi ittoshin xuqqii beetinaꞌo waaneenoo ittoshi qelloon quyebote.

1 Ximootiyoosi 3:3

masheyaano, damoo gufeyaano, shiimecho, hayeyaano (nabeyaano), gijjoyich dakaano,

1 Ximootiyoosi 3:8

Ebiyoommon wotta daaquuneenaꞌo asho bulli oogii beetinaꞌo, heciyoon shaddaaneenaꞌo, wodde woyinee uyoon wotaaneenaꞌo, gijjoyich dakaaneenaꞌo,

Titoosi 1:11

Eboshi cikki qajjemmoyich tuniyoo qaawiihee; ebiyoo yeelliibeeti gaboona gaacoon danoyich tuneyaani mooyon ashich dojjiibee kechi asheenaꞌo bullin boonoshi shuurikkii beetoyichiye.

Titoosi 1:7

Hini are kittinnee guuphon yaabii qeejjiibeeti geeno Yeerichi shuunoon kaachi bi shuunemmoyich, gonde mooyona oonneyaano, geecaano, kaatee kaareyaano, masheyaano, damoo gufeyaano, gijjoon hiriggaano tunebe.

1 Pheexiroosi 5:2

Asho bi bagoon bi quyoommon, ittoshi waan beeti Yeerichi asheenaꞌon quyebote. Asho ittoshin shuunebote iꞌi iritiitoyich tuneyaanoon, Yeeri daaggitoommon ittoshi mulloochee tiijji shuniree shuunebote. Gaacoon danoyich hiriggoona tuneyaanoon, deꞌe ittoshi daaggoona quyebote.

2 Pheexiroosi 2:3

Gijjoon boonoshi hiriggoochee tiyitona boonoshi halliti mooyon getibee ittoshin boggemminaꞌone; wonnee tiijjiꞌi Yeerichi nalloo boonoshi toommooch kindiya qannitone; boonoshi aallo yagaachemmone.

Yihudi 1:11

Boonoshich woowo! Qayeeli tuniitoommon tuniitinaꞌone; gijjoon danoyicha iꞌi Balaami shuuneti muricooch boonoshi qelloon beshiiꞌi immitinaꞌone; Qoraahi hukkoon bi shuunoommon hukkoon shuunetinaꞌone; bi aalloommon aallemminaꞌone.

Yihudi 1:16

Eboshi guuqqii guruuxii beetinaꞌone; boonoshi hajjee qaatoon dabbii beetinaꞌone; geeciibee boonoshi qellichon yibbaatee beetinaꞌone; ashi waanee gaacoon daneya, ashoon naadii beetinaꞌone.

Yaaꞌoo 22:15

Kunaaneenaꞌo, kaayechinaꞌo, shunimaayeenaꞌo, ashoon wuxii beetinaꞌo, shahalloyich goyinnee beetinaꞌo, kootee kooton shunnii beetinaꞌonaa kootee kooton doyitinaꞌo bullinoyich hini are katemeech gimo ciroona daaggeyaache.

Woraaferasheenaꞌo 18:20

Ebi mooyo qeeshoon oogichii emirikkiye. Biyoo efoodoon, terafimeenaꞌonaa qiicaa shuuneeti shahalloonon yechiꞌi, boonoshina tookkii hammiye.

1 Saameeli 2:29

Ishigaata, ta beeyi kexooch bi giddemmoyich ta getteti deejjoonaa buuroonon ittoshi qallayiibeeto amoyichiye? Ta asheenaꞌo tuneti Israꞌeeleenaꞌo giddiibeeti deejjoochee gaawi gaaweton maabee ittoshin aangiyoona tayee beshoon ne bushiisheenaꞌon ne oogiyaabeeto, amoyichiye?