Isiyaasi 56:1 - Kafa Linguistics Project

¹ Doono Yeeri ishichiye: “Ittoshin ta shiwe wodiyemmi aabo katinnito bi tunetoyich, dayinnetoon quyebote; tate mooyon tuniibote.

Isiyaasi 56:1 ပူးပေါင်းရင်းမြစ်များ

Shoddo 106:3

Dayinneto dabaachemmoyich quyee beetinaꞌo, cadiqoon bulli aabooch tunii beetinaꞌo, diireetinaꞌone.

Shoddo 50:23

Galletee deejjoon deejjiibeeto taan oogiihe; bi gommon kaachii beetoyich, ta wodiyoon bekkiyemmo taane” iye.

Shoddo 85:9

Iberoochaa bi wodiyoo biin shattii beetinaꞌoyich katinoone; ebich bi oogee yiiroo no showooch ceennemmone.

Isiyaasi 33:5

Doono Yeeri bulliyee beshoone; bi beeto damba shimaayoochiye. Biyoo Yerusaalemin dayinnetoona, cadiqoonoo ceechemmone.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 51:5

Ta cadiqoo kaate shaggemmone; ta wodiyoo kechemmone; ta mochoona aageteenaꞌon hajjemmo taane; baharee gasheexi buure showeenaꞌo taan gibene quyemminaꞌone; ta mochoonoo gibenemminaꞌone.

Isiyaasi 55:7

Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Isiyaasi 64:5

Ne gommon gabii beetinaꞌon, emiroona tate mooyon tunii beetinaꞌonoo gaachaabeeto neene; tunebaani no axaaxoon shuunoon kuxaache iyone; newoo ebich noon kaarehine; ishigaata no wodemmo aabichireeshiye?

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Hosee'i 12:7

Doono Yeeri ishichiye: “Israꞌeeleenaꞌo koote machoona qocciibeeti Kanaanee asheenaꞌon shaahitinaꞌone. Tuushiyoonoo shunniyeete.

Mikiyaasi 6:8

Ashoocho, Doono Yeeri gaaweto tuneti mooyon gettitone! Doono Yeeri ne waanee bi qaawiibeeto, dayinnetoon ne dabiyaachemmoyich, shoodecho ne tunemmoyich, ne qelloon giishiiree ne Nuggishoona tookki ne beeyemmoyichiye.

Mikiyaasi 7:9

Doono Yeerin xuqqeto taane; ta mooyon bi taggemmi wottoon, nalloon taach bi kichimmi wottoonoo Doono Yeeri kaaroon haaꞌiyemmo taane. Biyoo bekkooch taan kichemmone; bi wodiyoonoo beeggemmo taane.

Milikiyaasi 4:4

Beshe Mawe Doono Yeeri ishichiye: “Israꞌeeleenaꞌo bullich bi tunemmoyich, Siini guudoochaa ta guuno Muusich ta immeti sheereenaꞌon, qociyeenaꞌonaa doyeenaꞌonon gabibote.

Maatiyoosi 4:17

Aroobee yemeenoochee tiijjiꞌi Yesuusi “Shimaajji taatittinee ittoshi kellooch shaggetine; ebich axaaxee gommoochee Yeer waan wottebote” iibee getooch giyiye.

Yowannisi 7:17

Koniyoona Yeeri shunniton tuniyoyich bi qaawigaata, aroo hini ta doyoo Yeer waanee bi tunoon woyee ta, ta qelloona ta geton ariyemmone.

Roomi 1:17

Ebiyoo mishiraachee qaaroona Yeer waanee daneebeeti cadiqoo bi bekkee beetoyichiye; ebi cadiqoo bi bekkeebeeto, shiichoochee ciirooch beddaahaa Kiristoosi toommooch mulloon tooꞌiyoonane. Ebiyoo “Yeeri toommooch mulloon tooꞌiyoona cadiqito kashecho tuneree beeyemmone” getaa bi kooreetoommoniye.