Isiyaasi 55:3 - Kafa Linguistics Project

³ Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.

Isiyaasi 55:3 ပူးပေါင်းရင်းမြစ်များ

Halloo 17:7

Neennaa neyee gubbi ne shiijjereenaꞌonoyich Nuggishoo ta tunemmoyich, neennaa taanna daggooch, gubbi ne shiijjereenaꞌo bullinaa taanna daggoochoo, bulli yemeenee wogoon giyemmo taane.

Halloo 49:10

Taatittinee gumbo biicho tuneto waammi wottoon, aageteenaꞌon hajjemmo waammi wottoon, taatittinee gumbo Yihudichi kishoochee keyaachemmone; taatittinee gumboon bi shiijjereenaꞌo yeshiree taatemminaꞌone.

2 Saameeli 23:5

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.

2 Saameeli 7:29

Ebich and, ne aafooch bulli yemeenoon manjiree bi beeyemmoyich, ne guuno ta shiijjeroon diiribe. Nuggishoo Doono Yeero, ebin ne, ne qelloona gibenikkito neene. Ne diiroo bulli yemeenoon ta kechi asheenaꞌo toommooch tunemmone” iye.

2 Kiinoo 6:42

Nuggishoo Doono Yeero, ne huutteton qajjaahine; ne guuno Daawitich am shaahe shoodecho ne gaata, batteyaahine” iye.

Shoddo 119:112

Ne geteenaꞌon bulli yemeenoon quyoyich, ciirooch beddaahaa maacceto taane.

Shoddo 119:175

Neen ta galletemmoyich kashoona beebona; ne qociyoo taan gaachebe.

Shoddo 78:1

Ta asheenaꞌote, ta dojjoon ellebote; ta noonoochee kechiibeeti qaaroon waayebote.

Shoddo 89:28

Ta shoodoon bulli yemeenoon biich tuniyemmo taane; biinna tookkaa ta giyeti wogo manji beeyemmone.

Shoddo 89:29

Bi shiijjeroon bulli yemeenoon, bi taatee qeenonoo shimaayoo manjiꞌi beemoommon, manjiyemmo taane.

Keyo 15:26

Ishichiinoo iye: “Ittoshi Nuggishoo Doono Yeeri ta, ta qaaroon manjiiꞌi ittoshi waayegaata, ta aafooch tate mooyon ittoshi tuniigaata, ta getoon deꞌa iꞌi ta qociyoo bullin ittoshi quyegaatoo, Gibitseenaꞌo toommooch ta deebeti amee biiyoonolla ittoshi toommooch deebaachemmo taane. Ta ittoshin wodiyechi Doono Yeeri taane” iye.

Shaahiyoo 4:20

Ta bushoocho, ta yibbaatoon gaawichi ellebe; ta qaaro waanoo ne waamon gaꞌiibe.

Shaahiyoo 7:2

Ta geteenaꞌon quyeree kashoona beebe; ta sheeroonoo ne aafee aachoochoommon quyebe.

Isiyaasi 51:4

“Ta asheenaꞌote, ellebote; ta aageteenaꞌote, waayebote: Sheeroo ta waanee kechii beetone; ta dayinnetoo asheenaꞌoyich bekko tunemmone.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 54:8

Oogichii kaaroona giisheche aaboon, ne waanee ta aafoon bara wochito taane; tunebaani bulli yemeenee shunoona neech ariqqemmo taane” iye neen Biishechi Doono Yeeri.

Isiyaasi 61:8

“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.

Erimiyaasi 30:9

Tunebaani boonoshi Nuggishoo Doono Yeerinaa boonoshich ta tiijjiti boonoshi taatoo Daawitinoyich maddemminaꞌone.

Erimiyaasi 32:40

Gaawe mooyon boonoshich tuniyoochee gubb wottee qayoyich, boonoshina tookki bulli yemeenee wogoon giyemmo taane; ta waanee bara boonoshi wotteyaachemmoyich, taan shaton boonoshi mullooch kotiyemmo taane.

Erimiyaasi 33:26

Yaaqobichi yareenaꞌonaa ta guuno Daawitichi yaroonon qajjesho taane; boonoshi bushiisheenaꞌoocheenoo Abrahamichi, Yisaaqichi, Yaaqobichi yareenaꞌo toommooch bi taatemmoyich kaacaachesho taane. Tunebaani boonoshi kecoon ta wochemmo, boonoshich ariqqemmo ta tunetoyichiye” iye.

Erimiyaasi 38:20

Erimiyaasi ishichiye: “Boonoshich beshiitaa icheyaachemmo neene; neech ta gettemmi Doono Yeerichi qaaroyich deꞌa gete; neech diggoo tunemmone; ne kasho muriccemmone.

Erimiyaasi 50:5

Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.

Hiziqeeli 16:60

Tunebaani ne bushittinooba neenna tookkii ta giyeti wogoon shalligemmo taane; neenna tookki bulli yemeenee wogoon manjiyemmo taane.

Hiziqeeli 34:24

Doono Yeeri ta, boonoshi Nuggishoo tunemmo taane; ta guuno Daawitiyoo boonoshi daggooch iraashoon tunemmone; Doono Yeeri ta, ebin getteto taane.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Leweenaꞌo 18:5

Asho eboshin tuniiree kashoona bi beeyemmoyich, ta dojjiti doyoonaa ta qociiti qociyoonon quyebote. Ta, Doono Yeeri taane.

Amootsi 5:4

Doono Yeeri Israꞌeeleenaꞌoyich ishichiye: “Ta waan wottebote; kashoona beeyemmo ittoshine.

Amootsi 5:6

Doono Yeer waan wottebote; kashoona beeyemmo ittoshine; ebi tuno qayigaata, Doono Yeeri qaaqqoo aaxxoommon aaxxeree Israꞌeeleenaꞌo toommooch kindemmone; Beeteeli asheenaꞌonoo michi aalliyemmone; ebi qaaqqoon koniyoona takkaachemmone.

Maatiyoosi 11:28

“Hini maraatetinaꞌonaa shaago maggetinaꞌonote, ta waan wobote; tawoo ittoshin kashiyemmo taane.

Maatiyoosi 13:16

“Tunetaa ittoshi aafo ciinnii bi beetoyich, ittoshi waamoo waayee bi beetoyich, diireeto ittoshine.

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Yowannisi 10:27

Ta bageenaꞌo ta qaaroon waayee beetinaꞌone; tawoo boonoshin ariibeeto taane; boonoshiyoo taan dabbii beetinaꞌone.

Yowannisi 6:37

Shimaayoochee ta kindito, taan wocheti Yeerichi daaggoon tuniyoyichalli, ta daaggoon tuniyoyich toonoone. Ebich ta Nihoo Yeeri taach immito bulli ta waan woyemmone; ta waan waammo bullin cir maaxooch kichi dufaachemmo taane.

Yowannisi 7:37

Baaree ciiroochee qaabbe aabooba Yesuusi neexee bi qaaroon oogichiꞌi, “Koniyoona shacheweto bi beegaata, ta waan waaree uye.

Yowannisi 8:47

Yeericho tuneto, Yeerichi qaaroon waayehe; tunebaani Yeericho ittoshi tuno qajjitoyich, bi qaaroon waayeyaachote” iye.

Mishiraachechinaꞌo 13:34

Yeeri qitoochee bi tiijjito, guttinnoon qitiree bi ashittino oꞌaachemmoyichiye. Ebich Yeeri ‘ “Yaafeeti wojjoon neech immemmo taane” iyaꞌa Daawitich gibenikkito taane; hini are gibenoon iberoon ittoshich ceechemmo taane’ itone.

Roomi 10:5

Sheeree gommoona daneebeeti cadiqeechon Muusi ishichiꞌi kooritone: “Sheeroo gettii beeton ceechiibeeti asho ebi sheeroona kashoon danemmone” itone.

Hibireena'o 13:20

Ufeti bi damoona bulli yemeenee wogoon manjiiti, bi bageenaꞌochi ooge Qiddoo tuneti no Doono Yesuusin qitoochee tiijjiti Diggee Nuggishoo,