Isiyaasi 55:13 - Kafa Linguistics Project

¹³ Angichi keroon ciidee mixo, guccini keroon hadaasee mixo, collemmone; ebiyoo Doono Yeeri ta shalligeyemmo tunemmone; bulli aabooch aalleyaani malletoo tunemmone” iye.

Isiyaasi 55:13 ပူးပေါင်းရင်းမြစ်များ

Shoddo 96:12

Gaddoonaa bi toommooch beeto bullina emiribe; kubbooch beeti mixinaꞌo bulli emiroona Doono Yeerich shoddebeete. Waa beetone; showee toommooch nalliya waa beetone; showee toommooch cadiqittinoona, macceenaꞌo toommooch iberittinoona, nallemmone.

Isiyaasi 19:20

Ebiyoo Gibitsee showooch Beshe Mawe Doono Yeerich malletoonaa miixoona tunemmone; asheenaꞌo boonoshin xuuxii beetinaꞌochi naboona Doono Yeer waan boonoshi cookaa, wodiyechonaa gaachoonon boonoshich deejjemmone; biyoo boonoshin wodiyemmone.

Isiyaasi 32:13

Angixonaa guccinona ta asheenaꞌo showooch colletone; asheenaꞌo emiroona beebee echeti kexinaꞌonaa emiroona beebee echeti ebi katemoonoyich eefote.

Isiyaasi 35:1

Barahoonaa shuuꞌi showoona emiremminaꞌone; barahoo emiriree, aadillee bungoommon bungemmone.

Isiyaasi 35:2

Barahoo woddii bungemmone; emiroona, shoddoonoo wucwuccemmone; Libanoosi oogo, Qermeloosinaa Shaarooninochi oogo biich ichemmone. Doono Yeerichi oogoon, no Nuggishoochi oogee yiiroon beeggemmone.

Isiyaasi 41:19

Shuuꞌi showooch, yigee mixo, geellee mixo, hadaasee mixonaa zayitee mixona, barahooch, ciido, naddee mixonaa yahoona, ceenniti kubboon colliyemmo taane.

Isiyaasi 43:21

Ta qellich ta halliti asheenaꞌo, taan gallete shoddemminaꞌone” iye.

Isiyaasi 5:6

Shokkoon echiyemmo taane; qepheyaachemmone; showoo ucheyaachemmone; guccinonaa angixona collemmone; amiyo dihaachemmoyich qubeenaꞌoyich gettemmo taane.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 56:5

ta kexonaa ta uxeree daggoonoochee anaami bushiishoonaa maache bushiishoonoyee beshe shalligeyoonaa shigoonon boonoshich immemmo taane; bulli aabooch batteyaani shigoon boonoshich immemmo taane” iye.

Isiyaasi 60:13

“Ta yaafee kechi xaaꞌoon macecikkoyich, Libanoosichi oogee yiiroo tuneti yigoo, naddee mixonaa ciidoona, ne waan woyemmone; ta baatoo neexxiti xaaꞌoon oogiyemmo taane.

Isiyaasi 60:17

Tawoo gooshee keroon aachoon, xuuree keroon birewoon, michi keroon gooshoon, xaqqee keroon xuuroon, deebemmo taane. Diggoon ne ukkiroo, cadiqoonoo ne iraashoo, tuniyemmo taane.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 63:12

Ooge bi mochoon Muusichi qanne kishee toommooch tuniito, bi shigo bulli yemeenoon bi arichemmoyich baharoon boonoshi aafooch qoodito,

Isiyaasi 63:14

Mocoo maaya bambooch kindiibeeti miimo tooꞌoommon Doono Yeerichi Ayaano boonoshin tooꞌiihe; bi shigoon oogiyoyicha iꞌi bi asheenaꞌon yaabiye.

Isiyaasi 7:11

“Desh oppee hoonoochee woyee damba shimaayoochee malletoon ne Nuggishoo Doono Yeeri taan echebe” iye.

Isiyaasi 7:19

Boonoshiyoo waaree baraheexi bambooch, xaqqee gogginooch, angichi tushoo bulliich, miinji gaddo bulliichoo buundemminaꞌone.

Isiyaasi 7:24

Showoo bullin guccinonaa angixona bulletoyich, asho cooxon wuxoyich, maꞌoonaa shangoonon yeshiree arooch hammemmone.

Erimiyaasi 33:9

Yerusaalemi, biich ta tuniyemmi gaawe mooyo bullin waayemmi, showee toommeexi aageteenaꞌo bulli aafooch, taach oogee yiiroon, galletoonaa oogoonon tunemmine; ebi are aageteenaꞌo biich ta qanniiti gaawe mooyo bullinaa diggoo bullinochi naboona shattemminaꞌone, qeweshoo gettemminaꞌone” iye.

Erimiyaasi 50:5

Boonoshi aafoon Tsiyoon waan wochiichi ‘Ittoshi waataa ciroona batteyaani bulli aabee wogoona Doono Yeerina tookki ikkottebone’ getiree Tsiyooni katemooch daammiibeeti gommon echemminaꞌone.

Hiziqeeli 28:24

Doono Yeeri ishichiye: “Ebiyee bekk biin hoxeti bi giyeenaꞌo bulli daggooch Israꞌeelich shooddiibeeti guccinonaa biijjiibeeti angixonon tunemmo daneyaachemmone; ebina ta, Nuggishoo Doono Yeeri ta tunoon ariyemminaꞌone” iye.

Mikiyaasi 7:4

Boonoshi daggoochee gaaweto getteeto guccinoommone; beshe deꞌo getteetoo angichi tushoommone. Quyechinaꞌo tuneti keemechinaꞌona boonoshich bi gettitoommon Yeeri ebi asheenaꞌon bi naxemmi aabo shaggitone. Andolla shaammii beetinaꞌone.

Zakaariyaasi 1:8

“Ikke asho ceelle hareshoon yebbeꞌi bi beetaa xumi yaaꞌoon beeggeho. Biyoo bambooch, hadaasee michi daggooch neexeꞌiniye bi beeto. Bi gubb ceelle hareshoo, daashe hareshoonaa nacce hareshoona beetone.

Luqaasi 2:14

“Shimaajji shimaayooch beeti Yeerich oogee yiiroo tunebe! Showoochoo Yeeri boonoshina emiriti asheenaꞌoyich diggoo tunebe” iyeete.

Yowannisi 15:8

Wodde aafoon ittoshi aafegaata, ta dabboonoo ittoshi tunegaata, ebina ta Nihoo oogemmone.

Roomi 6:19

Asho ittoshi tunoonaa ittoshi shalligee shappee naboona ashi doyee yibbaatoommon gettoye. Wonna ittoshi ashittinee quumeenaꞌo hukkoon boonoshi shuunemmoyich eeꞌoonaa hukkoonoyich guunon tuniiꞌi ittoshi giddiitoommon, ebiyoommon and ittoshi ashittinee quumeenaꞌo Yeerich yaafeetinaꞌo boonoshi tunetoyich, cadiqoyich hajjeebeeti guunon tuniiree giddiibote.

2 Qorontoosi 5:17

Ebich asho koniyoona Kiristoosicho bi tunegaata, andire halloone; wonnee mooyo beshetone; andire halloonoo tunetone.

1 Pheexiroosi 4:11

Yesuus Kiristoos waanaa mooyo bullina Yeeri oogemmoyich, Yeerichi qaaroon gettiibeeti asho koniyoona bi tunegaata, Yeerichi qaaroon bi gettemmoyich wocheeti ashoochoommon gete; maddeebeeto bi tunegaata, “Yeeri taach immiibeeti giidoonane ta maddaabeeto” getiree maddebe; oogee yiiroonaa giidoona bulli yemeenoon Yeerich tunebe. Ameena.