Isiyaasi 55:1 - Kafa Linguistics Project

¹ “Shachewetinaꞌote, ittoshi bulli aacooch wobote; ittoshi kememmi gijjaalleenaꞌote, waaree keme mamote. Woyinoonaa ejjoonon gijjaalloon, gatiyaalloon kemebote.

Isiyaasi 55:1 ပူးပေါင်းရင်းမြစ်များ

Shoddo 143:6

Ta kishoon ne waan yaggiyoye; shuuꞌi showoo amiyon qaatoommon ta kashe neen qaatiyane.

Shoddo 63:1

Yeero, ne ta Nuggishoo neene; neen oogichaꞌa qaawaabeeto taane; aachaalli shuuꞌi showoochaa, ta kashe neen qaatiyane; ta meenoo neen sharaatehe.

Shaahiyoo 8:4

“Asheenaꞌote, ittoshin ceeggaabeeti taane; ashi bushiisheenaꞌo waanoo cookaabeeti taane.

Shaahiyoo 9:1

Shalligee shabaatte giimboon xaraa qanniyaꞌa bi kexon haggahan.

Shaahiyoo 9:5

“Waaree ta maayoon mamote; ta duucheti woyinee uyoonoo uyote.

Solomooni 1:2

Ne shunoo woyinee uyoyee beshoone; wochi wochi taan shumbe.

Solomooni 1:4

Taan yaabi daambe; tookki wocone; taatoo bi gatooch taan deebiye. Nowoo tookki emiribone; emiroonoo wucwucone; ne shunoo woyinee uyoyee beshoon emirikkii beetone; ebich neen gennoo shuno tatoone.

Solomooni 5:1

Ta manee ta woꞌeene, ta budooch waato taane; ta hareboonaa ta qimaamoonon macito taane; ta eeyon bi neechoona maato taane; ta woyinee uyoonaa ejjoonon ucheto taane. Nuucheenaꞌote, maa uyote; shunechinaꞌote, ittoshi michimmi wottoon uyote.

Isiyaasi 1:19

Deꞌa iꞌi ta getoon ittoshi waayegaata, showoochee daneebeeti gaawe maayoon maayemmo ittoshine;

Isiyaasi 44:3

Shacheweti showooch aacon, woniyemmo taane; shuuqqiti showoochoo aachi xuuphoon kichemmo taane; ta Ayaanoon ne shiijjereenaꞌo toommooch, ta diiroonoo ne yareenaꞌo toommooch, ukkemmo taane.

Isiyaasi 52:3

Doono Yeeri ishichiye: “Duuboon kecheto ittoshine; gatiyoo qocaanoon biisheyemmo ittoshine” iye.

Shoosho 5:4

No uchaabeeti aacoyich gijjoon qoccehone; mixo no danaabeeto kemaꞌaniye.

Hiziqeeli 47:1

Are uro, yaafee kechi kello waan taan wochii deebiye; aacoo yaafee kechi kelloochee aabi-keyo waan woccii beehe; ebiyoo yaafee kexo aabi-keyo waan wotteto bi tunetoyichiye; ebi aacoo deshi-waan beeti yaafee kechi kellee shagee dechiichee kechiꞌi, deejjee gudoyee deshi-waanina woccii beehe.

Hiziqeeli 47:9

Aaco hammiibeeti xaaꞌoo bulliich shuuriibeeti kashechi halloo bulli beeyemmone; meeti haasheenaꞌo arooch beeyemminaꞌone; ebi aaco aroona hammitoyich bahareexi aacinaꞌo xallemminaꞌone; ebi aaco hammito bulliich kashechi mooyo beeyemmone.

Hosee'i 14:4

Doono Yeeri ishichiye: “Ta kaaro boonoshi waanee bi wottetoyich, ta asheenaꞌon ta waan wochemmo taane; cikkishoo boonoshin shunnemmo taane.

Yoꞌeeli 3:18

Ebiyooba, guudinaꞌooch woyinee qomboo ceennemmone; geppeenaꞌoochoo shaappeebeeti miiminaꞌo gasheyemminaꞌone. Yihudee showooch beeti bamboo bulliich aaco ceennemmone; Doono Yeerichi yaafee kexoochee, aaco xuupphemmone; Shixiimi bamboonoo uchemmone.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Zakaariyaasi 2:6

Doono Yeeri ishichiye: “Showee awudde kelloona ittoshin shacceto taane; tunebaani and dambi-waani showoochee tibote.

Zakaariyaasi 9:15

Beshe Mawe Doono Yeeri boonoshin quyemmone. Boonoshi etteenaꞌonoo aalliyemminaꞌone. Etteenaꞌochi xeppellee xaqqoon neexxemminaꞌone; woyinee uyoon uchii masheti ashichoommon cookemminaꞌone. Boonoshi etteenaꞌochi damoo, deejjee damoo saanooch ceenniꞌi ufoommon ufemmone.

Maatiyoosi 10:8

Biiyetinaꞌon wodiibote; qititinaꞌon tiijjibote; qeddee shaddee biiyechinaꞌon wodiibote; yinnoon asheenaꞌo toommoochee yoohote. Gatiyaalloon Yeer waanee deqqito ittoshine; ebich ittoshiyoo gatiyaalloon asheenaꞌoyich imbote.

Maatiyoosi 13:44

“Wotta shimaajji taatittine ebiyoommine: Ikke uro goyee daggooch aacheeti aaxxe qiicoon danehe. Daneꞌi arooch wochii aachiye. Oogeton emiriibee hammii biich beeto bullin kemmiꞌi are goyoon kemehe.

Maatiyoosi 26:29

Andoo ittoshich gettoye: Ta Nihoochi taatittineechaa ittoshina tookki hini woyinee aafoochee andiroon ta uchemmi aabee wottoon hini woyinee uyoochee guttinnoon uyaachemmo taane” iye.

Maatiyoosi 5:6

Yeeri aafooch cadiqoon tunoyich, oogichii qaatii beetinaꞌo diireetinaꞌone; Yeeri boonoshi qaatiton ceechemmone.

Mishiraachechinaꞌo 8:20

Arooba Pheexiroosi tiyiꞌi ishichiye: “ ‘Yeerichi wojjoon gijjoona danebona’ iyaꞌa ne gabitoyich ne gijjoo neenna tookkiree aallebe!

Roomi 3:24

Yeeriyoo axaaxoochee biisheebeeti Kiristoos Yesuusina, baad cikki bi wojjoona boonoshin cadiqiyemmone.

1 Qorontoosi 3:2

Ebiyee aaf ejjoonalli ittoshich ta uchito, kupphe maayoon maanjaano taane. Ebiyoo gaggeroo tuneꞌi hakkoo ittoshi qajjitoyichiye; and beddaahaanona meechi qaatoyich ittoshi hajjee beetoyich, kupphe maayoon hakkaano ittoshine. Qanaatoonaa kaaroona ittoshi daggooch bi beemo, meechi qaatoyich ittoshi hajjeyoo toone? Wotta ittoshi qoco hini showeexi ashi qocoon shaahiibeeto toone?

1 Pheexiroosi 2:2

Wodooch ittoshi diccemmoyich, and shiijjeti gaggere bushiisheenaꞌo ejjoon qaatoommon, ittoshi wotta xalloo tuneti Yeerichi qaaree ejjoon qaatibote.

Yaaꞌoo 21:6

Wotta taach ishichiye: “Illa mooyo bulli ceennitone. Alfoonaa Oomeegoona, Shiichoonaa Tacona taane; shachewetoyich kashee aachi xuuphoochee baad cikki immemmo taane.

Yaaꞌoo 22:1

Ebi are maraakoo Yeerinaa Bagoonochi taatee qeenoochee kechii, are katemee daggeexi ooge gommi gutte daggoona ufeebeeti, biriloochoommon wacciibeeti kashee aacon taach bekkiihe. Aachi okkinaa hachinooch agen agenoona aafeebee, natooch aaraa gutte wottoon aafeebeeti kashee mixo beehe; hini are michi waamo aageteenaꞌon wodiyoyich gaacciibeeti attoone.

Yaaꞌoo 22:17

Yaafe Ayaanoonaa Bagoochi woꞌeena “Wobe!” ii beetinaꞌone. Ishin waayeebeeto bulli “Wobe!” gete. Shacheweto bulli wobe; qaawiibeeto bulliyoo kashoon immiibeeti aacon baad cikki daambe.

Yaaꞌoo 3:18

Ebich gaannecho ne tunemmoyich, qaaqqoona wociitaa shuuneeti aachoon, shokkaachoo tuneree ne yeelleyaachemmoyich ne tahemmi nacce tahoon, ne aafo ciinnemmoyich ne huutemmi attoon ta waanee ne kememmoyich neen ciiccaabeeto taane.

Ruuti 4:1

Boꞌaazi katemee uxeree kellooch beeti, asheenaꞌo kiceebeeti iitee xaaꞌooch hammii kotehe. Biyoo Ruutich “Tayee beshoon katini xiboo beetone” bi iti uro beshee beetaa beeggiꞌi, “Ta manoocho, hiniich waaree kotebe” iye. Uroo waa kotehe.