Isiyaasi 54:7 - Kafa Linguistics Project

⁷ “Giisheche aaboon neen duppeto taane; tunebaani oogeti ariqqoona neen wochi deebemmo taane.

Isiyaasi 54:7 ပူးပေါင်းရင်းမြစ်များ

Shoddo 106:47

No Nuggishoo Doono Yeero, noon wodiibe; ne shigoyich galletoon no giddiyemmoyich, yaafe ne shigoon no galletemmoyich, aageteenaꞌo daggoochee noon wochi deebe.

Shoddo 30:5

Bi kaareebeeto giisheche aabooniye; tunebaani bi ariqqo kashee yemeeneechone; xum eefo waataa, maadda emiroo tunemmone.

Shoddo 30:6

Mooyo taach bi mashaamiyooba “Ciroona shuuraachemmo taane” iyoye.

Isiyaasi 11:11

Arooba Doono wochinnoon bi kishoon yaggiree, curo tunee echeti bi asheenaꞌon Asooree showoochee, Gibitsee showoochee, Phaxiroosee showoochee, Topphiyee showoochee, Elaamee showoochee, Baabloonee showoochee, Hamaatee showoochee, baharee gashoonaa buure showoonoochee kicemmone.

Isiyaasi 11:12

Aageteenaꞌoyich malletoon neechemmone; Israꞌeeleenaꞌoochee duppetinaꞌon kicemmone; Yihudee asheenaꞌoocheenoo shacetinaꞌon showee awudde kelloochee kicemmone.

Isiyaasi 12:1

Arooba ishichemmo neene: “Doono Yeero, neen galletehoye; taan ne kaaretaanona, and ne kaaroochee wotteto neene; taanoo goggiito neene.

Isiyaasi 14:1

Doono Yeeri Yaaqobich ariqqemmone; Israꞌeelinoo wochinnoon kaaccemmone; boonoshi hajjee showooch boonoshi beeyemmoyich tuniyemmone. Shiqqeenaꞌo boonoshi waan waaree, Yaaqobichi yareenaꞌona tookki ikkottemminaꞌone.

Isiyaasi 26:20

Ta asheenaꞌote, wobote; ittoshi kexi kexooch giyiichi ittoshi toommooch shaaqqoon hicote; Yeeri kaaro beshemmi wottoon, giisheche aaboon ittoshi qelloon aachibote.

Isiyaasi 27:12

Arooba, goyecho teepphoon kalloochee bi bariiyoommon, Doono Yeeri Efiraaxisi aacoochee tiijjii Gibitsee showee danooch beddaahaa beeti bi asheenaꞌo tuneti Israꞌeeleenaꞌon boonoshi ikkikkoona kicemmone.

Isiyaasi 27:8

Yeeri bi asheenaꞌon kecaa boonoshi hammemmoyich tuniyoona naxehe; aabi-keyo waanee giidechi yubee yongoochoommon boonoshin yookkiye.

Isiyaasi 40:11

Qiddoochoommon bi bageenaꞌon quyemmone; bagee bushiishoon ikkooch kicemmone; bi sheenooch tiqqeree daammemmone; bagee indeenaꞌonoo ariqqoona yaabemmone.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 49:21

Aroochee newoo ne mulloona ishichemmi neene: ‘Eboshin konine taach shiyito? Muusheneti, xaafee tuneti, kecceti, yookketi taane; eboshin konine dichito? Ta ikkeeti baach echeti taane; ishigaata eboshi amoochee waaheete?’ gettemmi neene” iye.

Isiyaasi 50:1

Doono Yeeri ishichiye: “Ittoshi indeen ta yookketi gawukkee koorichoo aaye? Erettiyechinaꞌo daggoochee ittoshin ta kemmeto konichiye? Ebiyoche, ittoshi axaaxoona kecheto ittoshine; ittoshi xuꞌoona ittoshi indee yookketine.

Isiyaasi 56:8

Shaceti Israꞌeeleenaꞌon kiciibeeti Nuggishoo Doono Yeeri ishichiye: “Kiceetinaꞌoyee bareenaꞌon ittoshi waan kicemmo taane” iye.

Isiyaasi 60:10

“Dallaaweenaꞌo ne uxeroon wochi uxeremminaꞌone; boonoshi taateenaꞌo neech maddemminaꞌone. Ta kaaroona neen yexxeto taane; tunebaani and neech ariqqemmo taane.

Isiyaasi 60:4

“Ne aafoon kaachiree, ne guudoona ciine; eboshi bulli ikkittinoona kiceeree ne waan woyemminaꞌone; ne anaami bushiisheenaꞌo wohoochee woyemminaꞌone; ne maache bushiisheenaꞌo tiqqetaa woyemminaꞌone.

Isiyaasi 62:4

Illa ebiyee bekk Duppeti getaa ceekkeyaachemmi neene; ne showoo Shokkaachoo Echeto getteyaachemmone; tunebaani Ta Emiroo Arooch Beeti getteyemmi neene; ne showee kenechi tunemmine; Doono Yeeri neenna bi emiritoyich, ne showeyoo Kenechi getteyemmine.

Isiyaasi 63:7

Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.

Isiyaasi 66:18

Boonoshi shuunoonaa boonoshi gaboonon ta ariyaa beetoyich, aageteenaꞌonaa baribare noonoona yibbaateebeeti asheenaꞌonon kicoyich woyemmo taane; boonoshiyoo waaree ta oogoon beeggemminaꞌone;

Erimiyaasi 51:5

Boonoshi showoo Israꞌeelee Yaafoo toommooch xukkeeti xuꞌoona ceennito bi tunetaanoona, Israꞌeeleenaꞌo tunebeeta Yihudee asheenaꞌo boonoshi Nuggishoo Beshe Mawe Doono Yeeri boonoshin dufaanoone.

Shoosho 3:31

Doono bulli yemeenoon dufaano bi tunetoyich,

Shoosho 3:32

bi ayinikkiteenona beshaa beshe bi shoodoona ariqqemmone.

Hiziqeeli 36:24

“Aageteenaꞌo daggoochee ittoshin kichemmo taane; showoo bulliichee ittoshin kicemmo taane; ittoshi hajjee showoochoo ittoshin deebemmo taane.

Mikiyaasi 4:6

Doono Yeeri ishichiye: “Ebi arooba, baata sheqqeenaꞌonaa kecceree boonoshi hammemmoyich ta tuniitaa duꞌetinaꞌonon kicemmo taane.

Maatiyoosi 23:37

Daakkiꞌi Yesuusi ishichiye: “Hini Yerusaalemi asheenaꞌote! Keemechinaꞌon wuxii beetinaꞌote! Ittoshi waan wocheetinaꞌon xaqqoona yexxii wuxii beetinaꞌote! Baakkee bi bushiishoon bi qoshee daggooch bi guufoommon, tawoo ittoshin ikkooch kicoyich ambiche wottoon shunnetote! Tunetaa ittoshi qaawaano ittoshine.

2 Qorontoosi 4:17

Hini andich baach beeti kette iritoo ebine getteyaani beshaa beshe oogeto tuneti bulli yemeenee oogee yiiroon nooch daniyemmone.

Efesooni 1:10

Ebiyoo yemeeno bedaa tuniiya bi gabiti mooyo, shimaayoonaa showoonooch beeto bulli ikkoo tuneree Kiristoosich bi hajjeyemmoyichiye.

Yibbaatoo 30:3

ne Nuggishoo Doono Yeeri neen wochinnoon gaanniyemmone; neech ariqqemmone; aageteenaꞌo bulli daggooch neen bi shaccitoochee, wochiree neen kicemmone.

Yaaqobi 4:6

Yeeri beshiti wojjoon immii beetone; ebich Yaafe Macaafoochaa, “Yeeri geecechinaꞌoyich mooyo kaameyaachemmoyich tuniihe; tunebaani boonoshi qelloon giishii beetinaꞌoyich wojjoon immiye” getaa kooreetone.

2 Pheexiroosi 3:8

Ta shunechinaꞌote! Ittoshi hini ikke mooyon batteyaahote: Doono Yeer waanaa ikke qemo hume natoommo, hume natoo ikke qemoommone.