Isiyaasi 54:4 - Kafa Linguistics Project

⁴ “Yeelleyaachemmi neene, shattaahine; cooneyaachimmi neene, keqqiyaahine. Ne bushittinooba ne toommooch shaggiti yeelloon battemmi neene; xuumittinee naagoon ebiyee bekk gabaachemmi neene.

Isiyaasi 54:4 ပူးပေါင်းရင်းမြစ်များ

Iyoobi 11:16

Ne xuuxoon battemmo neene; ebin ne shalligemmo beshee hammiti aacon ne shalligoommon tunemmone.

Isiyaasi 25:8

Biyoo qitoon bulli yemeenooch aalliyemmone; Nuggishoo Doono Yeeri, asheenaꞌo bulli aafoochee acimoon hidemmone; bi asheenaꞌo naakkeyoonoo showee toommo bulliichee aalliyemmone; Doono Yeeri ebin gettitone.

Isiyaasi 29:22

Ebich Abrahamin biishee wodiiti Doono Yeeri Yaaqobichi yareenaꞌochon ishichii beetone: “Yaaqobi ebiyee bekk yeelleyaachemmone; yeelleree ceelleyaachemmone.

Isiyaasi 4:1

Arooba shabaatte maacheenaꞌo ikke anaamon yeshiree, “No hajjee maayoon maayemmo noone; no hajjee tahoonoo tahemmo noone; ne mecheenaꞌo tuneree baach no ceekketaa, kenaalleenaꞌone getaa no cooneyoo no waanee wohe” gettemminaꞌone.

Isiyaasi 41:10

Ta neenna tookkaa ta tunetoyich, shattaahine; ne Nuggishoo ta tunetoyich, keqqiyaahine; ta neen kupphiyemmo taane; neen gaachemmo taane; cadiqe ta mochoona neen deggemmo taane.

Isiyaasi 41:14

Hipperoommi Yaaqobo, Israꞌeelee ashoocho, shattaahine; Doono Yeeri ta neen gaachemmo taane; neen Biishee Wodiyechi Israꞌeelee Yaafoo taane.

Isiyaasi 50:7

Nuggishoo Doono Yeeri taan gaachee bi beetoyich, cooneyaachemmo taane; ebich, ta aafoon xaqqo kupphoommon kupphiyemmo taane; yeelleyaachemmo ta tunoon ariyaabeeto taane.

Isiyaasi 51:7

“Tate mooyon ariyaa beetinaꞌote, ta sheeroo ittoshi mullooch beeti asheenaꞌote, ta waanee waayebote: Ashi miichoon shattaahote; boonoshi naagoyichoo keqqiyaahote.

Isiyaasi 54:14

Cadiqittinoona hecceyemmi neene; neexxii hajjoo ne waanee wokkemmone; ebich shataachemmi neene; keqqoo ne waan katinaachemmone.

Isiyaasi 61:7

Ittoshi yeellee qoodoon gutte kishoon danemmo ittoshine; ittoshi cooneyee qoodoon ittoshi qoodoona emiremmo ittoshine; ittoshi showoochaa gutte kishoon woraashemmo ittoshine; bulli aabee emiroo ittoshich tunemmone.

Isiyaasi 65:16

Ebich showoochaa diiroon qollaabeeto, ibere Nuggishoochi shigoona ebin tuniyemmone; showoochaa wogeebeeto ibere Nuggishoona wogemmone; ebiyoo wonnee xuuxo batteetonaa ta aafoochee ikitona bi tunetoyichiye” iye.

Erimiyaasi 31:19

Neyee wokkaa ta hammetoyee gubb, gondoochee wottehoye; ta ariitoyee guboo ta qelloon tappehoye; bushaa ta beehooba axaaxoon ta shuunetoyich yeellehoye; cooneehoye’ ii beetone.

Shoosho 1:1

Asho ceenniti katemee, aabichaa shokko echahane! Aagetee daggooch oogee, aabichaa xuumee tunehane! Woraafee daggooch taatee, and aree gonnee tunehan.

Hiziqeeli 16:22

Ebi ciigiiti ne yahee yemeenooba, shokkaachee tunaa damoona wooraꞌa ne beehoobee ne bushittinee yemeenoon gabaane neene.

Hiziqeeli 16:43

“ ‘Ne bushittinee gooroon gaboo ne qajjetoyich, ne shuuneti mooyo bullinoo taan ne ippiitoyich, ne shuunetoommon neech shuunemmo taane; bare ciigiiti ne mooyo bulli toommooch yahoon meechaane neene? iye Nuggishoo Doono Yeeri.

Hiziqeeli 36:15

Ebiyee bekk aageteenaꞌochi diigee qaaroon neech waayiyaachemmo taane; aageteenaꞌochi naagoon shaagaachemmi neene. Ebiyee bekk ne asheenaꞌo tepheyemmoyich tuniyaachemmi neene; Nuggishoo Doono Yeeri ta, ebin getteto taane’ gete” iye.

Yoꞌeeli 2:21

“Showeene, shattaahine; emiribe! Doono Yeeri ta, worganikkiti mooyon ta tuniitoyich, oogichi emiribe!

Sofoniyaasi 3:11

Ebi arooba, ta toommooch hukkoon tiijjiꞌi ittoshi shuuneti shuunoyich yeelle beetaachemmo ittoshine. Geecoona ciixee beetinaꞌon ittoshi daggoochee aalliyemmo taane; ittoshiyoo yaafoo tuneti ta guudi toommoochaa ebiyee damba geecaachemmo ittoshine.

Zakaariyaasi 10:6

“Yihudee asheenaꞌon kupphiyemmo taane. Yooseefi yareenaꞌon wodiyemmo taane. Boonoshich ta ariqqetoyich, boonoshi xaaꞌooch wochi deebemmo taane. Boonoshin ta dufaani asheenaꞌoommon tunemminaꞌone. Ta, boonoshi Nuggishoo Doono Yeeri ta tunetoyich, boonoshi corootoon waayemmo taane.

1 Pheexiroosi 2:6

“Yeeri ‘Ebiyoche, kexon deggii neechiibeeti, giimbee guummoommon tuniiꞌa ta kaacceti, taach aaxxoo tuneti xaqqoon Tsiyoon kotiyemmo taane; bi toommooch mulloon tooꞌiibeeto yeelleyaachemmone’ itone” getaa Yaafe Macaafooch kooreetone.