Isiyaasi 54:17 - Kafa Linguistics Project

¹⁷ Neen koyoyich shuuneeti ginee qiico shuuneyaachemmone; neen taggeꞌi ne toommooch tiyimmo bullin nallee xaaꞌoochaa xoobiyemmi neene. Doono Yeerichi maddechinaꞌo iristo ebine; ta waanee boonoshi danemmi cadiqoo ebine” iye Doono Yeeri.

Isiyaasi 54:17 ပူးပေါင်းရင်းမြစ်များ

Iyoobi 1:11

Eke ne kishoon tiijjiree biich beeto bullin aalliibe; biyoo ne aafoochaa, neen naaggemmone” iye.

Iyoobi 2:5

Eke and ne kishoon tiijjiree bi meenonaa bi shaawushoonon biiyiibe; biyoo ne aafoochaa neen naaggemmone” iye.

Iyoobi 42:7

Doono Yeeri Iyoobina tookkii ebi mooyon bi yibbaatetoyee gubb, Temaanee asho Elifaazich ishichiye: “Ta guuno Iyoobichoommon ta mooyon tatoona yibbaato ittoshi qajjitoyich, neennaa gutte ne nuucheenaꞌonochi toommooch oogichaꞌa kaareto taane.

Shoddo 32:6

Ebich gibeneeti asho bulli bi xuuxee aabooba ne waan corootibe; ooge aalliyee aaco waahooba bi waan shagaachemmone.

Shoddo 61:5

Yeero, ta mookkoon waayehine; neech shattii beetinaꞌoyich ne tuniyaa beetoommon, iristoon taach immehine.

Shoddo 71:16

Nuggishoo Doono Yeero, waaree, giidechi ne shuunoon awaajjemmo taane; cadiqo ne baach tunoon awaajjemmo taane.

Shoddo 71:19

Yeero, ne cadiqittino shimaayooch shagoone; ogooge mooyon tuniito neene; Yeero, neenoommo konine?

Isiyaasi 17:12

Baharee aachi buugoommon buugiibeeti meeti asheenaꞌoyich, giidechi aacinaꞌo goohoommon goohiibeeti aageteenaꞌoyich woowo!

Isiyaasi 26:2

Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 29:8

Tsiyooni guudon kochiibeeti aageteenaꞌo bulli, shaaceti asho gumona maabee qeyiꞌi, maaddoona bi tiyimmona bi shaacoo qayaani woyee shacheweꞌi gumona uchiibee qeyii, maaddoona bi tiyimmona bi killoo shachewoona shuuqqiti ashoommon tunemminaꞌone.

Isiyaasi 3:10

Cadiqeenaꞌoyich, “Mooyo ittoshich kaamemmo bi tunetoyich, ittoshi shuunee aafoon maayemmo ittoshine” gete.

Isiyaasi 40:2

“Bi guuchittinee yemeeno ciiroon, bi axaaxoo maareyoon, Doono Yeer waanee gutte kishoon, bi axaaxee sheeroon bi deꞌon, Yerusaalemich maanjoona getote; biich awaajjibote” iye.

Isiyaasi 41:11

Ne toommooch tiyimmo bulli yeellemmone; cooneyemmone; neen shixxii beetinaꞌo billiiree aallemminaꞌone.

Isiyaasi 46:13

Ta cadiqoon deebaabeeto taane; ebiyoo woho toonoone; ta wodiyoo yagaachemmone; Tsiyoonin wodiyemmo taane; ta oogoonoo Israꞌeelich immemmo taane” iye.

Isiyaasi 50:8

Cadiqo ta tunoon arichiyemmo ta gaꞌooch beetone; taanna taggemmo konine? Eke tookki neexebone; ta taggecho konine? Eke ta waan giddebe.

Isiyaasi 50:9

Nuggishoo Doono Yeeri taan gaachemmone; ta toommooch nallemmo konine? Taan taggee beetinaꞌo bulli tahoochoommon geenemminaꞌone; pilo boonoshin maayemmone.

Isiyaasi 51:5

Ta cadiqoo kaate shaggemmone; ta wodiyoo kechemmone; ta mochoona aageteenaꞌon hajjemmo taane; baharee gasheexi buure showeenaꞌo taan gibene quyemminaꞌone; ta mochoonoo gibenemminaꞌone.

Isiyaasi 54:15

Koniyoona neen kocha bi waagaata, boonoshin deejjito ta toono taane; ne toommooch tiyii beetinaꞌo bulli, ne naboona dihemminaꞌone.

Isiyaasi 54:16

“Ebiyoche qaaqqee gechoon buushilloona huggiibeeti, ginee qiicoonoo shuuneebeeti qemmon hallito, taane; aalliibeeti ginee naayonoo hallito, taane.

Isiyaasi 58:14

Doono Yeeri taanna emiremmo ittoshine; showee toommeexi qaalle xaaꞌooch ittoshi beeyemmoyich tuniyemmo taane; ittoshi qaabbechi Yaaqobichi iristoochee daneebeeti mooyona ittoshi michemmoyich tuniyemmo taane; ebin getteto Doono Yeeri taane” iye.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Erimiyaasi 23:6

Bi taatee yemeenooch Yihudee asheenaꞌo wodemminaꞌone; Israꞌeeleenaꞌo keqqaalloon beeyemminaꞌone. Bi ceeggeyemmoo ‘No Cadiqoo Doono Yeeri’ getenane.

Daaneeli 3:26

Nabukadinatsoriyoo qaaqqee sheellee kellooch giddeꞌi, “Beshe Nuggishoo Yeeri guuno tuneti Sidiraaq, Misaaq, Abidinago! Waa keyote; hach wobote” iye. Boonoshiyoo kechiyeete.

Daaneeli 6:20

Daaneeli beeti oppooch katinnii, ayinee qaaroona Daaneelin ceeggiꞌi, “Beeyechi Nuggishoochi guuno tuneti Daaneelo! Bulli aaboon biich ne goyinnaa maddeebeeti Nuggishoo daahereenaꞌo waanee neen wodiyoon hakkite?” iye.

Maatiyoosi 16:18

Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.

Roomi 10:4

Boonoshi mulloon bi toommooch tooꞌii beetinaꞌo bulli cadiqemmoyich Kiristoosi sheeree tacone.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Roomi 8:1

Illa Kiristoos Yesuusina beetinaꞌo toommooch and Yeerichi naxo kindaache.

1 Qorontoosi 1:30

Tunebaani Yeeri ittoshin Kiristoos Yesuusina tookkii ikkochitone; ebich Yeeri biin nooch shalligoo, cadiqoo, yaafoonaa biishechona tuniitone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Yaasi 24:10

Tunebaani Balaami ittoshin bi uppemmoyich daaggaano taane; ebich wochii wochiꞌi ittoshin diiriye; ebina tawoo Balaaqi kishoochee ittoshin wodiihoye.

2 Pheexiroosi 1:1

Yesuus Kiristoosichi guunonaa mishiraachechona tuneti Simoon Pheexiroosi waanee, No Nuggishoonaa noon Wodiyechona tuneti Yesuus Kiristoosi cadiqo bi tunetoyich, Kiristoosi toommooch nooch beeti, aaxxoo tuneti mullee tooꞌiyoon no danetoommon danetinaꞌoyich:

Yaaꞌoo 12:10

Oogeti qaaro shimaajji taatee xaaꞌoochaa ishichii beeton waayeho: “And no Nuggishoo bi asheenaꞌon wodiitone; ooge bi giidoon bekkiibee taatemmone; bi kaacciti Kiristoosiyoo tiyi bullin hajjemmone; no Nuggishoo aafoochaa areddoonaa xumoonon no maneenaꞌon taggeebeeti taggecho shimaayoochee duppetone.

1 Saameeli 23:17

Biyoo Daawitich ishichiye: “Shattaahine; ta nihoo Saaꞌoolichi kishooch dihaachemmo neene. Israꞌeelee taatoo tunemmo neene. Tawoo neyee guttinnoon tunemmo taane. Ta nihoo Saaꞌooliyoo ebin arii beetone” iye.