Isiyaasi 54:13 - Kafa Linguistics Project

¹³ Ne bushiisheenaꞌo Doono Yeer waanee doyitinaꞌon tunemminaꞌone; ne bushiisheenaꞌochi diggoo woddemmone.

Isiyaasi 54:13 ပူးပေါင်းရင်းမြစ်များ

Shoddo 119:165

Ne sheeroon shunnii beetinaꞌoyich ooge diggoo beetone; boonoshin tephemmi amee mooyolla aalloone.

Shoddo 119:33

Doono Yeero, ne qociyoon taach dojjibe; tawoo ciirooch beddaahaa quyemmo taane.

Shoddo 147:14

Ne showee daaroon diggiihe; gaawe teepphoona neen michiihe.

Shoddo 71:17

Yeero, ta bushittinoochee tiijjaa taan dojjito neene; tawoo and beddaahaa worganeeti ne shuunoon awaajjaabeeto taane.

Isiyaasi 11:9

Yaafeeti ta guudo bulliichaa qaaꞌi iritoon, woyee aalloon shakkiyaachemminaꞌone; aacoo baharooch ceenoommon, showoo bulli Doono Yeerin ariyoona ceennemmone.

Isiyaasi 2:3

Meeti asheenaꞌo waaree ishichemminaꞌone: “Sheeroo Tsiyoonee, Doono Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Isiyaasi 26:3

Neen bi gibenetoyich, neenna degeyaabeeti kasheen, diggoona quyemmo neene.

Isiyaasi 28:9

Boonoshiyoo ishichiyeete: “Ebi uro, dojjiya bi qaawiibeeto koniniye? Wochoon biishi bi gettemmo konichiye? Xachi kuxeenaꞌo tuneti gaggereenaꞌoyichiye?

Isiyaasi 29:24

Ayaanoona muriccitinaꞌo shalligemminaꞌone; guruuxii beetinaꞌo dojjoyich deꞌa gettemminaꞌone” iye.

Isiyaasi 48:18

Ta geteenaꞌon ne waayeto gaata, ne diggoo tahaani aacoommon, ne cadiqittinoo baharee aachi aayoommon tuneshone.

Isiyaasi 50:4

Taahitinaꞌon, qaaroona kupphiyoon ta ariyemmoyich, Nuggishoo Doono Yeeri ariyechi heciyoon taach immitone. Maaddoona taan tokketoochee tiijjiye; doyechochoommon ta ellemmoyich ta waamon qechiye.

Isiyaasi 54:12

Ne guumminaꞌon ageetoona, ne kelleenaꞌon garineetoona, ne uxereenaꞌo bullin aaxxe xaqqoona, shuunemmo taane.

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Isiyaasi 66:12

Doono Yeeri ishichiye: “Diggoon woce aacochoommon biich woddiyemmo taane; aageteenaꞌo gaannoonoo ceeni aacochoommon bi waan wochemmo taane; aroochee xammemmo ittoshine; bi sheenooch tiqqeyemmo ittoshine; bi doshee toommoochaa capphemmo ittoshine.

Erimiyaasi 31:34

Asho bi ikkikkoona bi giyoon, asho bi ikkikkoona bi manoon ‘Doono Yeerin ariibe’ geti dojjaachemmone; ebiyoo giishoochee oogooch beddaahaa, bulliyona taan ariyemmo bi tunetoyichiye. Boonoshi xuꞌoon maaremmo taane; boonoshi axaaxoonoo gabaachemmo taane” iye Doono Yeeri.

Erimiyaasi 33:6

“Tunebaani hini katemeech iiwittinoonaa wodoonon wochinnoon deebemmo taane; boonoshin wodiyemmo taane; beshaa beshe diggoonaa keqqaalli beemonon boonoshich bekkiyemmo taane.

Hiziqeeli 34:25

“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.

Hiziqeeli 34:28

Ebiyee bekk aageteenaꞌona bokkeyaachemminaꞌone; kubbi cooxinaꞌonoo manjeyaachemminaꞌone; keqqaalloon diggoona kotemminaꞌone; koniyoona boonoshin shatiyaachemmone.

Hiziqeeli 37:26

Diggee wogoon boonoshina tookki giyemmo taane; ebi wogo bulli aabee wogoon boonoshich tunemmone; boonoshin manjiyemmo taane; meechemmo taane; ta yaafee kexo bulli aaboon boonoshi daggooch bi beeyemmoyich tuniyemmo taane.

Hosee'i 2:18

“Arooba, boonoshicha geti kubbi cooxona tookki, shimaajji kafoonaa yuummere halleenaꞌona tookki wogoon giyemmo taane. Bulliyona diggoona boonoshi beeyemmoyich, koyee qiico bullin, maꞌoonaa goraadoonon showee toommoochee aalliyemmo taane.

Mikiyaasi 4:2

Meeti aageteenaꞌo waaree ishichemminaꞌone: “Sheeroo Tsiyoonee, Yeerichi qaaroo Yerusaalemee bi kechii beetoyich, ittoshi waataa damba Doono Yeerichi guudooch, Yaaqobichi Nuggishoo yaafee kexooch hambone. Biyoo, bi gommon nooch dojjemmone; nowoo, bi bekkiiti boochoona hammemmo noone” gettemminaꞌone.

Zakaariyaasi 10:7

Efreemeenaꞌo kupphe ginee anaamoommon tunemminaꞌone. Woyinee uyoon uchiti asho emiroommon emiremminaꞌone. Boonoshi bushiisheenaꞌo ebin beegiree emiremminaꞌone. Boonoshi mullo Doono Yeerina emiremmone.

Maatiyoosi 16:17

Yesuusiyoo wochiꞌi ishichiye: “Yoonichi bushoo Simoono, ebin neech bekkiito shimaayooch beeti ta Nihoani asho toonoone; ebich diireeto neene.

Luqaasi 24:45

Areegaata Yaafe Macaafooch kooreeton boonoshi xiishemmoyich, boonoshi mulloon qechiye.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Yowannisi 6:45

‘Boonoshi bulli Yeer waanee ariitinaꞌo tunemminaꞌone’ getaa keemechinaꞌochi macaafooch kooreetone. Illa Nihoo Yeer waanee waayeꞌi ariibeeto bulli ta waan woyemmone.

Mishiraachechinaꞌo 2:39

Gibenikkeeti gibeno ittoshinaa ittoshi bushiishoonoyich, no Doono Yeeriyoo bi waan bi ceeggiibeeti, wohooch beetinaꞌonoyichiye” iye.

Roomi 14:17

Ebiyoo Yeerichi taatittino cadiqoonaa diggoona, Yaafe Ayaanoochee tuneti emiroonalli, maayoonaa uyoonochi mooyo tuno bi qajjitoyichiye.

Roomi 15:13

Gibenee Nuggishoo Yaafe Ayaanee giidoona ittoshich gibeno woddemmoyich ittoshi mulloon bi toommooch ittoshi tooꞌitoyich emiroonaa diggoonon ceechiree ittoshich imbe.

Roomi 5:1

Illa bi toommooch no mulloon tooꞌiyoona no cadiqitoyee, no Doono Yesuus Kiristoosichi gommona Yeerina tookkii diggoo nooch beetone.

1 Qorontoosi 2:10

Ebichi naboyich Yaafe Ayaano Yeerichi maacee moochi tuggooch beddaahaa, ikkoonolla echiyaanoon maqqii bi arii beetoyich, ebi bullin Yeeri bi Yaafe Ayaanoona nooch bekkiitone.

Galaati 5:22

Tunebaani Yaafe Ayaanee aafo, shuno, emiroo, diggoo, haaꞌiyoo, ariqqo, deꞌittino, gibeneyoo,

Efesooni 4:21

Iberoon biichon waayeto ittoshine; Yesuus waan beeti iberoon biinna tuneꞌi doyito ittoshine.

Filipphisiyoosi 4:7

Ittoshi shalligoo bulliyee beshiti Yeerichi diggoo Kiristoos Yesuusina ittoshi mulloonaa ittoshi gaboonon quyemmone.

1 Tasaloonqi 4:9

Ittoshinaa ittoshina shuneechon ittoshi qelloona Yeer waanee ariito ittoshine; ebich manaamanoochoommon ittoshi shunemmoyich koniyoona ittoshich koorii arichiyoo qaawiyaache.

Hibireena'o 8:10

Ebi are yemeenoyee gubb Israꞌeelee macceenaꞌona tookki ta giyemmi wogo ebine, iye Doono Yeeri: Ta sheeroon boonoshi mullooch kotiyemmo taane; boonoshi mullee cilloochoo kooremmo taane; tawoo boonoshi Nuggishoo tunemmo taane; boonoshiyoo ta macceenaꞌo tunemminaꞌone.

Hibireena'o 8:11

Asho koniyoona bi showee ashoon, asho koniyoona bi manoon ‘Doono Yeerin ariibe’ geti dojjaachemmone. Ebiyoo, giishoochee oogooch beddaahaa, bulliyona taan ariyemmo bi tunetoyichiye.

1 Yowannisi 2:20

Tunetaa ittoshi Yaafoo waanee huutoon deqqito ittoshine; ebich ittoshi bulli iberoon ariibeeto ittoshine.

1 Yowannisi 2:27

Tunebaani Kiristoos waanee ittoshi deqqiti huuto ittoshina tookkii beetone. Biyoo bulli mooyon ittoshich bi dojjii beetoyich, bare asho ittoshich dojjoo qaawiyaache. Aroo ittoshich bi dojjiibeeto iberoonalli kootoon toonoone. Illa bi ittoshich dojjitoommon Kiristoosina tookkii ittoshich beeti ikkittinoona manjiree beebote.