Isiyaasi 54:11 - Kafa Linguistics Project

¹¹ Doono Yeeri ishichiye: “Hini xuuxeti, yubee yongoonoo wullaawulleti, goggoonoo mawiitine, aaxxe xaqqoona wochinnoon neen shuunemmo taane; sapiiroona ne hecoon heccemmo taane.

Isiyaasi 54:11 ပူးပေါင်းရင်းမြစ်များ

1 Taateenaꞌo 5:17

Boonoshiyoo taatoochi getoona yaafee kechi hecooch tunemmi, gaawi gaawe ogooge xaqqoon iijjii kichiiꞌi, xarii qanniiheete.

1 Taateenaꞌo 6:30

Yaafee kechi godoon gatinaa kellinon aachoona dikkehe.

1 Kiinoo 29:2

Ebich tawoo taach hakkeetoommon ta Nuggishoo kexoyich qiicoon qanniito taane; aachee qiicoyich aachoon, birewee qiicoyich birewoon, gooshee qiicoyich gooshoon, xuuree qiicoyich xuuroon, michi qiicoyich mixon, wodde shohaamoonaa baribare aaxxe xaqqeenaꞌonon, baribare malletechi xaqqeenaꞌon, bi shaahi shaahoochee aaxxe xaqqoonaa nacce xaqqoonon qanniito taane.

2 Kiinoo 3:6

Kexonoo aaxxe xaqqoonaa Fariwayimee waati aachoona macecikkaa bi shuuneyemmon tuniihe.

Iyoobi 28:16

Ofiiree showeexi aachoyee, shohaamoonaa sapiiroonoyee beshe aaxxoone.

Shoddo 34:19

Cadiqoyich iritoo woddoone; tunebaani Doono Yeeri ebi bulliichee biin wodiyemmone.

Keyo 2:23

Meeti natoyee gubb, Gibitsee taatoo qitiye. Israꞌeeleenaꞌo guuchitinoochee tiyitona boonoshi toommooch shaggiibeeti xuuxoona gaashillii beeheete. Guuchittinoochee boonoshin bi gaachemmoyich boonoshi cookiti cookoo Yeerich waayeehe.

Keyo 24:10

Israꞌeelee Nuggishoon beeggiyeete. Bi baatee dechiich birooba shimaayoo xalloommon xalleti, sapiiree aaxxe xaqqoochee shuuneeti, godoommi mooyo beetone.

Keyo 3:2

Aroochaa Doono Yeerichi maraakoo kuchoo cobbcobbimii aaxxeebeeti qaaqqee daggoochaa biich bekkehe. Muusiyoo kuchoon qaaqqoo yechito bi tunetaanoona, micaano bi tunoon beeggiye.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Solomooni 5:14

Bi kishoo inqoona macecikkeeti, aachee gooshoommone; bi achoo sapiiroona macecikkeeti, yopphetaa naalliti dangeyi gashoommone.

Isiyaasi 14:32

Aageteenaꞌo waanee waabeeti wocheyechinaꞌoyich ama getiree wochibona? Doono Yeeri Tsiyoonin wochinnoon bi shuunoon, iriteeti bi asheenaꞌoo shoobon arooch boonoshi danoon gettemmo noone.

Isiyaasi 28:16

Ebich Nuggishoo Doono Yeeri ishichiye: “Ebiyoche, kexon deggii neechiibeeti giimbee guummoommi xaqqoon, manjoo bi tuno bekketi, aaxxoo tuneti xaqqoon hecoyich Tsiyoon kotiyemmo taane; bi toommooch mulloon tooꞌiimmo yeelleyaachemmone.

Isiyaasi 44:28

Qiroosin ‘Ta asheenaꞌon qiddemmone; aroo ta daaggoo bullin ceechemmone’ gettemmo taane; Yerusaaleminoo ‘Wochinnoon shuuneyemmine’ gettemmo taane. Yaafee kexonoo ‘Ne heco hecceyemmone’ gettemmo taane” iye.

Isiyaasi 49:14

Tunebaani Tsiyooni asheenaꞌo, “Doono Yeeri noon duppitone; no Doono noon battetone” iyeete.

Isiyaasi 51:21

Woyinee uyoona tuneyaanoon, xuuxoona mashetine, ebin waayebe.

Isiyaasi 51:23

Ebi aroon, neen xuuxii beetinaꞌo kishooch, ‘Ne toommona no beshemmoyich yite’ ii beetinaꞌo kishooch, geddemmo taane; newoo ne gubboon, neecheebeeti showoommon, hammeebeeti gommoommon, tuniiti neene” iye.

Isiyaasi 54:12

Ne guumminaꞌon ageetoona, ne kelleenaꞌon garineetoona, ne uxereenaꞌo bullin aaxxe xaqqoona, shuunemmo taane.

Isiyaasi 54:6

Ne, bushaa bi beetaa keno gawukkiti mechechoommon, duppaꞌa ayinoona bi mullo tiisheti maachechoommon, Doono Yeeri wochinnoon neen bi waan ceeggemmone” iye ne Nuggishoo.

Isiyaasi 60:15

“Ebiyee aaf duppeti, shicheti, koniyoona aroona besheyaane, ne tunetaanoona, ta bulli yemeenoon yebeneeti, bushaa bushich emiree, neen tuniyemmo taane.

Erimiyaasi 30:17

Iiwittinoon neech wochemmo taane; ne mayonoo wodiyemmo taane, iye Doono Yeeri. Ebiyoo ‘Koninolla qaaweyaani, koniyoona aaxxiyaani Tsiyoone’ boonoshi itoyichiye.

Shoosho 1:21

“Asheenaꞌo ta gaashiron waayeheete; tunebaani taan goggiito koniyoona aalloone; ta etteenaꞌo ta xuuxoon waayeheete; ne tuniiti mooyona emiriyeete. Ne getteti aaboon boonoshi toommooch ne deebaa, boonoshiyoo taan shaahibeete.

Hiziqeeli 1:26

Boonoshiyee damba beeti gumoyee tookk sapiiroommi taatee qeechi shaahiyoo beetone; taatee qeechi toommoochoo ashoon shaahoo kotetone.

Hiziqeeli 10:1

Ciinnaa ta iyaa, ebiyoche kiruubeenaꞌochi qelloyee tookk beeti gumoyee tookk, sapiiroochee shuuneeti taatee qeenoommi mooyo beete.

Mikiyaasi 7:11

Yerusaalemi asheenaꞌote, ittoshi katemee xaqqee uxeroon ittoshi uxeremmi yemeeno woyemmone. Ebi arooba ittoshi showoo gaminnemmone.

Maatiyoosi 8:24

Diqqoona aachi aayo tiyiꞌi, giishi markabeen aaco qerimmi wottoon baharo oogichii shuuriye; tunetaa Yesuusi tokketetone.

Yowannisi 16:33

“Taanna diggoo ittoshich bi tunemmoyich, ebi bullin ittoshich getteto taane. Alemo ittoshin duꞌiyemmone; tunebaani kupphebote; ta alemoon kochaa wochito taane” iye.

Efesooni 2:20

Mishiraachechinaꞌonaa keemechinaꞌona baashiti baashee toommooch hakketo ittoshine; kexon tuuggii neechiibeeti giimbee guummoo Kiristoos Yesuusine.

Yibbaatoo 31:17

Ebi tunehooba, ta kaaro boonoshi toommooch cufemmone; boonoshin qajjemmo taane; boonoshin guudi ciinaachemmo taane; boonoshiyoo aalleminaꞌone. Meeti gonde mooyonaa iritoona boonoshi toommooch shaggemmone. Boonoshiyoo ebiyooba, ‘Ebi gonde mooyo no toommooch bi shaggito, no Nuggishoo noonna tookkii tuno bi qajjitoyich toonoone?’ gettemminaꞌone.