Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isiyaasi 54:10 - Kafa Linguistics Project

10 Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

အခန်းကိုကြည့်ပါ။ ကော်ပီ




Isiyaasi 54:10
33 ပူးပေါင်းရင်းမြစ်များ  

“Yeeri ta shiijjeroon bi diiremmo ebiyoommi gommonane; Yeeri bulli yemeenoon beeyemmi wogoon taanna tookkii giyitone; bulli mooyon tatoona gawaatitone; biyoo bi gibenikkiton shaddaanoone. Ta qaawaabeeto ebiniye; Yeeri iberoon taan gaachemmone; ebi bulli ceennemmoyich tuniyemmone.


Boonoshi bulliyoo aallemminaꞌone; tunebaani ne beeyemmo neene; boonoshi bulliyoo qoreddoochoommon geenemminaꞌone; geeneti tahoochoommon shaddemmo neene; boonoshiyoo aallemminaꞌone.


Ebich showoo qewetaa, guudinaꞌo baharee daggooch boonoshi dihitaa, shataachone.


Aacinaꞌo buugii umbetaa, geppeenaꞌoo aacinaꞌo ceenoochee tiyitona qewetaa shataachone.


Shaacoonaa shachewoona boonoshin yeshaachemmone; gaame yongo woyee aabee michoo boonoshin yexaachemmone; boonoshich ariqqeebeeto boonoshin yaabemmone; aachi xuupho waan boonoshin daammemmone.


“Indee bi xaachaa beeti bushoon battoon hakkehane? Bi shiyeti bushoyich maaxeyaachehane? Diqqich battoon hakkiyane; tunebaani ta, ittoshin batteyaache.


Oogichii kaaroona giisheche aaboon, ne waanee ta aafoon bara wochito taane; tunebaani bulli yemeenee shunoona neech ariqqemmo taane” iye neen Biishechi Doono Yeeri.


Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.


Ittoshi waamon gaꞌiiree ta waan wobote; kashoona ittoshi beeyemmoyich waayebote. Daawitich ta giyeti manje shunoona, bulli yemeenee wogoon ittoshina tookki giyemmo taane.


Gonde asho bi gommon, axaaxecho bi gaboon qaye; no Nuggishoochi ariqqo woddoo bi tunetoyich, biinoo bi maaremmoyich Doono Yeer waan wottebe.


Doono Yeeri ishichiye: “Boonoshina tookki ta giyemmi wogo ebine: Ne toommooch ta kotiiti ta Ayaano, ne noonooch ta kotiiti qaaro, hanaachee tiijji bulli yemeenooch beddaahaa ne noonoochee, ne bushiisheenaꞌo noonoochee, ne bushaa bushiisheenaꞌo noonoochee baraachemmone” iye Doono Yeeri.


“Doono Yeeri ta, dayinnetoon shunnoye; bogoonaa gonde mooyonon shixxoye; gibeneeto ta tunoona boonoshich gaaccemmo taane; boonoshina tookki bulli aabee wogoon giyemmo taane.


Doono Yeerichi shoodoon, Doono Yeerichi galletoon, Doono Yeeri nooch tuniito bullin, bi ariqqoon, oogeti bi shoodoonoo, Israꞌeeleenaꞌoyich bi deeti deꞌoon, gettemmo taane.


Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.


“Ebi halleenaꞌochi qociyoo bi echegaata baachiye, Israꞌeelee shiijjeroo aagetoo tuno ta aafoochaa ciroona bi echemmo” iye Doono Yeeri.


“Doono Yeeri ta ishichiyoye: Areddoonaa xumoona bi qoceetoommon kaalli kaalloona bi waataachemmoyich, areddoona tookkii ta giyeti wogoonaa xumoona tookkii ta giyeti wogoonon happoon ittoshi hakkigaata,


Ebina ne toommooch ta ippeti ippo aqqemmone; ta qanaato ne waanee wokkemmone; cikkiyemmo taane, wochinnoonoo kaareyaachemmo taane.


“ ‘Diggee wogoon boonoshina tookki giyemmo taane; gonde cooxinaꞌon showoochee aalliyemmo taane; ebina boonoshi diggoona barahooch kotemminaꞌone; kuboochoo tokketemminaꞌone.


“Biinna tookkaa ta giyeti wogo kashoon immichonaa diggeechona tuneti wogoone. Tawoo, ta wogetoommon biich tuniihoye. Ebiyoo taach bi shattemmoyichiye; biyoo taach shattiye. Ta shigoonoo oogiihe.


Ebich ta diggee wogoon biinna tookki geddemmo ta tunoon biich gete.


Tawoo neech gettoye, ne shigo Pheexiroosine; hini xaqqee toommooch ta kittinnee guuphon neechemmo taane; qitee giidolla bi tunetaa, ebi aroon kochii wochoon hakkaachemmone.


Showoonaa shimaayoona beshemmone; tunebaani ta qaaro besheyaachemmone” iye.


Iberoon ittoshich gettoye: Showoonaa shimaayoona beshemmi wottoon Muusichi Sheeroo bulli ceenaanoon nappeyoommi mooyiyolla showooch hollaachemmine.


Yeeri ashoon bi waan ceeggiꞌi bi wojjoon bi immitoyee gubb, “Aakkiya ebin tuniitote?” getaache.


noon bi wodiito bi maaree beshoonalli, no shuuneti cadiqee shuunoona toonoone; noon bi wodiito guttinnee shiijjoon no daneti machoonaa Yaafe Ayaanee andiriyoonane.


Tunetaa wochinnoon ikke wottoon bi geto, shuuraachemmi mooyinaꞌo manjiree beeyemminaꞌo boonoshi tunoon, halleeti mooyinaꞌo shuuriree hidaa aallemminaꞌo boonoshi tunoon xalla bekkii beetone.


Shimaayoo yeebboochoommon qodeꞌi aallehe; guudinaꞌonaa buure showeenaꞌo bullinoo boonoshi xaaꞌoochee aalleheete.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ