Isiyaasi 53:7 - Kafa Linguistics Project

⁷ Xuuxehe; qaakkehe; ebi tunetaanoona bi noonoon wochaanoone; guureyooch yaabaa hammiibeeti bagoochoommon, bi eexon caggii beetinaꞌo aafoochaa cikkii qajjiibeeti bagoochoommon, bi noonoon wochaanoone.

Isiyaasi 53:7 ပူးပေါင်းရင်းမြစ်များ

Shoddo 38:14

Iberoochaa, waayoon hakkaani, wochoonoo hakkaani ashoommon, tuneto taane.

Shoddo 38:15

Doono Yeero, neen gibenehoye; ta Doono ta Nuggishoocho, ne taach wochemmo neene.

Shoddo 44:22

Ne naboyich qemi qemona noon wuxii beeheete; guureyemmi bagoon shaahiiꞌi noon haddiyeete.

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Isiyaasi 53:6

No bulli bagoochoommon yallyallimaa aallehone; no ikkikkoona no kaatti kaattoon yechehone. Tunebaani Doono Yeeri no bullichi xuꞌoon, bi toommooch tuniihe.

Erimiyaasi 11:19

Tunebaani guureyooch hammiibeeti bagee baaddoon shaahiyo; boonoshiyoo “Mixon bi aafoona tookki dichibone; ebiyee bekk bi shigo shalligeyaachemmoyich, kashechinaꞌo beeti showoochee aalliibone” iꞌi ta toommooch boonoshi koceeton ta ariyaano taane.

Haddoo 7:27

micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

Maatiyoosi 26:63

Tunetaa Yesuusi cikkii qajjiye. Wotta qeeshee guudo “Ne Yeerichi Bushoo Kiristoosi ne gaata, nooch ne gettemmoyich beeyechi Yeerina neen yecheto taane” iye.

Maariqoosi 14:61

Tunetaa Yesuusi cikkii qajjiye; minnakanna getaanoone. Wotta wochiꞌi qeeshee guudo “Galleteeti Yeerichi Bushoo Kiristoosi neene?” iꞌi echehe.

Maariqoosi 15:5

Tunebaani Phelaaxoosi worganemmi wottoon Yesuusi minnakanna getaanoon qajjiye.

Luqaasi 23:9

Ebich Yesuusin meeti mooyon echehe; tunebaani Yesuusi minnakanna getaanoone.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 19:9

Wottee bi kibbooch giyiꞌi Yesuusin “Amoocheeniye ne waato?” iꞌi echehe. Tunebaani Yesuusi minnakanna getaanoone.

1 Pheexiroosi 2:23

biin naaggii boonoshi beehooba, wochiꞌi naagaanoone; biin boonoshi xuuxii beehooba, miicheyaanoone; tunebaani cadiqoona nalliibeeti Yeerich bi qelloon beshiiꞌi immiye.

Yaaꞌoo 5:6

Taatee qeeno dagg beetaa, bi guudoona kashechi awudde halleenaꞌo beetaa, boonoshi guudoona geeneenaꞌo beeti gutte daggooch guureetoommi Bago neexeꞌi beeton beeggeho; shabaatte qaroonaa shabaatte aafoona biich beetone; ebi shabaatte aafo showoo bulliich wocheeti, Yeerich maddeebeeti shabaatte ayaaneenaꞌone.