Isiyaasi 53:3 - Kafa Linguistics Project

³ Biyoo ashoona shixxetonaa hoxeetonane; biiyoonaa xuuxoona biyee baraani ashoone; asho bi waanee aafoon badd wochiti, hoxeeti ashoone; nowoo biin oogiyaano noone.

Isiyaasi 53:3 ပူးပေါင်းရင်းမြစ်များ

Shoddo 69:29

Tunebaani ta, xuuxoonaa duꞌonoochiye ta beeto; Yeero, ne taan wodiibe; taan quyebe.

Shoddo 88:4

Qitiꞌi maash hammii beetooch haddeehoye; giidaalli ashoon tunehoye.

Isiyaasi 49:7

Israꞌeeleenaꞌochi Biishee Wodiyechonaa Yaafoona tuneti Doono Yeeri, asheenaꞌona oogichii hoxeeꞌi, ciigeeti, iraasheenaꞌochi guuno tunetoyich, ishichii beetone: “Taateenaꞌo neen beegiree neech tiyi neexemminaꞌone; taatee yareenaꞌo neech goyinnemminaꞌone; ebiyoo, gibeneeti Doono Yeeri, Israꞌeelee Yaafoo, neen bi kaaccitoyichiye” iye.

Isiyaasi 50:6

Xoobbii beetinaꞌoyich ta gubboon, ishaanoon shettee beetinaꞌoyich ta gaakkoon, immehoye; taan coonee, ta aafooch cuddii beetinaꞌo waanee, ta aafoon bara wochaano taane.

Isiyaasi 52:14

Ashichoyee beshoon bi malleto bachitoyich, ashichoyee beshoon bi gaawoo xummetoyich, meetinaꞌo bi naboona worganemminaꞌone.

Isiyaasi 53:10

Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.

Isiyaasi 53:4

Iberoochaa no biiyoon aroo deqqiye; no qaakkeyoonoo bi toommooch tuniihe; tunebaani no, Yeeri yexaa dihitonaa naxeetonon, xuuxetonoo shaahiyaꞌa ciinnehone.

Mikiyaasi 5:1

Hini ginee naayinaꞌochi katemoocho, ginee naayinaꞌon kicibe; giicheto noone. Israꞌeelee wulloochi gaakkoon gumboona xoobbii beetinaꞌone.

Zakaariyaasi 11:8

Ikke agenee daggooch keejje qiddeenaꞌon yookkeho. Boonoshiyoo taan shixxiyeete; tawoo boonoshin sheeneho.

Maatiyoosi 26:67

Arooba bi aafooch cuddiyeete; biinoo tukeheete; bareenaꞌo wotta tappeebee,

Maatiyoosi 27:63

Kiceeꞌi ishichiyeete: “Doonocho, are ashoon dawushoona muriciyecho qitaanoon beebee, ‘Keejje qemoyee gubb qitoochee tiyemmo taane’ bi iton shalligito noone.

Maariqoosi 10:33

“Ebiyoche, and Yerusaalem hammaabeeto noone. Aroochaa Ashi Bushoon qeeshee ukkireenaꞌonaa Muusichi Sheeree dojjechinaꞌonoyich beshiiree immemminaꞌone. Boonoshiyoo ‘Qitibe’ getiree bi toommooch nallemminaꞌone; Aageteenaꞌoyichoo beshiiree immemminaꞌone.

Maariqoosi 10:34

Boonoshiyoo biin coonemminaꞌone; bi toommooch cuddemminaꞌone; arengoona xoobbemminaꞌone; aroyee gubb wuxemminaꞌone; tunebaani keejje qemooba qitoochee tiyemmone” iye.

Maariqoosi 14:34

Boonoshin “Ta kashe ayinoona xuuxaꞌa kech beddetine. Hiniich beebote; tokketaayi kuppheree quyebote” iye.

Maariqoosi 15:19

Wotta bi qelloon shimeree gumboona xoobbiyeete; cudonoo bi toommooch cuddiyeete; wotta guteneꞌi goyinneheete.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Luqaasi 16:14

Fariseenaꞌo gijja shuneenaꞌo boonoshi tunetoyich, ebi Yesuusi gettito bullin waayeꞌi cooqqiriyeete.

Luqaasi 19:41

Yesuusi Yerusaalem shagg beddiꞌi katemoon ciinniichii eeppiibee ishichiye:

Luqaasi 9:22

Yesuusi daakkiꞌi bi dabbeenaꞌoyich ishichiye: “Ashi Bushoo wodde xuuxoon beego biich echeyaani mooyone. Geeneenaꞌonaa qeeshee ukkireenaꞌona, Muusichi Sheeree dojjechinaꞌoo biin shixxemminaꞌone; wuxiishoo gettemminaꞌone; tunebaani keejje qemooba qitoochee tiyemmone” iꞌi manjii gettiye.

Yowannisi 11:35

Yesuusi acimoon ukkiye.

Yowannisi 8:48

Ayihudeenaꞌo wochiꞌi, “Shamaarecho ne tunoon, yinnoo ne toommooch beemon no geto iberoo toone?” iyeete.

Yibbaatoo 32:15

“Israꞌeeleenaꞌote, ittoshiyoo gaannee michiꞌi Doono Yeeri toommooch tiyiyote; ittoshiyoo aangii nuuriꞌi gaannehote. Aroochee ittoshin halliti Yeerin qajjiyote; ittoshin wodiyechi Xaqqee Inderoon qallayiyote.

Hibireena'o 4:15

Axaaxoon baach shuuneyaachalli, bulli gommona noochoommon daabiloosi biin gondoon shuuniiya qiiccetaa beeggitone; ebich no maraato biich waayeyaani, qeeshee guudo toonoone.

Hibireena'o 5:7

Yesuusiyoo hini showee toommooch bi beehooba, qitoochee biin wodiyoon hakkemmi Yeer waan oogeti cookoonaa acimoona corootoonaa qolloonon giddiihe; bi qelloon giishiiꞌi Yeerich bi hajjeetoyich, Yeeriyoo waayehe.