Isiyaasi 53:2 - Kafa Linguistics Project

² Ebi maddecho, shuuꞌi showooch cammon awureti, maayi colloochoommon, bi aafooch, dicciye; bi waan no ciinnemmoyich, gaawoo woyee yiiroo biich aalloone; biin no shunnemmoyich, malleto biich aalloone.

Isiyaasi 53:2 ပူးပေါင်းရင်းမြစ်များ

Isiyaasi 11:1

Iseyichi xugoochee ato dolli kechemmone; bi xepphoocheenoo ato ateree aafemmone.

Isiyaasi 4:2

Arooba Doono Yeerichi michi qaakko mallet gaawoonaa oogechona tunemmone; showoochee daneebeeti aafo, muriccii woditi Israꞌeeleenaꞌoyich geecoonaa oogoonon tunemmone.

Isiyaasi 52:14

Ashichoyee beshoon bi malleto bachitoyich, ashichoyee beshoon bi gaawoo xummetoyich, meetinaꞌo bi naboona worganemminaꞌone.

Isiyaasi 9:6

Gaggeroo nooch shiijjetone; anaami bushoo nooch ichetone; taatittino bi kishooch tunemmone. Bi shigoo Worganikkiti Ciiccecho, Beshe Hakkechi Nuggishoo, Bulli Yemeenee Nihoo, Diggee Ukkiroo, getteyemmone.

Erimiyaasi 23:5

Doono Yeeri ishichiye: “Daawitichi gumboochee cadiqo tuneton taatoo bi tunemmoyich, ta kaaccemmi yemeeno woyemmone; ebi taatoo ariyoona qeejjemmone; showee toommooch dayinnetoonaa cadiqoona tuneti mooyon tuniyemmone.

Zakaariyaasi 3:8

“ ‘Qeeshee guudo Yaaso, ebin waayebe; ebi neenna tookkii maddeebeeti, gubb woyemmi deꞌe mooyoyich malletoo tuneti asheenaꞌoo ebin waayebeete: Ebiyoche, Ato getteeti ta guunon deejjemmo taane.

Zakaariyaasi 6:12

Biichoo Beshe Mawe Doono Yeeri ishichiye: ‘Bi shigo Ato getteeti asho hinine; biyoo bi xaaꞌoochaa gafgappemmone. Doono Yeerichi yaafee kexonoo haggemmone.

Maariqoosi 6:3

Hini uro anaaxoo toone? Maariyamichi bushoo toone? Bi maneenaꞌo Yaaqobi, Yoosi, Yihudinaa Simoonina tooneenaꞌone? Wotta bi maache maneenaꞌo noonna tookkii beetinaꞌo tooneenaꞌone?” iꞌi hoxeheete.

Maariqoosi 9:12

Biyoo wochiꞌi boonoshich ishichiye: “Iberoone; Eliyaasi shiichiree woyemmone; waaree bulli mooyon tachemmone. Tunetaa Ashi Bushoo wodde xuuxoon beeggemmo, hoxeyemmoo bi tuno bi kooreeto amoyichiye?

Luqaasi 2:7

Aroochaa bi qaabbe bushoonoo shiyahan. Arooba iibbeenaꞌoch kexooch boonoshi qeyemmi xaaꞌoo aalletoyich, gaggeroon buroommi qoreddoona caaccaꞌa yegillooch tokketiihan.

Luqaasi 9:58

Yesuusiyoo “Boqqelleenaꞌoyich oppo, shimaajji kafeenaꞌoyichoo kexo beetone; tunebaani Ashi Bushoyich giyi bi qeyemmi xaaꞌoo aalloone” iye.

Yowannisi 18:40

Boonoshiyoo wochiꞌi, “Barbaani biicheballi, hini uro biichaaye” iibee cookeeheete; ebi Barbaani bokkoone.

Yowannisi 19:5

Arooba Yesuusi angichi gubbichoon bi uketonaa damere tahoon bi tahetona maaxooch kechiye; Phelaaxoosi boonoshich “Ebiyoche uro!” iye.

Roomi 8:3

Meeno hakkaano bi tunetoyich, sheeroo tuniyoon hakkaani mooyon Yeeri hakkiye; Yeeri axaaxoon wokkiiya, bi hajjee Bushoon axaaxechi meechi shaahoona wocheꞌi, meenon hajjiibeeti axaaxee toommooch naxoon kindiihe.

1 Pheexiroosi 2:14

gondoon shuunee beetinaꞌon sheeroonaa deꞌoon shuunee beetinaꞌon naadoonoyich bi waanee wocheeti iraasheenaꞌoyichoo deꞌa getote.