Isiyaasi 53:12 - Kafa Linguistics Project

¹² Bi kashoon qitooch beshiiꞌi bi immitoyich, gonde shuunechinaꞌona tookkii bi haddeetoyich, ogoogeenaꞌona tookki bi qoodoon qoodeyemmone; hakkechinaꞌona tookkishoo kecoon qoodeyemmone. Biyoo meetinaꞌochi axaaxoon shaaggiye; xuꞌechinaꞌoyichoo maaggehe.

Isiyaasi 53:12 ပူးပေါင်းရင်းမြစ်များ

Halloo 3:15

Neennaa ureena daggooch, ne yaroonaa bi yaroona daggoochoo kaaroon geddemmo taane; biyoo ne qelloon pharixxemmone; newoo bi shoqqoon baniyemmo neene” iye.

Iyoobi 30:16

“Illa and, qitiya beddeto taane; qaaqqee beemoochee kashe ta wottemmi aabo aalloone.

Shoddo 2:8

Taan qollebe; aagetoo bullin neech hajjiyemmo taane. Showoo bullin ne iristo tuniyemmo taane.

Shoddo 22:14

Ta giidoo qajjiꞌi aacon tunehe; ta shaawusho bulli bi kocoochee shekirehe; ta mulloo maacaa gippee wocoommon wocciye.

Keyo 15:9

“Etto ‘Yoohi yeshi keccemmo taane; boonoshi gijjoochee kecoon qoodeyemmo taane; ta qaawiton deqqemmo taane. Ta goraadoon kaaccemmo taane; boonoshin aalliyemmo taane’ iye.

Isiyaasi 49:4

Tunebaani ta “Duuboon aajjoye; gaacaalli duuboyich ta giidoon ciichiyoye; tunetaa, ta mooyo Doono Yeer waaniye; ta aayi gatiyoo ta Nuggishoo waaniye” iyoye.

Isiyaasi 52:13

Doono Yeeri ishichiye: “Ebiyoche, ta guunoyich mooyo kaamemmone; damba oogichiree oogemmone.

Isiyaasi 52:15

Boonoshich getteyaanoon beeggemminaꞌo boonoshi tunetoyich, boonoshi waayeyaanoon shalligemminaꞌo boonoshi tunetoyich, bi naboona meeti aageteenaꞌo worganemminaꞌone; taateenaꞌo bi naboona worganemminaꞌone” iye.

Isiyaasi 53:6

No bulli bagoochoommon yallyallimaa aallehone; no ikkikkoona no kaatti kaattoon yechehone. Tunebaani Doono Yeeri no bullichi xuꞌoon, bi toommooch tuniihe.

Isiyaasi 53:8

Dayinnetaalloon bi toommooch nalliꞌi daammiyeete; ta asheenaꞌochi axaaxee qoodoyich yexxeꞌi, kashechinaꞌo beeti showoochee bi aalloon, shiijjeree daggoochee konine ariito?

Daaneeli 2:45

Ne beeggeti, asho koniyoona biin yeshaanoon guudoochee waaxee kindiꞌi, xuuroon, gooshoon, nuuqqoon, birewoonaa aachoonon buricciti xaqqo geto, ebine. “Oogoo tuneti Yeeri gubb tunemmon neech bekkiitone. Ebi gumo iberoone; bi biishoo xiisheetone” iye.

Maatiyoosi 26:42

Wotta guttinnoon hammiꞌi corootiibee, “Ta Nihoocho, hini xuuxee xoofoon uyo taach bi qaawiigaata, ne daaggoo tunebe” iye.

Maariqoosi 15:27

Wotta biinna tookkii gutte bokkeenaꞌon ikkoon bi qanne badd, ikkoonoo bi yooche badd yooddiyeete.

Maariqoosi 15:28

[Arooba Yaafe Macaafooch “Sheeroon shaaddetinaꞌona tookkii haddeehe” getaa kooreeto ceenniye.]

Luqaasi 23:25

Hukkee bi tiijjoonaa ashoon bi wuxoonoyich cucheti, are boonoshi echeti Barbaanin biichiihe; tunebaani Yesuusin boonoshi qaawitoommon beshiiꞌi immiye.

Mishiraachechinaꞌo 26:18

Neen ta daachiibeeto, boonoshi aafoon qechiree manderoochee bekkooch, Sheexaanoyich hajjeyoochee Yeerich hajjeyooch ne wochemmoyichiye. Arooba boonoshi axaaxoyich maaroon danemminaꞌone; wotta ta toommooch mulloon tooꞌiyoona yaafeeti asheenaꞌo deqqemmi wojjooch boonoshi ixoo haddeyemmone’ iye.

Roomi 8:34

Boonoshi toommooch nallemmo konine? Qitito, ebiyeenoo qitoochee tiyito, Yeerichi qanne badd koteꞌi beeti Kiristoos Yesuusi no qoodoon Yeerin nooch qollee beetone.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Filipphisiyoosi 2:17

Illa gibenoona ittoshi giddiibeeti deejjoonaa maddoonochi toommooch uyee deejjoon tunaꞌa ta deejjeeto gaatoona emiriyoye; ittoshina tookkaa emirito taane.

Qolaasiyaasi 2:15

Hini are masqalee toommoochaa Kiristoosi gondoochi iraasheenaꞌonaa ukkireenaꞌonon kochii wochiꞌi, boonoshi giidoon shootona bulli aafooch cooqqireetinaꞌon tuniihe.

Titoosi 2:14

Biyoo axaaxoo bulliichee noon biishiya, wotta deꞌoon shuuneya qaatiibeeti, biich tunemmi asheenaꞌon xalliiya noocha iꞌi bi kashoon beshiiꞌi immitone.

Hibireena'o 7:25

Biyoo boonoshicha iꞌi shoobba bulli aaboon kashoona beetone; ebich wotta bi waanaa Yeer waan giddee beetinaꞌon andoo bulli yemeenoonoo wodiyoon hakkiye.

Hibireena'o 9:24

Kiristoosi ashi kishoona shuuneeti Yaafe Xaaꞌooch, ebiyoo ibere yaafe xaaꞌeexi shaahiyoona tuneti xaaꞌooch giyaanoone; tunebaani shimaayooch giyiichii, and noocha iꞌi Yeeri aafooch giddetone.

Hibireena'o 9:26

Ebi tunesho gaata, hini alemo halleetoochee tiijjiree, wodde wottoon xuuxoon beego biich qaawiyeshone; tunebaani and yemeenee ciiro katinaa, bi qelloon beshii deejjoon tuniiꞌi, axaaxoon wokkiiya koshiyoo aalli ikke wottoon bekketone.

Hibireena'o 9:28

Ebiyoommon Kiristoosi wotta meetinaꞌochi axaaxoon shaagga ikke wottoon bi qelloon deejjoo tuniiꞌi bi giddiitoyee gubb, axaaxoon shaagoyich tuneyaanoon, biin quyee beetinaꞌon wodiyoyich, boonoshicha getiree guttinnoon woyemmone.

1 Yowannisi 2:1

Ta shuni bushiisheenaꞌote! Hinin ittoshich ta kooraabeeto, axaaxoon ittoshi shuuneyaachemmoyichiye; tunetaa no daggoochee koniyoona axaaxoon bi shuunegaata, no keroyich shoobbecho Nihoo Yeeri aafooch beetone; biyoo cadiqe Yesuus Kiristoosine.

1 Yowannisi 2:12

Ta shuni bushiisheenaꞌote! Ittoshich ta kooraabeeto, Yesuusi naboona ittoshi axaaxoo maareetoyichiye.