Isiyaasi 53:10 - Kafa Linguistics Project

¹⁰ Biiyoona bi yexxeyemmoyich Doono Yeeri daaggiye; bi kashoon axaaxee deejjoo bi tuniitoyee gubb, bi yaroon beeggemmone; bi eeno genjemmone; Doono Yeerichi daaggoo bi kishoona ceennemmone.

Isiyaasi 53:10 ပူးပေါင်းရင်းမြစ်များ

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Shoddo 147:11

Tunebaani Doono Yeeri emiriibeeto, biin shattii beetinaꞌona, bi shoodoon gibenee beetinaꞌonane.

Shoddo 149:4

Ebiyoo Doono Yeeri bi asheenaꞌona bi emiritoyich, qelloon giishii beetinaꞌoyich wudoon imona oogiibeeto bi tunetoyichiye.

Shoddo 21:4

Kashoon ne waanee qollehe; kashee genjoon, bulli yemeenooch biich immehine.

Shoddo 22:30

Woyemmi shiijjereenaꞌo biich maddemminaꞌone; boonoshiyee gubbi shiijjeroyichoo Doono Yeerichon gettemminaꞌone.

Shoddo 22:31

Batt shiijjeyaani asheenaꞌoyich bi cadiqoon, bi tuniiton awaajjemminaꞌone.

Shoddo 69:26

Ebiyoo ne naxeti asheenaꞌon boonoshi duꞌitoyich, ne mayiitinaꞌonoo daakkiꞌi boonoshi shooddiitoyichiye.

Shoddo 72:17

Bi shigo bulli yemeenoon manjiree beebe; bi mooyo getteebee aabo yagoommon yagibe. Aagetoo bulli biinna diireebe; aagetoo bulli biin “Diireetone” gete.

Shoddo 72:7

Bi yemeenooch cadiqittino gamine; agenee bi kotoochee aallemmi wottoon diggoo woddebe.

Shoddo 89:29

Bi shiijjeroon bulli yemeenoon, bi taatee qeenonoo shimaayoo manjiꞌi beemoommon, manjiyemmo taane.

Shoddo 89:36

Bi shiijjeroo bulli yemeenoon beeyemmone; bi taatee qeenoo aaboochoommon ta aafooch beeyemmone.

Isiyaasi 42:1

Doono Yeeri ishichiye: “Deggaa ta yecheti, ta kaacceti, biinna ta emiriti, ta guuno hinine; ta Ayaanoon bi toommooch kotiito taane; biyoo aageteenaꞌoyich dayinnetoon kindiyemmone.

Isiyaasi 46:10

Ciirooch tunemmi mooyon shiichaꞌa awaajjito taane; meeti yemeenoyee aaf, amo tunemmo gaata getteto taane. ‘Ta ciico manjoone; ta daaggoo bullin ceechemmo taane’ ito taane.

Isiyaasi 49:4

Tunebaani ta “Duuboon aajjoye; gaacaalli duuboyich ta giidoon ciichiyoye; tunetaa, ta mooyo Doono Yeer waaniye; ta aayi gatiyoo ta Nuggishoo waaniye” iyoye.

Isiyaasi 53:12

Bi kashoon qitooch beshiiꞌi bi immitoyich, gonde shuunechinaꞌona tookkii bi haddeetoyich, ogoogeenaꞌona tookki bi qoodoon qoodeyemmone; hakkechinaꞌona tookkishoo kecoon qoodeyemmone. Biyoo meetinaꞌochi axaaxoon shaaggiye; xuꞌechinaꞌoyichoo maaggehe.

Isiyaasi 54:3

Yoochinaa qanninooch ne gidoon gamichemmi neene; ne yareenaꞌo aageteenaꞌon woraashemminaꞌone; happeeti katemeenaꞌoochoo wochinnoon kotemminaꞌone.

Isiyaasi 61:9

Boonoshi shiijjereenaꞌo aageteenaꞌo daggooch, boonoshi yareenaꞌo asheenaꞌo daggooch arichetinaꞌo tunemminaꞌone; boonoshin beeggimmo bulli, Doono Yeeri taanna diireetinaꞌo boonoshi tunoon ariyemmone” iye.

Isiyaasi 66:22

“Ta hallemmi andire showoonaa andire shimaayoona ta aafooch manjiree beeyemmo bi tunoommon, ittoshi yaroonaa ittoshi shigoona manjiree beeyemmone.

Isiyaasi 9:7

Bi taatittinoyich daaro, bi diggoyichoo ciiro aalloone. Andee tiijjiree bulli yemeenooch beddaahaa, bi taatittinoon dayinnetoonaa cadiqoona, deggii neechoyich, manjiiyoyichoo, Daawitichi taatee qeenooch kotemmone; Beshe Mawe Doono Yeerichi qanaato ebin tuniyemmone.

Erimiyaasi 32:41

Boonoshich gaawe mooyon tuniyoona emiremmo taane; ta ceeni mulloona, ta ceeni kashoona iberoochaa hini xaaꞌooch boonoshin bechemmo taane.

Hiziqeeli 33:11

‘Ta, beeyechi Nuggishoo Doono Yeeri ta tunoona wogehoye: Axaaxecho bi gommoochee wotteree kashoona bi beeyemmoyichani, bi qitoona emiraache. Israꞌeelee macceenaꞌote, wottebote. Ittoshi gonde gommoochee wottebote. Amoyichiye ittoshi qitemmo?’ itone gete.

Hiziqeeli 37:25

Boonoshi qaabbechinaꞌo beebee echeti, ta guuno Yaaqobich ta immeti showooch kotemminaꞌone; boonoshi, boonoshi bushiisheenaꞌonaa bushaa bushiisheenaꞌona bulli aaboon arooch beeyemminaꞌone; ta guuno Daawiti bulli aaboon boonoshi toommooch taatemmone.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Mikiyaasi 7:18

Curo tuneꞌi echeti bi asheenaꞌochi axaaxoon maariibeeti, boonoshi xuqqiti xuꞌoonoo shaaddeebeeti, neenoommi Nuggishoo halla konine? Shoodecho ne tunetoyich, ne kaaroon bulli yemeenoon yagiyaachine.

Sofoniyaasi 3:17

Ittoshi Nuggishoo Doono Yeeri ittoshina tookkii beetone; bi immiibeeti giidoona wudoon danemmo ittoshine. Biyoo ittoshina oogichi emiremmone; bi shunoona ittoshi kashoon andiriyemmone. Asheenaꞌo baaroon baariibee emiroommon, ittoshina oogichi emiriree shoddemmone” getteyemmone. Doono Yeeri ishichiye: “Ittoshi duꞌoon ittoshi waanee wokkiyemmo taane; ebiyee damba ittoshin yeelliyemmi mooyo beetaachemmone.

Zakaariyaasi 13:7

Beshe Mawe Doono Yeeri ishichiye: “Goraadoocho, ta qiddoo toommooch, ta nuuchoo toommooch tibe! Qiddoonoo yexe! Bageenaꞌoo shacemminaꞌone; tawoo ta mochoon gishiisheenaꞌo toommooch tiijjemmo taane.

Haddoo 7:15

micciibeeti deejjoyich ikke wuro, ikke ooge bagee baaddoo, ikke nato tuneti ikke bagee baaddoo,

Maatiyoosi 17:5

Ishin getooch bi beetaa, bekkech nacce huuttoommi qubo waaꞌi boonoshin yiirehe; qubee daggoochaa “Biinna ta emiriti ta shuni Bushoo hinine; bi waanee waayebote” ii beeti qaaroon waayeheete.

Maatiyoosi 3:17

Wotta shimaayoochee “Biinna ta emiriti, ta shuni Bushoo hinine” ii beeti qaaro waayeehe.

Luqaasi 1:33

Biyoo bulli yemeenoon Yaaqobichi yaroo toommooch taatemmone; bi taatittinoyich ciiro aalloone” iye.

Yowannisi 1:29

Bi dechara Yowannisi bi waan Yesuusichi womon beeggiꞌi ishichiye: “Ebiyoche, alemee axaaxoon hidi wokkiyemmi Yeerichi Bago!

Yowannisi 12:24

Iberoon ittoshich gettoye: Ikke teepphee aafe showooch hollaꞌa bi qitaan gaata, bi ikkeeti echemmine; tunetaa bi qitigaata, wodde aafoon aafemmine.

Yowannisi 13:32

Yeeri biinna bi ooge gaata, Yeeri bi qelloona biin oogiyemmone; andoo bekkech oogee yiiroon biich immemmone.

Roomi 6:9

Kiristoosi qitoochee bi tiyitoyee gubb, illa qitaachemmo bi tunoon, qitoo biin hajjaachemmo bi tunoonoo ariibeeto noone.

Roomi 8:32

Yeeri bi hajjee Bushoyich ariqqeyaanoon no bullicha iꞌi beshii immiye; ebich wotta biinna tookki bulli mooyon nooch wojjemmone.

Roomi 8:8

Meenoyich hajjeeꞌi beetinaꞌo Yeerin emirikkoon hakkaacheete.

2 Qorontoosi 5:21

Kiristoosicho no tunoona Yeerichi cadiqoo no toommooch bi tunemmoyich, axaaxoon shuunee ariyaano toommooch Yeeri no axaaxoon shaakkiihe.

Galaati 3:13

“Mixooch yooddeebeeto bulli uppetone” getaa kooreetone; ebich Kiristoosi noocha iꞌi uppeton tuneꞌi sheeroo no toommooch deebemmi ufoochee noon biishehe.

Efesooni 1:5

gaawe bi daaggoona Yesuus Kiristoos waanaa biich bushiishoo no tunemmoyich shiichiꞌi gabii maacciye.

Efesooni 1:9

bi gabiton Kiristoos waanaa tuniiya bi shunnitoommon tuniihe; ebiyee aafoo asho ariyaani bi daaggoon nooch arichiitone.

Efesooni 5:2

Kiristoosiyoo wotta noon bi shunnitoommon, Yeerin emirikkiibeeti cinnechi buuroommonaa deejjoommonon tuniiꞌi noocha ii bi qelloon beshiiꞌi bi immitoommon, shunoona beebote.

2 Tasaloonqi 1:11

Ebich wotta no Nuggishoo bi ceeggiti gaboyich bedditon ittoshin bi tuniyemmoyich, tuniyoyich ittoshi gabiibeeti gaawe gaboon bi giidoona ceechiree, Kiristoosi toommooch mullee tooꞌiyoona ittoshi tuniibeeti shuunoyich ittoshin bi gaachemmoyich, bulli aaboon ittoshich corootaabeeto noone.

Hibireena'o 2:13

Daakkiꞌi wotta, “Yeerin gibenaabeeto taane” iye. Daakkiꞌinoo wotta, “Ebiyoche, taannaa Yeeri taach immiti bushiisheenaꞌona!” iye.

Hibireena'o 7:27

Bare qeeshee guudeenaꞌochoommon shiichiꞌi bi qelli axaaxoyich, gubb wotta asheenaꞌochi axaaxoyich qemi qemona deejjoon Yeerich giddiyoo biich qaawiyaanoone. Asheenaꞌochi axaaxoyich bi qelloon deejjoo tuniiꞌi Yeerich bi giddiihooba, ebi deejjoon ikke wottoon ceechiꞌi tuniitone.

Hibireena'o 9:14

kiinaallo tuneꞌi bulli yemeenoon beeyemmi Yeerichi Ayaanoona bi qelloon deejjoo tuniiꞌi Yeerich giddiiti Kiristoosichi damoo aabichiree beshoon beeyechi Yeerich no maddemmoyich, qitoo tuneti shuunoochee no mulloon xalliyemmo tunehe!

1 Pheexiroosi 2:24

Axaaxoyich qitiree cadiqee shuunoon shuunebee no beeyemmoyich, bi qelloona bi meenona michi toommooch yooddeꞌi no axaaxoon shaaggiye; yexxeꞌi bi mayetoyich, wodito ittoshine.

Yaaꞌoo 1:18

Beeyecho taane; qitito taane, tunebaani ebiyoche and bulli yemeenoon beeyecho taane; qitoonaa Siꞌooloonon qechiibeeti qulfo taach beetone.