Isiyaasi 52:9 - Kafa Linguistics Project

⁹ Yerusaalemi buriceenaꞌote, Doono Yeeri bi asheenaꞌon bi goggiitoyich, Yerusaalemin bi biishetoyich, ikkittinoona emiroona shoddebote.

Isiyaasi 52:9 ပူးပေါင်းရင်းမြစ်များ

Shoddo 102:22

Ebiyoo macceenaꞌonaa taatee showeenaꞌona Doono Yeerich goyinneya kiceehoobane.

Shoddo 98:4

Showee toommo bulliich beeti asheenaꞌote, Doono Yeerich shoddebote; shoddoonaa ililoona Yeerin galletebote.

Isiyaasi 12:6

Ittoshi daggooch beeti, Israꞌeelee Yaafoo oogeto bi tunetoyich, Tsiyooni beetinaꞌote, ililibote” gettemmo ittoshine.

Isiyaasi 14:7

Showoo bulliyoo kashee, tooqqitone; emiroona shoddee beetone.

Isiyaasi 40:1

“Goggiibote; ta asheenaꞌon goggiibote” iye ittoshi Nuggishoo Yeeri.

Isiyaasi 43:1

Yaaqobo, Israꞌeelo, neen halliti, Doono Yeeri and ishichii beetone: “Neen biisheto taane; shattaahine; ne shigoona neen ceeggeto taane; ne taacho neene.

Isiyaasi 44:22

Ne axaaxoon quboochoommon, ne xuꞌoon quboochoommon, shoterekkayiree aalliyemmo taane; neen ta biishetoyich ta waan wottebe” iye.

Isiyaasi 44:23

Doono Yeeri ebin bi tuniitoyich, Doono Yeeri Yaaqobin bi wodiitoyich, Israꞌeeleenaꞌo daggooch bi oogoon bi bekkiitoyich, shimaayeenaꞌote, biich shoddebote; showee ducheenaꞌote, oogii cookibote. Guudinaꞌote, kubbeenaꞌonaa bi daggooch beeti mixinaꞌonote, ililibote.

Isiyaasi 44:26

tunebaani ta maddechinaꞌochi qaaroon kachiyemmo taane; ta wocheyechinaꞌochi ciicoon ceechemmo taane; Yerusaalemin ‘Ashi beemi xaaꞌoon tunemmine,’ Yihudee katemeenaꞌonoo ‘Wochinnoon shuuneyemminaꞌone,’ boonoshi buriceenaꞌonoo ‘Tiyemmo ittoshine,’ gettemmo taane.

Isiyaasi 48:20

Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Isiyaasi 49:13

Doono Yeeri bi asheenaꞌon goggiyemmo bi tunetoyich, iritechinaꞌoyichoo ariqqemmo bi tunetoyich, shimaayoocho, emiroona shoddebe; showeene, emiribe; guudinaꞌote, ililibote.

Isiyaasi 51:12

Doono Yeeri ishichiye: “Ittoshin goggiyemmo ta qelloona taane; qitemmi ashich, mocoo shoolloommon shoollemmi ashi bushiishoyich, ittoshi shattiibeeto amoyichiye?

Isiyaasi 51:3

Doono Yeeri ta, Tsiyoonin, shokkoon echeti bi xaaꞌoonoo, goggiyemmo taane; bi barahoon Edeniyoommon, Doono Yeerichi bechee mixinaꞌo beeti xaaꞌoommonoo, tuniyemmo taane; bi waan emiroonaa wucwucona danemmone; galletee shoddo bi waanaa shoddeyemmone.

Isiyaasi 55:12

Ittoshiyoo emiroona kechemmo ittoshine; diggoona deenneyemmo ittoshine. Guudinaꞌonaa geppeenaꞌona emiri xuuphi shoddemminaꞌone; kubbi mixinaꞌo bulli koppemminaꞌone.

Isiyaasi 61:4

Boonoshiyoo wonna happeeti buriceenaꞌon shuunemminaꞌone; wonna dihitinaꞌon wochi tiijjemminaꞌone; meeti shiijjeroyee aafi tiishee aalleti katemeenaꞌon, wochi shuunemminaꞌone.

Isiyaasi 63:9

Boonoshi xuuxoona xuuxehe; bi aafeexi maraakoo boonoshin wodiihe; bi shunoona, bi ariqqoonoo boonoshin biishehe; wonnee yemeeno bullin boonoshin tiijjii shaaggiye.

Mikiyaasi 4:10

Yerusaalemi asheenaꞌote, maaxoo manjeti ureechoommon gaashiribee maacerebote; katemoochee keyiree xalle gaddooch kotemmo ittoshine; Baabloonee showooch hammemmo ittoshine. Tunebaani Doono Yeeri aroochaa ittoshi etteenaꞌo kishoochee ittoshin shiwe wodiyemmone.

Galaati 4:27

“Hini shiyaani xaafeene, emiribe! Haane maaxoo manjaa ariyaaneene, ne qaaroon oogichiree ililibe! Kenechi ureechi bushiishoyee beshoon, kenaallechi bushiishoo meettitone” getaa kooreetone.