Isiyaasi 52:8 - Kafa Linguistics Project

⁸ Doono Yeeri Tsiyoon wottoon aafoona boonoshi beeggitoyich, ne kellechinaꞌo qaaroon oogichiꞌi ikkittinoona boonoshi shoddeebeeti emiree shoddoon waayebe.

Isiyaasi 52:8 ပူးပေါင်းရင်းမြစ်များ

Shoddo 102:22

Ebiyoo macceenaꞌonaa taatee showeenaꞌona Doono Yeerich goyinneya kiceehoobane.

Solomooni 3:3

Katemoon guuddii quyeebee, kellechinaꞌo taanna daneheete. Tawoo, “Kashoona ta shunnaa beeton beeggitote?” iyaꞌa boonoshin echeho.

Solomooni 5:7

Kellechinaꞌo katemoon guuddiibee taan daneheete; taan yexxiꞌi mayiiheete; ebi katemee uxeree kellechinaꞌo toommeexi ta tahoon shoottii daammiyeete.

Isiyaasi 24:14

Aalloochee muriccii woditinaꞌo emiroona ililemminaꞌone; aabi-gimo waan beetinaꞌo bulli Doono Yeerich oogoon immemminaꞌone.

Isiyaasi 26:1

Arooba ebi shoddo Yihudee showoochaa ishichaa shoddeyemmone: “Mishigechi katemoo nooch beetone; Yeerichi wodiyoo, xaqqee uxeroonaa mishigoonon nooch tunetone.

Isiyaasi 27:2

Arooba ishichaa shoddeyemmone: “Gaawe aafoon aafeebeeti woyinee goyoyich ishichi shoddebote.

Isiyaasi 30:26

Doono Yeeri bi asheenaꞌochi tiishoon sheppheꞌi bi wodiihooba, bi naxo mayiiton bi wodiihooba, agene aabeechoommon aaxxemmine; aabee aaxxo aafichoyee shabaatte kishoon besho tunemmone; shabaatte qemi aabo ikkochee kechiton shaahiree bekkemmone.

Isiyaasi 35:10

Doono Yeeri biishetinaꞌo aroona shaꞌemminaꞌone; shoddebeeshoo Tsiyoon woyemminaꞌone; bulli yemeenee emiroon ukoochoommon ukemminaꞌone; emiroonaa wucwuconon danemminaꞌone; ayinoonaa tuumona wokkemmone.

Isiyaasi 40:9

Mishiraachoon gettaabeeti Tsiyoone, guudi cullullooch keye; mishiraachoon gettaabeeti Yerusaaleme, ne qaaroon oogichi cookibe; shattaahine; Yihudee katemeenaꞌoyich, “Ebiyoche ittoshi Nuggishoo” gete.

Isiyaasi 48:20

Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Isiyaasi 56:10

Israꞌeelee qayechinaꞌo aaf doogeenaꞌone; boonoshi bullich ariyoo aalloone; buhaani miime kunaanoomminaꞌone; tokketeechii gummiyeete; tokketoonoo shunniyeete.

Isiyaasi 58:1

Doono Yeeri ishichiye: “Ne qaaroon qoophaanoon oogiiree cookibe; ne qaaroo shametoochoommon sharaalliibe; ta asheenaꞌoyich boonoshi xuꞌoon, Yaaqobichi yareenaꞌoyich boonoshi axaaxoon gete.

Isiyaasi 62:6

Yerusaaleme, qayechinaꞌon ne uxereenaꞌooch kotiito taane; boonoshiyoo xumoonaa areddoonon ciroona cikkaachemminaꞌone; Doono Yeer waan cookii beetinaꞌote, ciroona kasheyaahote.

Erimiyaasi 31:12

Waaree Tsiyooni guudoochaa emiroona shoddemminaꞌone; Doono Yeerichi deꞌittinoona, maayoon, woyinee uyoonaa zayitoonon, emmishoonaa bagee baaddoonon, bariyoonaa gidereenon daneree emiremminaꞌone. Bedditi aacon daneti bechee budiyoommon tunemminaꞌone; ebiyee bekk ayinaachemminaꞌone.

Erimiyaasi 32:39

Boonoshichoo boonoshiyee gubbi boonoshi bushiisheenaꞌoyichoo bi gaawemmoyich, bulli aaboochoo taan boonoshi shattemmoyich, ikke mulloonaa ikke gommonon immemmo taane.

Erimiyaasi 33:11

wucwuci qaaroonaa emiree qaaroona, woꞌee kenoochi qaaroonaa woꞌeechi qaaroona ebiyoommon wotta, ‘Doono Yeeri deꞌo bi tunetoyich, bi ariqqoo bulli aabeecho bi tunetoyich, Beshe Mawe Doono Yeerin galletebote’ ii beeti galletee deejjoon yeshiree Doono Yeerichi yaafee kexooch woyemmi asheenaꞌochi qaaro waayeyemmone; ebiyoo showeechi kecoon wonnee bi goorooch wochemmo ta tunetoyichiye” iye Doono Yeeri.

Erimiyaasi 33:7

Yihudee kecoonaa Israꞌeelee kecoonon wochemmo taane; wonnee boonoshi beemooch boonoshin wochiree bechemmo taane.

Erimiyaasi 6:17

Tawoo ‘Shametee qaaroon waayebote’ iyaꞌa quyechinaꞌon ittoshi toommooch ukkiriihoye; tunebaani ittoshi waayeyaachone iyote.

Hiziqeeli 3:17

“Ebich ashi bushoocho, neen Israꞌeelee macceenaꞌochi qayecho tuniito taane; ebich ta qaaroon waayebe; neech ta gettemmi qaaroona boonoshin meeqqeqqiibe.

Hiziqeeli 33:7

“Ebich ashi bushoocho, neen Israꞌeelee macceenaꞌon qayecho tuniito taane; ebich ta qaaroon waayebe; neech ta gettemmi qaaroona boonoshin meeqqeqqiibe.

Sofoniyaasi 3:9

“Aroochee boonoshi bulli ta shigoon ceegiree ta waan boonoshi corootemmonaa ikkotteree taach boonoshi goyinne maddemmonoyich, aagetee asheenaꞌochi heciyoon xalloo tuniyemmo taane.

Zakaariyaasi 12:8

Ebiyooba Doono Yeeri ta, Yerusaalemi beetinaꞌoyich deebo tunemmo taane; boonoshi daggoochee hakka guutoo Daawitiyoommi kupphoon tunemmone. Daawitichi kechi asheenaꞌo Nuggishoommon woyee ta maraakoommon tuneree asheenaꞌon yaabi qeejjemminaꞌone.

Mishiraachechinaꞌo 2:1

Baaraachee aabo shagaa, Yesuusichi asheenaꞌo bulli ikkooch kiceeꞌi beeheete.

Mishiraachechinaꞌo 4:32

Arooba Yesuusichi asheenaꞌo bulli ikke mullo, ikke kasho tuneheete; boonoshi daggoochee koniyoona “Hini gijjoo taachone” getaanoone; bullin gogeꞌi ikkooch qoodee beeheete.

1 Qorontoosi 1:10

Tunebaani ta maneenaꞌote! Ittoshi daggooch kupphe kaaro beemon ikkikke Qelooꞌi kechi asheenaꞌo waanee waayeto taane. Ebiyoo ittoshi daggoochee ikkoo “Ta Phawuloosicho taane” bi immona baroo “Ta Aphiloosicho taane” ii beeto bi tunoon, wotta ikkoo “Ta Keeficho taane” bi immona baroo “Ta Kiristoosicho taane” ii beeto bi tunooniye. Ebich ta maneenaꞌote! Ittoshi bulli ikke yibbaatoon ittoshi yibbaatemmoyich, no Doono Yesuus Kiristoosichi shigoona ittoshin qollehoye; ikke mulloonaa ikke gaboona ikkottebotalli, kaareꞌi baribara guupheyoo ittoshi daggooch beeyaaye.

1 Qorontoosi 13:12

Hanaach Yeerin no ciinnaabeeto, dooshireti heeraawoochaa no malletoon no ciinoommoniye; tunebaani arooba biin no aafoona xallayi beeggemmo noone. And Yeerin woddiiꞌa ariyaano taane; tunebaani arooba Yeeri taan bi arii beetoommon, tawoo biin ariyemmo taane.

Hibireena'o 13:17

Ittoshin yaabii qeejjii beetinaꞌoyich deꞌa getote; boonoshi getoonoo waayebote; ittoshichon Yeeri aafoochaa echeyemminaꞌo boonoshi tunetoyich, tokketaalli aafoona qeyiibee ittoshin gabii beetinaꞌone. Boonoshich ittoshi deꞌa getigaata, boonoshi shuunoon emiroonalli ayinoona tuniyaachemminaꞌone. Ayinoona boonoshi tuniigaata, ittoshich amoonolla gaacaache.

Yaaꞌoo 18:20

Shimaayooch beetinaꞌote, emiribote! Yaafeenaꞌote, mishiraachechinaꞌote, keemechinaꞌote, ittoshi toommooch bi tuniiti mooyo bullichi gaacoon Yeeri bi toommooch bi nallitoyich emiribote.

Yaaꞌoo 19:4

Hiyaa awudde geeneenaꞌonaa kashechi awudde halleenaꞌona boonoshi baroona guufeꞌi taatee qeenooch koteti Yeerich “Ameena; Haleluya!” iibee goyinneheete.