Isiyaasi 52:5 - Kafa Linguistics Project

⁵ Doono Yeeri ishichiye: “And hiniich taach amo beete? Ta asheenaꞌo naboo aalloon yeshaa hammitinaꞌone; boonoshi ukkireenaꞌo cookiyeete; bulli aaboon ta shigo naakkehe” iye Doono Yeeri.

Isiyaasi 52:5 ပူးပေါင်းရင်းမြစ်များ

2 Saameeli 12:14

Tunebaani ebin tuniyoona Doono Yeerichi etteenaꞌo biin boonoshi qallayemmoyich ne tuniitoyich, ebi ne shiyeti bushoo qitemmone” iye.

Shoddo 44:12

Ne asheenaꞌon qalli gatiyoona kemmehine; bede gatiyoon qochiyaꞌa kemaano neene.

Shoddo 44:16

Ebiyoo, cooqqirii naageebeetochi qaaroochee tiyitona, shixxechonaa nichoon kichechonochi sheexoochee tiyitonane.

Shoddo 74:10

Yeero, etteenaꞌo cooqqiremmo aati wottooniye? Bulli yemeenoon ne shigoon naagi beebeeta?

Shoddo 74:18

Doono Yeero, aabichii etto cooqqiriibeeto gaata, mullaalli asheenaꞌo ne shigoon hoxeebeeto gaatoo, ciine.

Keyo 3:7

Aroochee Doono Yeeri ishichiye: “Gibits beeti ta asheenaꞌochi xuuxoon beeggeto taane; boonoshin shuuniibeeti ukkireenaꞌo maacee manjoochee tiyitona, boonoshi cookiibeeti cookoon waayeto taane. Boonoshi xuuxoonoo digeneto taane.

Isiyaasi 22:16

‘Ne koni neene? Hini xaaꞌooch ne qellich oppoon ne qanniyemmoyich, geppe xaaꞌooch oppoon ne shuuniito, ne cahoo qeyemmi sheqqoon xaqqee gogginooch ne gooshiito aalloon koni neech imenane?

Isiyaasi 37:28

“ ‘Tunebaani ta, ne kotoon, ne keyonaa ne gimonon, ta toommoochoo ne nagixoon, ariyaabeeto taane.

Isiyaasi 37:6

Isiyaasi boonoshich “Doono Yeeri ishichiye: ‘Asooree taatoochi wocheyechinaꞌo taan boonoshi naagaa ne waayeti qaaroyich shattaahine. Ebiyoche, ayaanoon bi toommooch deejjemmo taane. Tuneti woroon waayeree bi showooch wottemmone. Aroochaa goraadoona bi qitemmoyich tuniyemmo taane’ itone getiree ittoshi taatoyich getote” iye.

Isiyaasi 47:6

Ta asheenaꞌon kaarehoye; boonoshin ne kishooch beshiyaa imona, ta hajjee asheenaꞌo giishemmoyich tuniihoye; newoo boonoshich ariqqeyaane neene; geeneenaꞌo toommooch waanjoon maggiihine.

Isiyaasi 51:20

Ne bushiisheenaꞌo shaaweeꞌi dihitinaꞌone; dabbooch yecheti doollechoommon, gommo bulliich yacheetinaꞌone; boonoshi toommooch, Doono Yeeri kaaro, ne Nuggishoochi noggoo, kinditone.

Isiyaasi 51:23

Ebi aroon, neen xuuxii beetinaꞌo kishooch, ‘Ne toommona no beshemmoyich yite’ ii beetinaꞌo kishooch, geddemmo taane; newoo ne gubboon, neecheebeeti showoommon, hammeebeeti gommoommon, tuniiti neene” iye.

Isiyaasi 52:3

Doono Yeeri ishichiye: “Duuboon kecheto ittoshine; gatiyoo qocaanoon biisheyemmo ittoshine” iye.

Erimiyaasi 50:17

“Israꞌeelee asheenaꞌo daaheroo yookkiti bageenaꞌone. Batti batt Asooree taatoo boonoshin maahe; ciiroochaanoo Baabloonee taatoo Nabukadinatsori boonoshi shaawushoon billbillayiye” iye.

Shoosho 1:21

“Asheenaꞌo ta gaashiron waayeheete; tunebaani taan goggiito koniyoona aalloone; ta etteenaꞌo ta xuuxoon waayeheete; ne tuniiti mooyona emiriyeete. Ne getteti aaboon boonoshi toommooch ne deebaa, boonoshiyoo taan shaahibeete.

Shoosho 2:3

Bi kaaree shiixxoona Israꞌeelee hakkoo bullin niriihe; etto no waan waammona, bi qanne kishoon no waanee gubb wochiye; michiibeeti qaaqqee aaxxo bi guudoo bullina aaxxeꞌi, Yaaqobin michiye.

Hiziqeeli 20:14

Tunebaani boonoshi ciinnii beetaa ta kichiti aageteenaꞌo aafoochaa ta shigo qallayeyaachemmoyicha iyaꞌa ebin tuniyaano taane.

Hiziqeeli 20:9

Tunebaani boonoshina tookkii beeti aageteenaꞌo aafoochaa Israꞌeeleenaꞌoyich bekkaꞌa boonoshin Gibitsee kichoyich ta gibenikkitoyich, ta shigo qallayeyaachemmoyicha iyaꞌa ta shigoyich ebin tuniyaano taane.

Sofoniyaasi 1:10

Doono Yeeri ishichiye: “Ebi arooba, Haashee Kelloochaa eeppi qaaro, andiro tuneti katemee kuxoochaa shooshee qaaro, geppoochaanoo kechi dihee qaaro waayeyemmone.

Roomi 2:24

Ebiyoo “Ayihudo ittoshi naboona Aageteenaꞌo daggooch Yeerichi shigo naakketone” getaa bi kooreetoommoniye.

Woraaferasheenaꞌo 18:3

Miki kechi gaꞌooch beechii ebi gurimaashe Lewee ashoochi qaaroon ariiheete; bi waan hammiꞌi, “Hiniich amooniye ne hallaa beeto? Neen deebito konine? Hiniich neen deebiti mooyochi amoone?” iyeete.