Isiyaasi 52:11 - Kafa Linguistics Project

¹¹ Doono Yeerichi yaafee kechi qiiceenaꞌon shaaggii beetinaꞌote, Baabloonee keyote; bi waanee baribote! Eeꞌe mooyon yechaahote. Aroochee keyiree ittoshi qelloon xalliibote.

Isiyaasi 52:11 ပူးပေါင်းရင်းမြစ်များ

1 Kiinoo 15:12

boonoshich ishichiye: “Ittoshi, Lewee yoodee yareenaꞌochi ukkiroo ittoshi tunetoyich, ittoshinaa Leweenaꞌo tuneti ittoshi maneenaꞌona ittoshi qelloon yaafibote. Ebiyee gubb, Israꞌeelee Nuggishoo Doono Yeerichi taabootoon biich ta qanniiti xaaꞌooch deebote.

Keyo 30:19

Harooninaa bi anaami bushiisheenaꞌona ebi gafetooch beeti aacoochee kitiree, boonoshi kishoonaa boonoshi baatoonon machebeete.

Isiyaasi 1:16

Macheree ittoshi qelloon xalliibote; ittoshi gonde shuunoon ta aafoochee wokkiibote; gondoon shuunoon qayote.

Isiyaasi 48:20

Baabloonee keyote; Kalidee showoochee gooyote; “Doono Yeeri bi guuno Yaaqobin biishetone” geti, ililoona showee toommo bulliich awaajjibote.

Isiyaasi 66:20

Doono Yeerich giddeebeeti buuroochoommon, ittoshi maneenaꞌon aagetoo bulliichee, haresheenaꞌona, baribare gaarinaꞌona, bicereenaꞌona, gaaleenaꞌona, yaafeeti ta guudo Yerusaalem deebemminaꞌone. Ebiyoo Israꞌeeleenaꞌo maayi buuroon xalle qiicoona Doono Yeeri taach yaafee kexooch boonoshi deeboommoniye” iye Doono Yeeri.

Erimiyaasi 31:21

“Ne gommooch malletoon gede; malletemmi xaqqee giimboon neechibe; ne hammeti gommon, qaxxee kaattoon, gaawichi ciine. Gidiideyoommi Israꞌeele, wottebe; ebi ne katemeenaꞌooch wottebe.

Erimiyaasi 50:8

“Baabloonee asheenaꞌo daggoochee xuuphi keyote! Kalideenaꞌo showoochee hambote; emmisheenaꞌo aafooch shiichiibeeti emmishee baaddeenaꞌoommon tunebote!

Erimiyaasi 51:45

“Ta asheenaꞌote, bi daggoochee keyote; Doono Yeerichi kaaree shiixxoochee ittoshi qelloon wodiibote.

Erimiyaasi 51:6

“Baablooni daggoochee keyi aallebote; ittoshi ikkikkoona ittoshi kashoon wodiibote; bi xuꞌee naboona aalleyaahote; hini Doono Yeerichi nichoon gaacci aaboone; bi kaalloon biich wochemmone.

Hiziqeeli 44:23

“Qeesheenaꞌo yaafeetonaa yaafeyaanoonochi daggooch beeti barbarittinoon ta asheenaꞌoyich dojjibeete; xalloonaa xalloo tuneyaanoonon boonoshi bariyemmi gommon bekkiibeete.

Leweenaꞌo 10:3

Muusiyoo Haroonich ishichiye: “Doono Yeeri gettito ebine: ‘Ta waan giddee beetinaꞌo daggoochaa ta yaafittinoon bekkiyemmo taane; asheenaꞌo bulli aafoochaa oogemmo taane’ bi ito ebine” iye. Harooniyoo cikkii qajjiye.

Leweenaꞌo 11:45

Ittoshi Nuggishoo tunoyich, Gibitsee ittoshin kichaꞌa deebeti Doono Yeeri taane. Ebich yaafoo ta tunetoyich, ittoshiyoo yaafoo tunebote.

Leweenaꞌo 11:47

Ebi sheeroo xalloonaa xalloo tuneyaanoonon, kashechi halloochee manjeyemmonaa manjeyaachemmonon ittoshi barbariyemmoyich ittoshin gaachemmone’ getote” iye.

Leweenaꞌo 21:6

Boonoshi Nuggishoo taach yaafeeton tunebeete. Boonoshi Nuggishoo ta shigoon naakkiyaayeete. Micciibeeti deejjoonaa maayi buuroonon taach giddii beetinaꞌo boonoshi tunetoyich, yaafeenaꞌo tunebeete.

Zakaariyaasi 2:10

Doono Yeeri ishichiye: “Yerusaalemi asheenaꞌote, ta, waaree ittoshi daggooch beeyemmo ta tunetoyich shoddebote; emirishoo getote” iye.

Zakaariyaasi 2:11

Ebiyoobee aabooch meeti aageteenaꞌo Doono Yeer waan wottemminaꞌone. Bi asheenaꞌonoo tunemminaꞌone. Biyoo ittoshi daggooch beeyemmone. Ittoshiyoo ittoshi waan taan wocheto Beshe Mawe Doono Yeeri tunoon ariyemmo ittoshine.

Haddoo 16:26

Biyoo iiteenaꞌoyich “Ebi gonde asheenaꞌochi duukkaanoochee ittoshi wokkemmoyich, ittoshin qollehoye. Boonoshi axaaxoo bullina ittoshi aalleyaachemmoyich, boonoshicho tuneto bullin yechaahote” iye.

Haddoo 19:11

“Ashi dubenoon yechito, shabaatte qemi wottoon eeꞌo tunemmone.

Haddoo 19:16

“Xalle gaddoochaa, goraadoona qititochi dubenoon woyee biiyeꞌi qititochi dubenoon yechimmo, wotta ashi shaawushoon woyee maashee oppoon yechimmo, shabaatte qemi wottoon eeꞌo tunemmone.

Haddoo 8:6

“Leweenaꞌon Israꞌeeleenaꞌo daggoochee kichiree boonoshi xallemmoyich tuniibe.

Mishiraachechinaꞌo 10:14

Pheexiroosi wochiꞌi, “Ta Doonocho, tuneyaache! Yaafoo tuneyaanoonaa ashoon eeꞌii beetonon cir maa ariyaano taane” iye.

Mishiraachechinaꞌo 10:28

Biyoo boonoshich ishichiye: “Ayihudeenaꞌo Aageteenaꞌona tookkii ikkotto woyee boonoshi kexooch gimo Muusichi Sheeree shaaddoo tunoon ariibeeto ittoshine. Tunebaani asho koninolla ‘Yaafoo tuneyaanoone; eeꞌoone’ ta getaachemmoyich Yeeri taach shiichiꞌi bekkiitone.

Roomi 14:14

Bi qelloona eeꞌo tuneti mooyo amolla aallo bi tunoon Doono Yesuusina tunaꞌa xiishaa ariito taane; tunebaani eeꞌoone iꞌi gabiibeeti are ashoyich eeꞌoone.

2 Qorontoosi 6:17

Ebich wotta Doono Yeeri ishichiye: “Boonoshi daggoochee keyiree baritinaꞌon tunebote. Axaaxoona eeꞌeti mooyon yechaahote; tawoo ittoshin taacho tuniyemmo taane.

Efesooni 5:11

Aafaalli manderee shuunoona tookki ikkotteyaahote; beshoonoo ebi shuunoon bekkooch kichibote.

1 Pheexiroosi 2:11

Ta shunechinaꞌote! Kashoona koyeebeeti meechi qaatoochee ittoshi wokkemmoyich, hini showee toommooch iibboonaa shiqqoona tuneti ittoshin qollaabeeto taane.

1 Pheexiroosi 2:5

Ittoshi giddemmo, kashechi xaqqoommon ayaanee kexon tuneꞌi hakkeyoyichiye. Ebina Yesuus Kiristoos waanaa emirikkiibeeti ayaanee deejjoon Yeerich giddiyoyich, yaafeeti qeesheenaꞌon tunemmo ittoshine.

Yaaꞌoo 18:4

Aroochee daakkiꞌi ishichiibeeti bare qaaroon shimaayoochee waayeho: “Ta macceenaꞌote! Bi axaaxee daggooch ittoshi bacceyaachemmoyich, bi toommooch kindemmi naxoo ittoshin bi xaaqqaachemmoyich, bi waanee bari keyote!