Isiyaasi 52:1 - Kafa Linguistics Project

¹ Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 52:1 ပူးပေါင်းရင်းမြစ်များ

1 Kiinoo 16:29

Bi shigoyich bede oogoon Doono Yeerich deebote; buuroon yeshiree bi aafooch wobote; bi yaafittino koojjii aaxxeebeeti Doono Yeerich goyinnebote.

Nehimi 11:1

Arooba asheenaꞌon yaabii qeejjii beetinaꞌo Yerusaalem koteheete. Echeti asheenaꞌoochee aashiroochee ikke beeroo yaafe katemee Yerusaalem bi kotemmoyich ixoo kuchehe; echeti yiixiye beeroo wotta bare katemeenaꞌooch echehe.

Shoddo 110:3

Koyooch ne keyiyooba, ne asheenaꞌo boonoshi qelloon neech beshii immemminaꞌone; gurimaashe ne asheenaꞌo haree doshoo (caagibano) kindoommon, yaafeeti geppooch, ne waan woyemminaꞌone.

Keyo 28:2

Ne manoo Haroonich oogee yiiroon immiibeeti, malletecho tuneti yaafeeti tahoon shuunebe.

Keyo 28:40

“Harooni anaami bushiisheenaꞌoyich oogee yiiroonaa malletoonon bi immemmoyich, kitteenaꞌon, bureenaꞌonaa qelli caaceenaꞌonon shuunebe.

Isiyaasi 1:21

Gibeneeti katemee aabichaꞌa yahechiyoommi tunehane! Ebiyee aaf dayinneto ceenniti, cadiqoo beeti katemeene; tunebaani and ashoon wuxechinaꞌochi katemee tunehan.

Isiyaasi 1:26

Ne woraaferasheenaꞌon wonneechooch, ne mikkirechinaꞌonoo aafichooch wochemmo taane; aroochee Cadiqee Katemee, Gibeneeti Katemee getaa ceekkemmi neene” iye.

Isiyaasi 26:2

Gibeneeti, cadiqe aageteenaꞌo giyemmoyich, katemee kelleenaꞌon qechibote.

Isiyaasi 35:8

Arooch gommo kechemmone; ebiyoo Yaafee Gommo getteyemmone; xalleyaaneenaꞌo aroona besheyaachemminaꞌone; aroona hammemminaꞌo Yeer asheenaꞌo baachiye; tuusheenaꞌo aroona hamaachemminaꞌone.

Isiyaasi 4:3

Tsiyoon echetinaꞌo, Yerusaalem beetinaꞌo, kashoona boonoshi beeyemmoyich kobereetinaꞌo bulli, yaafeetinaꞌo getteyemminaꞌone.

Isiyaasi 48:2

‘Yaafe katemee asho noone; bi shigo, Beshe Mawe Doono Yeeri tuneti, Israꞌeelee Nuggishoon gibeneebeeto noone’ ii beetinaꞌote, waayebote:

Isiyaasi 49:18

Ne aafoon kaachiree, ne guudoona ciine; ne bushiisheenaꞌo kiceeree ne waan woyemminaꞌone. Doono Yeeri ta, beeyecho ta tunoona wogehoye; eboshi bullin shashoochoommon shashemmi neene; woꞌechoommon tahemmi neene.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Isiyaasi 60:1

“Yerusaaleme, ne bekko waatoyich tiyi ceechibe; Doono Yeerichi oogee yiiroo ne toommooch aaxxemmone.

Isiyaasi 60:21

Ne asheenaꞌo bulli cadiqeenaꞌo tunemminaꞌone; showoon bulli yemeenooch woraashemminaꞌone; boonoshiyoo, ta oogo bekkemmoyich ta shuuneti ta kishee shuuneenaꞌo, ta bechiti becheenaꞌone.

Isiyaasi 61:10

Doono Yeerina oogichaa emiriyoye; ta kashe ta Nuggishoona emiraa wucwuccahane; bechee bungee gubbichoon uketi woꞌee kenoochoommon, macecikkiti shashoon shasheti woꞌechoommon, wodee tahoon taach tajjitone; cadiqee tahee xappoon taach xappitone.

Isiyaasi 61:3

Tsiyoonaa eeppii beetinaꞌoyich, tullee keroon mocee bungee gubbichoon, eeppi keroon emiree zayitoon, ayinii tuummi keroon galletee tahoon, ta immemmoyich taan wochetone; boonoshiyoo bi oogoon boonoshi bekkiyemmoyich, Doono Yeeri bechiti cadiqee mixinaꞌo getteyemminaꞌone.

Isiyaasi 64:10

Ne yaafe katemeenaꞌo barahoon tunetinaꞌone; Tsiyooniyoo barahoo tunetine; Yerusaalemi tiishaa aalletine.

Erimiyaasi 31:23

Israꞌeelee Nuggishoo Beshe Mawe Doono Yeeri ishichiye: “Boonoshi kecoon ta wochiyooba, Yihudee showoonaa bi katemoo bullinoochaa, ‘Cadiqee beemi xaaꞌoocho! Yaafee geppoocho! Doono Yeeri neen diiribe’ wochinnoon getteyemmone.

Hiziqeeli 44:9

Ebich Nuggishoo Doono Yeeri ishichiye: Boonoshi mulloona, boonoshi achoonoo dokireyaani ashi showee asheenaꞌo, Israꞌeeleenaꞌo daggooch kotetinaꞌolla tunetaa ta yaafee kexooch giyaayeete.

Daaneeli 10:9

Aroochee bi qaaroon waayeho; bi qaaroon ta waayehooba, kashoon tuushaa showooch baroona guufeho.

Yoꞌeeli 3:17

“Arooba, yaafeeti Tsiyooni ta geppooch beeti, ittoshi Nuggishoo Doono Yeeri ta tunoon ariyemmo ittoshine. Ebiyooba Yerusaalemi yaafeeti tunemmine; dallaaweenaꞌo biin koyi wochaachemminaꞌone.

Naahoomi 1:15

Illa ebiyoche, mishiraachoon gettecho, diggee woroonoo awaajjecho, guudi toommooch shaggitone; Yihudee asheenaꞌote, baaroon baaribote; ittoshi mookketon Yeerich imbote. Gonde asheenaꞌo ciroona hidaa aalletinaꞌone; illa ittoshi showoon kocha wochinnoon waataachemminaꞌone.

Haagi 2:4

Illa and Zerubabeelo, kupphebe. Yehotsedeeqichi bushoo, qeeshee guudo Yaaso, kupphebe. Hini showeexi asheenaꞌote, kuppheree shuunebote. Beshe Mawe Doono Yeeri ta, ittoshina tookkaa taane.

Zakaariyaasi 3:4

Maraakoo bi aafooch neexee beetinaꞌon “Ebi uro taheti wooreti tahoon shootote” iye. Yaasinoo “Ne axaaxoon ne waanee wokkiito taane; gaawe tahoonoo neech tajjemmo taane” iye.

Maatiyoosi 4:5

Ebiyee gubb, daabiloosi Yesuusin yaafe katemoo Yerusaalem daammii, yaafee kechi guummooch kichii neechiꞌi ishichiye:

Luqaasi 15:22

“Tunebaani nihoo bi aafee bushiisheenaꞌon ishichiye: ‘Kaateree bulliyee beshe gaaweti tahoon deebi biich tajjibote; bi kishoochoo axxaamittoon, bi baatoochoo caammoon deebiree gedote.

Roomi 13:14

Tunebaani Doono Yesuus Kiristoosin qoreddoochoommon tahebote; meeno qaatiibeeti mooyon ceechiya meenoyich gaboon qayote.

Roomi 3:22

Aroo Yesuus Kiristoosi toommooch mullee tooꞌiyoona Yeer waanee danemmi cadiqoone. Boonoshi mulloon Yesuus Kiristoosi toommooch tooꞌii beetinaꞌo bullin Yeeri cadiqiyemmone. Barittino aalloone;

Efesooni 4:24

Ibere cadiqittinoonaa yaafittinoona Yeerin shaahoyich halleeti andire ashoon tahebote.

Efesooni 6:10

Illa and, Doono Yesuusinaa bi ooge giidoona kupphebote.

Yaaꞌoo 11:2

Yaafee kexoyee maach beeti addibaaboo Aageteenaꞌoyich icheto bi tunetoyich qaye; qellayiyaahine. Boonoshiyoo aabbaa gutte agenoon yaafe katemeen neexi hajjemminaꞌone.

Yaaꞌoo 19:14

Shimaayooch beeti dofee ginee naayinaꞌo muttee tuppoochee cicii yokketaa shippeti nacce xalle tahoon tahee, nacce haresheenaꞌon yebbeꞌi biin dabbiyeete.

Yaaꞌoo 19:8

Bagoochi woꞌechoo muttee tuppoochee cicii yokketaa shippeti, wacciibeeti xalle tahoon bi tahemmoyich ichehe” iye. Ebi are muttee tuppoochee cicii yokketaa shippeti taho yaafeenaꞌo shuuneti cadiqee shuunee shaahiyoone.

Yaaꞌoo 21:2

Yaafe katemee, andire Yerusaalemi, kenooch hamma macecikkiti tahoon tahaa qannaa tiyeti woꞌeen shaahaꞌa shimaajj beeti Yeer waanee bi kindaa beetaa beeggeho.

Yaaꞌoo 21:27

Bagoochi kashee macaafooch boonoshi shigo kooreetinaꞌoyee beshetaa, amee eeꞌe mooyo tuneba tiyaariibeeti mooyon shuuneebeeto woyee kootoon koottiibeeti asho hini are katemeech ciroona giyaachemmone.