Isiyaasi 51:6 - Kafa Linguistics Project

⁶ Ittoshi aafoon kaachiree shimaayooch ciinote; dugilla showoochoo ciinote. Shimaayoo cufoochoommon naayi aallemmone; showoo qoreddoochoommon geenemmone; arooch beetinaꞌoo mattoochoommon qiti ciiremminaꞌone; tunebaani ta wodiyoo bulli yemeeneechone; ta wodiyoyich ciiro aalloone.

Isiyaasi 51:6 ပူးပေါင်းရင်းမြစ်များ

Shoddo 103:17

Tunebaani Doono Yeerichi shoodo biin shattii beetinaꞌoyich bulli aaboochee bulli aaboochiye; bi cadiqittinoo bushaa bushooch beddaahaa boonoshi toommoochiye.

Shoddo 111:3

Doono Yeerichi shuunoo oogoonaa oogee yiirechonane; bi cadiqoo bulli yemeenoon manji beeyemmone.

Isiyaasi 13:13

Ebich Beshe Mawe Doono Yeeri ta kaaro aaxxehooba shimaayeenaꞌon qewiyemmo taane; showeenoo bi xaaꞌoochee shuurikkemmo taane.

Isiyaasi 33:6

Arooba, ittoshi yemeenoon manjoo tuniyemmone; ittoshich wodoon, ariyoonaa shalligoonon immemmone; Doono Yeerin shato boonoshich aaxxe gaannoon tunemmone.

Isiyaasi 34:4

Shimaajji halleenaꞌo bulli muuyi aallemminaꞌone; shimaayoo macaafee qodoommon qodemmone; woyinee waamonaa balaasee waamona ooyoommon boonoshi daggeexi halleenaꞌo oojjemminaꞌone.

Isiyaasi 40:26

Ittoshi aafoon kaachiree shimaayooch ciinote; ittoshi beeggiibeeti xojjeneenaꞌon hallito konine? Bi boonoshin ginee naayinaꞌochoommon kichiye; boonoshi bullinolla boonoshi shigoona ceeggiye; ooge giidecho, ooge hakkecho bi tunetoyich ikkolla aalleyaache.

Isiyaasi 45:17

Tunebaani Doono Yeeri, bulli yemeenee wodoon, Israꞌeeleenaꞌon wodiyemmone; ittoshiyoo bulli yemeenoon yeelleyaachemmo ittoshine; giisheyaachemmo ittoshine.

Isiyaasi 50:9

Nuggishoo Doono Yeeri taan gaachemmone; ta toommooch nallemmo konine? Taan taggee beetinaꞌo bulli tahoochoommon geenemminaꞌone; pilo boonoshin maayemmone.

Isiyaasi 51:8

Tahoochoommon pilo boonoshin maayemmone; bagee eexochoommon hipperoo boonoshin maayemmone; tunebaani ta cadiqoo bulli yemeenooch beeyemmone; ta wodiyoo bulli shiijjerooch beeyemmone” iye.

Isiyaasi 54:10

Guudinaꞌo shuuroon, geppeenaꞌoo qewoon, hakkiyeete; tunebaani ta shoodo ne waanee wohaachemmone; ta giyeti diggee wogo happeyaachemmone” iye neech ariqqechi Doono Yeeri.

Isiyaasi 54:9

“Ebi taach Noohi yemeenoommone; Noohi yemeenooba aaco wochinnoon showoon bi yexaachemmoyich, ta wogoommon, neen kaare ta noggeyaachemmoyich wogeto taane.

Daaneeli 9:24

“Xuꞌee shuunoon neechoyich, axaaxee shuunoon bayoyich, gonde shuunoon maariyoyich, bulli yemeenee cadiqoonoo deeboyich, yaaꞌoonaa keemoonon hiconaa yaafee kexon huutonoyich, ne asheenaꞌonaa ne yaafe katemeenoyich shabe kaallee shabaatte naton Yeeri maaccitone.

Maatiyoosi 24:35

Showoonaa shimaayoona beshemmone; tunebaani ta qaaro besheyaachemmone” iye.

Yowannisi 5:24

“Iberoon ittoshich gettoye: Ta qaaroon waayeebeeto, taanoo deejjiti Yeeri toommooch mulloon tooꞌiibeeto, bulli yemeenee kashechone; qitoochee kashooch kimmitalli, nalloo bi toommooch kindaachemmone.

Yibbaatoo 4:19

Damba shimaayooch ciiniree, aabeen, ageneenaa xojjenoonoyich ne goyinne maddemmoyich ne mullo neen bi geechaachemmoyich, ne qelloon ariibe! Ne Nuggishoo Doono Yeeri eboshich boonoshi goyinne maddemmoyich showee toommo bulliich beeti asheenaꞌon beshiiꞌi immitone.

2 Tasaloonqi 2:16

Bi qelloona no Doono Yesuus Kiristoosinaa noon shunniti, bi wojjoona bulli yemeenee goggoonaa manje gibenoonon nooch immiti no Nihoo Yeerina ittoshi mulloon goggiibeete; gaawe mooyo bullin ittoshi shuunemmonaa yibbaatemmonoyich ittoshin kupphiibeete.

Hibireena'o 5:9

Ebi bullin bi ceechitoyee gubb, biich deꞌa ii beeto bullich, bulli yemeenee wodoon immiibeeto tunetone.

Hibireena'o 9:12

ikke wottoon ciichiꞌi, shimaayooch beeti Yaafe Xaaꞌeexi Yaafooch emmisheenaꞌonaa gubbeneenaꞌonochi damoona tuneyaanoon, bi hajjee damoona giyiye; arooch giyiꞌi bulli yemeenoon axaaxoochee biicheyoon nooch daniihe.

Hibireena'o 9:15

Ebich aafi wogo batt manjiꞌi bi beetaa, sheeroon shaaddetinaꞌon boonoshi shuuneti axaaxoochee biishe kichiya Kiristoosi qititoyich, Yeeri bi ceeggiti asheenaꞌoyich bi gibenikkiti bulli yemeenee iristoon boonoshi deqqemmoyich Kiristoosi andire wogee shoobbechone.

Yaaꞌoo 20:11

Aroyee gubb ooge nacce taatee qeenon, bi toommooch kotetonoo beeggeho; showoonaa shimaayoona bi aafoochee aalleheete; xaaꞌoo boonoshich daneyaanoone.