Isiyaasi 51:20 - Kafa Linguistics Project

²⁰ Ne bushiisheenaꞌo shaaweeꞌi dihitinaꞌone; dabbooch yecheti doollechoommon, gommo bulliich yacheetinaꞌone; boonoshi toommooch, Doono Yeeri kaaro, ne Nuggishoochi noggoo, kinditone.

Isiyaasi 51:20 ပူးပေါင်းရင်းမြစ်များ

Isiyaasi 29:9

Worganebote; keqqibote; ulle wolleree echebote; woyinee uyoon uyaanoon mashebote; mashiibeeti uyoon uyaanoon dadeddebote.

Isiyaasi 40:30

Gurimaasheenaꞌo taahiꞌi nireheete; haccellimiꞌi dihiyeete.

Isiyaasi 49:26

Neen neexxii hajjitinaꞌo boonoshi hajjee meenon boonoshi maayemmoyich, boonoshi hajjee damoonoo woyinee uyoochoommon boonoshi uchemmoyich, tuniyemmo taane. Ebina Doono Yeeri ta, neen Shiwechonaa Biishee Wodiyechona, Yaaqobi goyinneebeeti Giidechi Nuggishoo ta tunoon, asho bulli ariyemmone” iye.

Isiyaasi 5:25

Doono Yeeri kaaro bi asheenaꞌo toommooch cufiye; bi mochoon tiijjiꞌi boonoshin yexxiye; guudinaꞌo qeweheete; asheenaꞌochi dubenoo guudoochoommon gommooch dihitone; ebi bulli tunetaanoona Doono Yeeri kaaro besheyaanoone; andoo bi mochoon tiijjiꞌiniye bi beeto.

Isiyaasi 51:17

Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Isiyaasi 51:21

Woyinee uyoona tuneyaanoon, xuuxoona mashetine, ebin waayebe.

Isiyaasi 66:15

“Ebiyoche, Doono Yeeri qaaqqoona woyemmone; bi gaarinaꞌoo yubee yongoomminaꞌone; bi ippoon kupphe bi kaaroona, bi noggoonoo aaxxeebeeti qaaqqoona bekkiyemmone.

Isiyaasi 8:21

Boonoshiyoo xuuxebee, shaacebee showee toommooch yallyallimemminaꞌone; shaacoochee tiyitona ippoona kaama ciinibee boonoshi taatoonaa Nuggishoonon uppemminaꞌone.

Erimiyaasi 14:16

Keemoon boonoshi keemmiti asheenaꞌoo shaacoonaa goraadoonoochee tiyitona Yerusaalemi gomminaꞌooch yacheyemminaꞌone; boonoshi gondoon boonoshi toommooch woniyemmo ta tunetoyich, boonoshinaa boonoshi mecheenaꞌonon, boonoshi anaami bushiisheenaꞌonaa maache bushiisheenaꞌonon, duukkemmo daneyaachemmone.

Erimiyaasi 14:18

Gaddooch ta hammemmona, ebiyoche goraadoona qititinaꞌo beeteete; katemooch ta giyemmona, qitooch beddaahaa shaacetinaꞌo beeteete; keemechinaꞌonaa qeesheenaꞌona boonoshi ariyaanee showooch hammitinaꞌone’ itone gete” iye.

Shoosho 1:15

“Doono, ta ginee anaaminaꞌo bullin duppiye; ta gurimaasheenaꞌon buricoyich, ta toommooch ginee naayinaꞌon kiciye; oppoochaa woyinoon kotoommon Doono Yihudee asheenaꞌon kotehe.

Shoosho 1:19

“Ta shunechinaꞌon ceeggehoye; tunebaani boonoshi taan dawushiyeete; ta qeesheenaꞌonaa showee geeneenaꞌona kashoona beemoyich, maayoon qaawiibee katemoochaa qitiyeete.

Shoosho 2:19

Xumoona tiyi wochi wochi cookibote; ittoshi mullooch beeto bullin, Doonochi aafooch aacochoommon woniibote; gommo bulliichaa shaacoona naqereti, ittoshi bushiisheenaꞌochi kashoyich, ittoshi kishoon bi waan yaggibote.

Shoosho 4:11

Doono Yeeri bi kaaree shiixxoon kindiihe; ooge bi kaaroon woniihe; Tsiyooni toommooch qaaqqoon geddiye; dechi bi hecoonoo michiye.

Shoosho 4:2

Gaawe aachooch haddeeti Tsiyooni bushiisheenaꞌo, nuuqqee hachechochi kishoona hacheeti, nuuqqee qiicoommon aabichiꞌi haddeeheete!

Shoosho 5:13

Gurimaasheenaꞌo giidoona yeshaa xaqqoon yiikkeheete. Anaami bushiisheenaꞌo michi maggoochee tiyitona tattelleheete.

Hiziqeeli 12:13

Ta dabboon bi toommooch yaggemmo taane; ta shaachoona yecheyemmone; Kalideenaꞌochi showoo tuneti Baabloon biin deebemmo taane; tunebaani are katemeen beegaanoon aroochaa qitemmone.

Hiziqeeli 17:20

Ta dabboona biin dabbe yechemmo taane; Baabloonee showooch biin daammemmo taane; taach gibeneyoo bi qajjitoyich aroochaa bi toommooch nallemmo taane.

Hiziqeeli 39:19

Ittoshich ta qanniiti deejjee gifiroochee ittoshi michimmi wottoon awuyon maayemmo ittoshine; ittoshi mashemmi wottoon damoon uchemmo ittoshine.

Yibbaatoo 14:5

xiixxee, boyijjo, doolloo, kubbi emmisho, geppe xaaꞌooch beeti bare kubbi emmisho, boriheenaa kubbi bagoononiye.

Yibbaatoo 28:20

“Doono Yeerin qajjaꞌa gonde mooyon ne shuunegaata, amoonolla shuuneya ne qiiccetaa, qaaꞌi mooyon ne toommooch deebiree neen betiyemmone; duꞌo neen yechemmone; kaateree ciroona aallemmo neene.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.