2 Ittoshi nihoo Abrahamin, ittoshin shiyeti Saarinoo ciinote. Abrahamin ta ceeggiyooba bi ikkeetone; biin diiriyoye; bi yaroonoo meechiyoye.
iberoon neen diiremmo taane; ne shiijjereenaꞌonoo shimaajji xojjenoochoommon, baharee gasheexi qacoochoommonoo meechemmo taane. Ne shiijjereenaꞌo boonoshi etteenaꞌochi katemeenaꞌon koyi yeshiree hajjemminaꞌone.
Doono Yeeriyoo Abrahamin bulli mooyona diiritone. Biyoo oogeton geenaa baayetone.
Doono Yeeriyoo ta doonon oogeton diiritone; oogeti gaannoon biich immitone. Meeti bagoonaa emmishoonon, miimon, gaaleenaa kuroonon, birewoonaa aachoonon, guunonaa gonneenonoo immitone.
Ebich Abrahamin biishee wodiiti Doono Yeeri Yaaqobichi yareenaꞌochon ishichii beetone: “Yaaqobi ebiyee bekk yeelleyaachemmone; yeelleree ceelleyaachemmone.
“Tunebaani ta guuno Israꞌeelo, ta kaacceti Yaaqobo, ta shunechi Abrahami yaroocho,
Qaabbechi ne nihoo axaaxoon shuunehe; ne ukkireenaꞌoo ta sheeroon shaaddeheete.
“Yaaqobichi yareenaꞌote, Israꞌeelichi shigoona ceekketinaꞌote, Yihudi yaroochee shiijjetinaꞌote, Doono Yeerichi shigoona wogee beetinaꞌote, iberoona woyee cadiqoona tuneyaanoon Israꞌeelee Nuggishoon ceeggii beetinaꞌote, waayebote.
Giisheche ittoshi asheenaꞌo humoon, meetaani asheenaꞌoo giidechi aagetoon, tunemminaꞌone. Ta, Doono Yeeri taane; bi aabooba ebin kaate tuniyemmo taane” iye.
Abrahami noon ariyoo bi qajjitaa, Yaaqobi noon shalligoo bi qajjitaa, ne nooch Nihoo neene; Doono Yeero, ne nooch Nihoo neene; wonna beddaahaa noon Biishecho ne shigoone.
“Ashi bushoocho, Israꞌeelee showooch, happeeti xaaꞌooch koteti asheenaꞌo ishichii beetinaꞌone: ‘Abrahami ikke asho tuneebee showoon woraashiye; tunebaani no meeto no tunetoyich showoo no iristo bi tuno xiisheetone’ ii beetinaꞌone.
Ittoshi Nuggishoo Doono Yeeri ittoshi shiijjeroon meechitone. And shimaayeexi xojjeno meetoommon meettito ittoshine.
“Newoo ne Nuggishoo Doono Yeeri aafooch ishichi gettemmo neene: ‘Qaabbechi ta nihoo yallyallimiibee echeti Araamee ashoone. Giisheche bi ashoona tookkii Gibits hammiꞌi arooch kotehe. Aroochaa aricheto, giidechonaa meetona tuneti aagetoon tunehe.
Tawoo ittoshi qaabbechi Abrahamin Efiraaxisee bekk beeti showoochee deebaa, Kanaanee showoo bulli daggooch biin yaabiyoye; bi shiijjereenaꞌon meechiyoye; Yisaaqinoo biich immehoye.