Isiyaasi 51:19 - Kafa Linguistics Project

¹⁹ Ginoona happeyoo, shaacoona aallo, ebi gutte mooyo neech shaggitone; neen kupphiyemmo konine? Neen goggiyemmo konine?

Isiyaasi 51:19 ပူးပေါင်းရင်းမြစ်များ

Iyoobi 2:11

Iyoobichi keejje nuucheenaꞌo eboshiyoo, Temaanee asho Elifaazi, Shuhee asho Bildaadinaa Namaatee asho Soofaarina bi toommooch magge mooyo shagon waayeheete. Boonoshiyoo ikkotte bi waan hamiree biin goggii boonoshi kupphiyemmi aaboon taajjeheete.

Iyoobi 42:11

Bi anaami maneenaꞌo, maache maneenaꞌonaa bi aricheenaꞌo tuneti asheenaꞌo bullina biin beegga waaheete; bi kexoochaa biinna tookkii maa uchiyeete; Doono Yeeri bi toommooch deebiti xuuxoyich ayiniyeete; biinoo goggiiheete. Boonoshi ikkikkoona xure birewoonaa aachee qalibetoonon biich immiyeete.

Shoddo 69:20

Naago ta mulloon buriccitone; ebina ta gibeno tahitone. Taach ariqqemmi ashoon qaawiyoye; tunebaani koniyoona aalloone; taan goggiyemmi ashoon qaawiyoye; tunebaani daneyaanoone.

Dojjecho 4:1

Wottoo hini showee toommooch tuneebeeti xuꞌo bullin beeggeho; xukketi asheenaꞌo eeppii beeheete; tunebaani boonoshin goggiyemmo aalloone. Boonoshin xuqqii beetinaꞌo hakkechinaꞌo tunetoyich, boonoshin goggiyemmo aalloone.

Isiyaasi 14:30

Amolla aalli girechinaꞌo maayemminaꞌone; gichechinaꞌo carete qeyemminaꞌone; tunebaani Filsixeemo tuneti ittoshi yaroon shaacoona wuxemmo taane; ittoshi curoonoo aalliyemmo taane” iye.

Isiyaasi 22:4

Ebich tawoo, “Ittoshi qayaa tiitteree eefona; taan goggiiya qiicceyaahote; qititi ta asheenaꞌoyich eefona” iyoye.

Isiyaasi 47:9

Ikke areddoon qillifee yexx bedaan beetaa, ebi gutte mooyinaꞌo ne toommooch shaggemminaꞌone. Bushiishee qitii ciiroonaa xuumee tunoona, diqqoona ne toommooch shaggemmone; meeti iicechinaa meeti qaaxechina ne tunetaanoona, ebi mooyo ceenoona ne toommooch shaggemmone.

Isiyaasi 54:11

Doono Yeeri ishichiye: “Hini xuuxeti, yubee yongoonoo wullaawulleti, goggoonoo mawiitine, aaxxe xaqqoona wochinnoon neen shuunemmo taane; sapiiroona ne hecoon heccemmo taane.

Isiyaasi 60:18

Ebiyee bekk ne showoochee xukko, ne showee danoochee happeyoonaa aalloona, waayeyaachemmone; ne uxereenaꞌon wodeenaꞌo, ne kelleenaꞌonoo galleteenaꞌo, geti ceeggemmi neene.

Isiyaasi 61:2

Shucheti Doono Yeerichi natonaa no Nuggishoochi nichoo kichee aaboonon ta awaajjemmoyich, eeppii beetinaꞌo bullin ta goggiyemmoyich

Isiyaasi 8:21

Boonoshiyoo xuuxebee, shaacebee showee toommooch yallyallimemminaꞌone; shaacoochee tiyitona ippoona kaama ciinibee boonoshi taatoonaa Nuggishoonon uppemminaꞌone.

Isiyaasi 9:20

Qanni waanaa maaheete; tunebaani andoo shaacechinaꞌone; yoochi waanaanoo qooxxiyeete; tunebaani miyaacheete; asho bi ikkikkoona bi xiboochi meenon maayemmone.

Erimiyaasi 15:5

“Yerusaalemi asheenaꞌote, ittoshich ariqqemmo konine? Woyee ittoshich ayinemmo konine? Woyee ittoshi diggittinoon echoyich ittoshi waan wottemmo konine?

Erimiyaasi 24:10

Boonoshinaa boonoshi qaabbechinaꞌonoyich ta immeti showoochee boonoshi aallemmi wottoon boonoshi daggooch goraadoon, shaacoonaa biiyoonon deejjemmo taane” iye.

Shoosho 1:12

Yerusaalemiyoo ishichiyan: “Gommo besheebeeti asheenaꞌote, Doono Yeerichi kupphe kaaree aabooba duꞌoon ta toommooch deebiꞌi taan bi xuuxiitoommi xuuxo bee ariihe? Ebi ittoshi bullich kette mooyo shaahii beete? Eke ebin manjii ciinote!

Shoosho 1:9

Bi eeꞌo bi qamisee toommooch bekkehe; bi ciiro amo gaata ariyaaneene; ebich gonde dihoon dihiyan; biin goggiyemmonoo muccahan. Biyoo “Doono Yeero, ta duꞌoon beege! Etto taan kochii wochitone” iyan.

Shoosho 3:47

Keqqoonaa dihoona, happeyoonaa aalloona no toommooch shaggitone” getone.

Hiziqeeli 14:15

“Are showooch kubbi cooxon ta daachiitaa, koniyoona aroona besheyaachemmon tuniiꞌi showoon boonoshi yexxii aalliigaata,

Hiziqeeli 14:21

“Ebich Nuggishoo Doono Yeeri ishichiye: Ashoonaa gijjoonon aroochee aalliyoyich kupphe magge awudde ta naxeenaꞌon, eboshiyoo, ginoon, shaacoon, gonde cooxinaꞌonaa biiyoonon Yerusaalemi toommooch ta deejjiyooba magge mooyo tunemmone.

Amootsi 7:2

Gechoo showee toommeexi mocoo bullin maa bi ciichoon beeggaꞌa, ishichaꞌa corootiyo: “Nuggishoo Doono Yeero, boonoshin ne maaremmoyich neen qollehoye. Israꞌeeleenaꞌo hakka guuteenaꞌo boonoshi tunetoyich, ebin aabichiree hakkeheete” iyo.

Naahoomi 3:7

Neen ciinnii beetinaꞌo ne waanee kishebee, ‘Nanawi tiishetine; biich eeppemmo konine?’ gettemminaꞌone. Biin goggiyemmon amoochee danehote?” iye.

2 Qorontoosi 7:13

no goggetoo ebichi naboyichiye. No goggetoyee beshoon Titoosichi emiroona no wotta oogichaa emirito noone; ebiyoo bi mulloon ittoshi bulli kashiitoyichiye.