Isiyaasi 51:17 - Kafa Linguistics Project

¹⁷ Doono Yeerichi kishoochee kaaree xoofoon ucheti, dadeddiibeeti uyoon cangeti, Yerusaaleme, qaallibe; tiyi neexebe.

Isiyaasi 51:17 ပူးပေါင်းရင်းမြစ်များ

Iyoobi 21:20

Boonoshi aalloon, boonoshi hajjee aafoona beegeete; Beshe Hakkechi Yeeri naxoona boonoshin yexe.

Shoddo 11:6

Gondeenaꞌo toommooch, qaaqqee bunoonaa waageroonon amiyochoommon dichemmone; gaame yongo boonoshi ixee qoodoo tunemmone.

Shoddo 60:3

Ne, asheenaꞌon xuuxo bekkiitine; dadeddiibeeti woyinee uyoon no uchemmoyich immetine.

Shoddo 60:5

Ne shunnaabeeti asheenaꞌo wodemmoyich, ne qanne mochoona nooch wudoon daniibe; no corootoon waayebe.

Shoddo 75:10

Biyoo gondeenaꞌochi qaroon tiichemmone; tunebaani cadiqeenaꞌochi qaro qaalli qaalli hammemmone.

Shoddo 75:8

Doono Yeerichi kishooch xoofoo beetone; biyoo umbeebeeti bi kaaree kashi woyinee uyoon arooch ceechiye. Ebinoo bi woniitaa, showee toommeexi gondeenaꞌo bulli uchiyeete; cingoonolla echiyaanoon cangeheete.

Isiyaasi 29:9

Worganebote; keqqibote; ulle wolleree echebote; woyinee uyoon uyaanoon mashebote; mashiibeeti uyoon uyaanoon dadeddebote.

Isiyaasi 40:2

“Bi guuchittinee yemeeno ciiroon, bi axaaxoo maareyoon, Doono Yeer waanee gutte kishoon, bi axaaxee sheeroon bi deꞌon, Yerusaalemich maanjoona getote; biich awaajjibote” iye.

Isiyaasi 51:21

Woyinee uyoona tuneyaanoon, xuuxoona mashetine, ebin waayebe.

Isiyaasi 51:22

Bi asheenaꞌoyich taggeebeeti Doono, ne Nuggishoo Doono Yeeri, ishichii beetone: “Dadeddiibeeti xoofoon, ta kaaree xoofoon ne kishoochee daammeto taane; ebiyee bekk uyaachemmi neene.

Isiyaasi 51:9

Tibe, Doono Yeerichi mochoocho, tibe! Giidoon tahoochoommon tahebe; wonnee shiijjereenaꞌochi besheti yemeenooch ne tuniitoommon, tibe. Rahaabin muucmuucayito, dareboonoo kocheto, ne toono neene?

Isiyaasi 52:1

Tsiyoone, tibe, tibe! Giidoon tahoochoommon tahebe. Yaafeeti katemee Yerusaaleme, kitte ne tahoon tahebe. Ebiyee bekk dokireyaanoonaa eeꞌoona, ne waan giyaachemmone.

Isiyaasi 63:6

Ta kaaroona asheenaꞌon neexxoye; ta naxoonoo mashiihoye; boonoshi damoonoo showooch ukkiyoye” iye.

Erimiyaasi 13:13

Newoo boonoshich, Doono Yeeri ishichiye: ‘Hini showooch beeto bullin, Daawitichi qeenooch koteton, qeesheenaꞌon, keemechinaꞌon, Yerusaalem koteto bullin, boonoshi mashemmi wottoon woyinee uyoon uchiree cipphayi ceechemmo taane.

Erimiyaasi 25:18

Hanaach tunetoommon, shokkaachoonaa amolla aalloona, cooneyoonaa ufonon boonoshi tunemmoyich, Yerusaalemi katemoyich, Yihudee katemeenaꞌoyich, bi taateenaꞌonaa bi iraasheenaꞌonoyich uchiyo;

Erimiyaasi 25:27

“Aroochee boonoshich ishichibe: ‘Israꞌeelee Nuggishoo Beshe Mawe Doono Yeeri ishichiye: Ittoshi daggooch ta deejjemmi goraadee naboona, uyote; mashebote; cooyote; ebiyee bekk tiyaachemmon tuneree dihibote’ gete.

Erimiyaasi 44:6

Ebich ta neboonaa ta kaaroona kindiye; Yihudee katemeenaꞌonaa Yerusaalemi gomminaꞌonooch aaxxehe; hanaach ittoshi beeggii beetoommon happeetinaꞌone; shokkoonoo echetinaꞌone.

Zakaariyaasi 12:2

“Yerusaalemin bi guudoona beeti aageteenaꞌo bullich, dadeddiibeeti woyinee uyee xoofoommon tuniyemmo taane. Yerusaalemi giicheehooba Yihudee showeexi katemeenaꞌoo giicheyemminaꞌone.

Maatiyoosi 20:22

Tunetaa Yesuusi wochiꞌi, “Ittoshi qollemmon ariyaachote. Ta uchemmi xuuxee xoofoochee uyon hakkehote?” iye. Boonoshiyoo wochiꞌi, “Eeha hakkemmo noone” iyeete.

1 Qorontoosi 15:34

Ittoshi mulloon kaachibote. Axaaxoon shuuneyaahote. Ittoshi daggooch Yeerin ariyaani ikkikkeenaꞌo beetinaꞌone. Ta ishichaabeeto, ittoshi yeellemmoyichiye.

Yibbaatoo 28:28

Doono Yeeri neen geyiyemmone; ne aafoon wolliyemmone; ne mulloonoo baalliyemmone.

Yibbaatoo 28:34

Ne aafoona ne ciinnaabeeti mooyoochee tiyitona, geyemmo neene.

Yaaꞌoo 14:10

asho mashiibeeti uyoon bi uyoommon Yeerichi kaaree shiixxee xoofoochee uchemmone. Ebi Yeerichi kaaree shiixxee xoofoo aqqayoo aalli shayone; yaafe maraakeenaꞌonaa Bagoonochi aafoochaa qaaqqoonaa micciibeeti waageroona shooddeyemmone.

Yaaꞌoo 16:19

Arooba ooge katemee keejj beera gaahaa qoodeehan; wotta aageteenaꞌochi katemeenaꞌo bulli dihiyeete. Yeeri ebi ooge katemee Baablooni shuuneti gondoon gabiye; asho mashiibeeti uyoon bi uyoommon ooge bi kaaree shiixxoo ceenniti xoofoon Baablooni katemeech uchiye.

Yaaꞌoo 18:6

Bareenaꞌo toommooch gondoon bi shuunetoommon, bi toommooch aroommon gaacote. Bi tuniiti gutte kishoon tuniiree minjibote. Bareenaꞌo uchemmoyich bi qanniiti shayi uyee xoofooch bi shachemmoyich, gutte kishoon wuurii bacciree biich uchibote.

Woraaferasheenaꞌo 5:12

Diiboore, qaallibe; qaallibe! Qaallibe; shoddoon shoddebe; qaallibe! Abinoꞌami bushoo Baraaqo, tibe! Keccetinaꞌon dabbiiree daambe!